1 Juan 2:27

Aymar Bibliia 1986

Ucampis jumanacanjja utjapjjtamwa Kollan Ajayu cawquïrtejj Tatit Jesucristojj churapjjtam uca. Uqhamatwa jan qhitin yatichäwips munapctati, uca pachpa Ajayuw jumanacarojj yatichapjjtam. Yatichäwipasti chekawa, janiraquiw c'arïquiti. Uqhamay Tatit Jesucristompejj mayac jacapjjam, cunjämtï Kollan Ajayojj yatichapctam uqhamarjama.

Jak'a apnaqawi uñst'ayäwi

Proverbios 28:5

Jucharar jakenacajj janiw amuyt'apquiti cheka cancañatjja, ucampis qhitinacatejj Tatitur thaktapqui ucanacaw take cun amuyt'apjje.

Levítico 7:35

Cuna ofrendanacatejj Tatitutaqui nact'ayatäqui ucanacajja Aaronampiru wawanacapampiruw wact'i, cunürutejj Tatitojj jupanacarojj sacerdotëpjjañanacapataqui utt'ayasqui uca uruta.

Números 7:43

ucatsti quipca ofrendanacwa nayrïrinacjama churaraquïna.

Mateo 13:11

Jesusasti jupanacarojj sänwa: —Jumanacarojj Diosajj yatiyapjjtamwa cunanacatejj alajjpachan imantatäqui ucanacjja, ucampis jupanacarojj janiw yatiyatäpcänti.

Juan 14:16

Nayajj Awquirojj achict'äwa jumanacaru yakha Chuymachiri qhitaniñapataqui, jupasti jumanacampejj wiñayataquïniwa.

Juan 14:17

Ucajj cheka Ajayuwa, acapachanquirinacasti janiw jupar catokcaspati, jan uñjatapa ni uñt'atapa laycu, ucampis jumanacajj uñt'jjapjjtawa, jupasti jumanacampïsquiwa, ucatsti jumanacanwa jacani wiñayataqui.

Juan 14:26

Awquejjaw nayan sutejjaru Kollan Ajayu qhitanini, jumanacar yanapañapataqui, uqhamarac chuymachañapataqui. Jupaw jumanacar take cuns yatichapjjätam, amtayapjjaraquïtamwa cuntejj nayajj jumanacaru sapjjsma ucanaca.

Juan 16:13

Cunapachatejj Kollan Ajayojj jutcani ucqhajja, jupaw take cunatejj chekäqui uca yatichapjjätam. Janiraquiw jupa pachpat parlcaniti, jan ucasti cuntejj ist'qui ucwa sani, yatiyapjjaraquïtamwa cunanacatejj pascani ucanacsa.

Juan 4:14

Ucampis qhititejj naya churcta uca umat umcani ucajja, janiw mayampis pharjayascjjaniti. Cawquïr umtejj nayajj churcta ucajja jupa pachpanwa jalsuni wiñay jacañ churañataqui.

Juan 6:45

Profetanacan kellkatapanjja aqham siwa: “Diosajj takeniruw yatichi.” Qhitinacatejj juparu ist'apqui yatekapcaraqui ucanacajj nayaruw jutapjje.

1 Corintios 2:12

Jiwasasti janiw acapachanquir ajayu catokctanti, jan ucasti Diosan Ajayupwa catokapjjtanjja, uqhamat cuntï Diosajj munasiñampi churquistu ucanac amuyt'añasataqui.

1 Corintios 2:13

Take acanacjja nanacajj parlapjjtwa Diosan Ajayupan yatichata. Janiw parlapcti take cunsa nanacan yatekatanacajjampiqui. Uqhamwa Diosan ajayu tokenacatjja amuyt'ayapjjta qhitinacatejj Dios chuymäpqui take ucanacaru.

2 Corintios 1:21

Diosaw nanacarus jumanacarus sum sayt'ayistu Cristo Tatitunjja, uqhamarac jupataquiqui tucuyistu.

Efesios 4:21

jumanacatejj chekpachan juparu ist'apjjsta uqhamarac jupamp yatichatäpjjsta Jesusan asqui luräwinacaparjama ucajja.

Colosenses 2:6

Ucatpï cunjämtï Tatitur iyawsapctajja, uqhamaraquiw mayaqui jupampi jacapjjañamajja.

1 Tesalonicenses 2:13

Acanacatjja Diosarojj yuspagarapjjapuntwa, cunapachatejj jumanacajj Diosan arunacap ist'apjjta nanacajj khanañchapcäyäsma ucqhajja, jumanacajj janiw jakenacan arunacapjamti catokapcäyätajja, jan ucasti Diosan arunacapjamwa catokapjjta. Chekpachansa Diosan arunacapawa, jach'a luräwinacaracwa luri jumanac iyawsirinacampejja.

1 Tesalonicenses 4:9

Jilatanac pura munasiñjjatjja janiw jumanacar kellkaniñajj waquiscjjeti, Dios pachpaw yatichapjjtam maynit maynicama munasiñjja.

1 Timoteo 2:7

Acataquiw nayajj chhijllatäta Tatitun arunacap parlañajjataqui, apostolöñajjataqui, iyawsañjjata uqhamarac cheka arunacjjata jan judiöpqui ucanacar yatichañajjataqui. Cunatejj chekäqui ucwa sista; janiw c'ariscti.

1 Pedro 1:23

Jumanacasti machakatwa nasjjapjjtajja, janiw jiwir jakenacatti, jan ucasti Diosan arunacapatwa. Uca arunacasti jan jiwiriwa, wiñayataquiraquiwa.

1 Juan 2:28

Jichhasti wawanaca, mayac Cristompi sayt'apjjam, uqhamat juparu iyawsañampi catokañäni cunapachatejj wastat uñstancani ucqhajja, jupan nayrakatapan jan p'enkachat uñjasipjjañasataqui.

1 Juan 3:24

Qhitinacatejj camachinacapar iyawsapqui ucanacajj Tatitumpiw jacapjje, Tatitusti jupanacampiraqui. Yatipjjtanwa jupajj jiwasanwa jaqui cawquïr Ajaytejj churquistu uca toke.

2 Juan 1:2

Munasipjjsmawa jumanacaru, cheka cancañajj chuymanacasan utjatap laycu, ucasti wiñayataquiw jiwasampiraquïni.