1 Corintios 9:8

Aymar Bibliia 1986

Janiraqui amuyapjjamti acajj nayan arunacajjaquïcaspas uqhama. Jan ucasti Moisesan leyipanjja aca arunacajj kellkataraquiwa.

Jak'a apnaqawi uñst'ayäwi

Isaías 8:20

¿Uqhamat mä cuna yatiyäwsa catokañataqui?” sasa. Uqhampunwa parlapjjani, ucampis uca parlatanacapajj mä lokhe jaken parlatanacapjamawa.

Romanos 3:31

Uqhamasti, ¿jichhajj iyawsäwi toketi leyirojj ina ch'usar tucuytanjja? Janiw cunäquipansa, ucat sipansa juc'amp ch'amanwa leyirojj tucuytanjja.

Romanos 3:5

Ucampis jiwasan jan wali luratanacasatejj asquïchejja Diosan asqui cancañap uñacht'ayañataquejja, ¿camsañänisa? ¿Diosajj jan waliti jiwasanacar juchanacas laycu mutuyatapajja? (Acanacjja mä jakjamaquiw parlta.)

Romanos 6:19

(Jichhasti jaken amuyuparjamaquiw parlta, jumanacasti take cuntejj parlcta ucjja janiw amuyapctati). Jumanacajj nayrapachanjja k'añu cancañanacaru uqhamarac ñankha lurañanacaruw janchinacamjja loktasipjjäyätajja. Jichhasti Diosaruy janchinacamjja loktasjjapjjam cheka cancañaru, uqhamat Diosataquiqui k'oma jacjjapjjañamataqui.

1 Corintios 14:34

“Warminacajj jan parlapjjpati cultonjja” sasa. Jupanacarojj janiw: “Parlapjjam” satäquiti. Jan ucasti warminacajj ist'asirïpjjañapawa cunjämtï Diosan arunacapajj sisqui uqhama.

1 Corintios 7:40

Ucampis jupajj juc'amp cusisitaw sarnakasispa jan wastatampi casarascaspa ucajja. Acasti nayan arojjaquiwa, ucampis amuyasiractwa Diosan Ajayupajj nayampïtapa.

Gálatas 1:11

Jilatanaca, ucampis jumanacajj acjja yatipjjam, cawquïri khespiyasiñ arunactejj nayajj khanañchcta ucajja, janiw jaken amtäwipaquïquiti.

1 Tesalonicenses 2:13

Acanacatjja Diosarojj yuspagarapjjapuntwa, cunapachatejj jumanacajj Diosan arunacap ist'apjjta nanacajj khanañchapcäyäsma ucqhajja, jumanacajj janiw jakenacan arunacapjamti catokapcäyätajja, jan ucasti Diosan arunacapjamwa catokapjjta. Chekpachansa Diosan arunacapawa, jach'a luräwinacaracwa luri jumanac iyawsirinacampejja.

1 Tesalonicenses 4:8

Uqhamajj qhititejj aca yatichäwir jisc'achqui ucajja janiw qhiti jakerus jisc'achquiti, jan ucasti Diosaruw jisc'achasqui, qhititejj Ajayup churquistu ucaru.