1 Corintios 9:1

Aymar Bibliia 1986

Ucampisa nayajj khespiyatätwa, uqhamaraqui mä apostoljamajj Tatitu Jesusaruw nayajj uñjta jumanacas nayan achunacajjäpjjaractawa Tatitutaqui irnakatajjanjja.

Jak'a apnaqawi uñst'ayäwi

Hechos 13:2

Mä urojj cunapachatejj jupanacajj Tatitur yupaychasipcäna, uqhamarac ayunasipcäna ucapachajja, Kollan Ajayojj jupanacarojj aqham sänwa: “Bernabeampir Saulompir yakhacharapipjjeta, cawquïr luräwitaquitejj jupanacar jawsctjja ucataqui.”

Hechos 14:14

Bernabeampi Pablompisti, jakenacan uqham lurañ amtatap amuyasinjja, isinacap ch'iyanokasiñ kalltapjjäna. Jupanac taypir jalantasinsti jach'at arsusinwa sapjjaraquïna:

Hechos 14:4

Ucampis uca marcanquir jakenacajj payaruw t'akjtäna, chicatajj judionacar jakcattasa, chicatasti apostolonacar jakcattasaraqui.

Hechos 23:11

Uca khepa arumasti Tatituw Pablorojj uñstäna. Ucat juparojj saraquïna: “Ch'amañcht'asim, Pablo. Cunjämtejj aca Jerusalén marcan nayat parlctajja, uqhamaraquiw Roma marcan parlañamajja waquisi” sasa.

Hechos 9:15

Ucampis Tatitojj Ananiasarojj sänwa: —Sarascaquim, nayaw juparojj ajllista nayjjat parlañapataqui yakha marcanquirinacaru, reyinacaru, israelit jakenacampiru.

Hechos 9:17

Ucspachaw Ananiasajj saräna cawqhanccäntejj Saulojj uca utaru. Mantasinsti, amparapwa jupjjar lokjjati saraquiwa: —Saulo jilata, thaquin uñstctamjja uca Jesusaw qhitanitu, juman wasitat uñj-jjañamataqui, uqhamarac Kollan Ajayun phokt'atäñamataqui —sasa.

Hechos 9:3

Ucampis thac sarcasinjja, niya Damasco jac'ar purcasajja, acatjamatwa mä jach'a khanajj jupar khant'äna. Uca khanasti alajjpachatwa jutäna.

Hechos 9:5

Saulosti ucjjarojj saraquïnwa: —Tata, ¿qhitïtas jumajja? —sasa. Ucatsti uca arojj saniraquïnwa: —Jumajj qhitirutejj arcnakcta uca quicpa Jesusätwa. Wali ch'amaw jumataquejj nayataqui sayt'añamajja. [Juma pachpaw chhojjriñchjastajj cunjämtejj mä vacajj mä ari puntan fierror mat'akt'asajj jupa pachpa chhojjriñchjasejj uqhama. —sasa.

Romanos 1:1

Naya Pablojj Jesucriston sirviripätwa. Apostolöñajjataquejj Diosaw jawsitu, yakhacharaquitu jupan khespiyasiñ arunacap jakenacar yatiyañajjataqui.

Romanos 1:5

Uca quipca Jesucristo tokeraquiw Diosajj jiwasanacar suma luraña churistu, sutipan jiwasanacajj arunacap yatiyir sarañasataqui take acapachanquirinacar jupar arquiri tucuyañataqui.

Romanos 11:13

Jan judiöpctas ucanacaruw parlapjjsma. Diosatejj jan judiöpquis ucanacar qhitanchitojja, wali munasiñampiw irnakta.

1 Corintios 1:1

Naya Pablojj Diosan munañaparjam jawsatätwa Jesucriston apostolupäñajjataque. Aca cartjja Sóstenes jilatampi chicaw

1 Corintios 10:29

Mayninacan chuymapatwa parlascta, janiw juman chuymamatti parlctjja. Ucampis maynejj saspawa: “¿Cunatarac nayarusti munañajjarjama sarnakañajjata juchañchitanisti maynin chuymap laycusti?

1 Corintios 10:30

Diosar yuspagarasatejj mank'sta ucajj ¿cunataraqui nayarusti c'umipjjetani mank'atajjatsti?” sasa.

1 Corintios 11:16

Ucampis maynitejj aca toket ch'ajjwañ munchejja yatiñapawa, janiwa jiwasas ni Diosan iglesianacapas yakha luräwjja uñt'ctanti.

1 Corintios 3:6

Nayaw satantta, Apolosasti ucaruw umampi karpjjataraqui, ucampis Diosawa jiltayaraquejja.

1 Corintios 9:19

Jan qhitin esclavopäcasinwa, taketaquis esclavöquiristsa uqhamaw tucta Tatitutac walja jakenacar jicjjatañ laycu.

2 Corintios 10:7

Jumanacajj uñnakatacwa amuyasipjjtajja. Maynitejj chuymapan Cristoncatap amuyaschi ucqhajja, amuyañaparaquiwa nanacajj jupjamaraqui Cristoncapjjatanacajja.

2 Corintios 11:5

Nayan amuyatajjatjja janiw uca jach'a apostolonacatjja jisc'äcti, cawquïrirutejj jumanacajj arcapcta ucanacatjja.

2 Corintios 6:1

Nanacasti Diosan luräwipan irnakerinacjamajja, jumanacarojj achict'apjjsmawa, jan ina ch'usaru apt'apjjamti cuna qhuyapayasiñtï Diosajj uñacht'ayapctam ucjja.

Gálatas 1:1

Naya apóstol Pablojj janiw qhiti jaken qhitatäcti, jan ucasti pachpa Jesucriston qhitatätwa, uqhamarac Dios Awquimpi, cawquïritejj jiwatanac taypit jactaycänjja ucampi.

Gálatas 5:1

Cristojj libre sarnakasiñwa churistu, jiwasanacan uqham sarnakasiñasataqui. Jumanacajj ch'amampi uca khespiyat jacañan sarantapjjam, jan wasitampi esclavon jacäwiparu cutt'apjjamti.

1 Tesalonicenses 2:6

Janiw cunapachas jakempi jach'añchayasiñ thakapcti, jumanacatsa, yakhanacatsa. Nanacatejj munapjjeriscäyätjja, Criston qhitatanacjamajja munañanïñwa uñacht'ayapjjeriscasamäna.

1 Timoteo 2:7

Acataquiw nayajj chhijllatäta Tatitun arunacap parlañajjataqui, apostolöñajjataqui, iyawsañjjata uqhamarac cheka arunacjjata jan judiöpqui ucanacar yatichañajjataqui. Cunatejj chekäqui ucwa sista; janiw c'ariscti.

2 Timoteo 1:11

Diosajj nayarojj qhitituwa Tatitun arunacap khanañchañajjataqui, apostoljama qhitaraquitu jan judiöpquis ucanacar yatichañajjataqui.