1 Corintios 7:7

Aymar Bibliia 1986

Nayajj muniristwa sapa maynis nayjamäñapa, ucampis Diosajj janiw sapa maynirus uqham uchquistuti jan ucasti sapa maynis jak jakëtanwa.

Jak'a apnaqawi uñst'ayäwi

Génesis 30:34

—Waliquiwa, mayitamarojj jaysämawa —sasaw Labanajj saraquïna.

Hechos 26:29

Ucjjarusti Pablojj saraquïnwa: —Mä juc'atsa jan ucajj waljatsa, Diosajj munpan juman nayjama tucuñama uqhamarac qhitinacatejj jichhajj ist'apquit ucanacasa. Ucatsipan jan nayjamajj cadenamp ñach'atäcaracpati —sasa.

Romanos 12:6

Diosajj sapa mayniruw yakha casta yatiña churistu, cunjämarutejj jupajj munqui uqhamarjama, uca yatiñanacsti sum apnakañasawa. Diosatejj jupan arupat parlañataqui yatiña churchistojja, cunjämatejj iyawsañasajj utjquistu uqhamarjamawa lurañasajja.

1 Corintios 12:11

Ucampis take acanacjja mä sapa Ajayuquiw luri, jupasti cunjämarutejj munqui uqhamaruw sapa maynirus laquinoke.

1 Corintios 12:4

Maynejj take cunataquiw yatiñ ch'amjja catokaspa, ucampisa mä sapa Ajayuquiw take ucanacjja churi.

1 Corintios 7:8

Solteronacampiru ijmanacampirojj saractwa, asquïspawa jan casarasisaqui nayjam sarnakapjjañapa.

1 Corintios 9:15

Ucampis nayajj janipuniw cuns catokcti, acsa janiraquiw kellkanipcsmati nayar mä cunsa churapjjañanacamataqui. ¡Janïra qhitis nayat aca cusisiñajja apakquipanjja asquïspaw nayan jiwjjañajjajja!

1 Corintios 9:5

uqhamaraqui mä Tatitur iyawsiri warmi nayamp chica irpañataquis mayni apostolonacjama, cunjämtï Tatitun pachpa jilanacapasa, Pedros lurqui uqhama.