1 Corintios 4:8

Aymar Bibliia 1986

Jumanacajj niya kamir tucutjamaquëjjapjjtawa, take cunansa phokt'atjamäjjapjjaractawa, reyinacaw tucupjjaracta, nanacarusti mä tokeruw apanacupjjaraquista. ¡Añchaquit chekpachansa reyïpjjasma uqhamata nanacajj jumanacamp chekäpjjaraquirista uca reinomanjja!

Jak'a apnaqawi uñst'ayäwi

Proverbios 13:7

Yakhepanacajj jan cunanïsinsa, kamirïcaspas uqhamaw tucupjje; yakhepanacasti take cunanïcasinsa, pobrëcaspasa uqhamaw tucupjjaraqui.

Proverbios 25:14

Jan cuna churcasa: “Nayajj churtwa” sasa jach'achasiri jakejj; mä thayjamawa thayi, jan uman kenayar uñtatjamaraquiwa.

Isaías 5:21

¡Ay, cunaquïcani, jumanacataquejja take cuns yatiri, wali ch'iqhi amuyasipcaracta ucanacataquejja!

Jeremías 28:6

“¡Jïsa, añchaquit Tatitojj uqham lurcaspa! ¡Añchaquit Tatitojj, cuna arunactejj parlcta ucanacjja phokcaspa, take cunanacatejj templota apatäqui uca yänacsa aca chekaru cuttayanitäjjaraquispa, uqhamaraqui take qhitinacatejj Babiloniaru apatäpqui jupanacasa cuttanjjapjjaraquispa!

Números 11:29

Ucampisa Moisesajj sänwa: —¿Cunatsa jumajj naya sapan parlañajjaqui muntajja? Tatitojj inas takpach marcaru ajayup churaraquispa, ucatsti takeniw profetanacäpjjaspajja —sasa.

Mateo 5:1

Jesusajj walja jakenaca uñjasinjja, mä kolluru maqhatasinwa kont'asïna. Ucatsti discipulonacapajj jupan ucaruw jutapjjaraquïna.

Lucas 6:25

“¡Ay, camachapcaquïta jichha sist'atanaca, jumanacajj awtjayasipjjätawa! “¡Ay, camachapcaquïta jichha larusirinaca, jumanacajj jachapjjätawa!

Hechos 26:29

Ucjjarusti Pablojj saraquïnwa: —Mä juc'atsa jan ucajj waljatsa, Diosajj munpan juman nayjama tucuñama uqhamarac qhitinacatejj jichhajj ist'apquit ucanacasa. Ucatsipan jan nayjamajj cadenamp ñach'atäcaracpati —sasa.

Romanos 12:3

Diosajj munasiñapampi mä suma ewjja nayar churatap laycuw takeniru sapjjsma: jan maynis jupa quipcatjja lup'pati cuntejj lup'iñäqui ucat juc'ampjja. Ucampis sapa mayniw chekaparu lup'iñapa jupan Diosar iyawsañapa utjatapatjama.

1 Corintios 1:5

Jesucristo toke, Diosajj ajayu token kamirïña churapjjtam, parlañansa yatiñ cancañansa.

1 Corintios 4:18

Jumanacatjja yakhepanacajj wali jach'a jach'aw tucupjje, amuyapjjaraquiwa nayajj janis mayampsa jumanacar cuttancjjeristjja uqhama.

1 Corintios 5:6

Jumanacasti janiw uca luratanacamatjja jach'a jach'a tucupjjañamäquiti. ¿Janit aca säwsti yatipcta: “Mä juc'a levadurajj takpach t'ant'a maswa poktayejja” sasa?

2 Corintios 11:1

Nayajj muntwa jumanacajj llamp'u chuymampi nayar ist'apjjañama, nayajj mä lokhe jaker uñtatas parlctsa ucasa.

2 Corintios 13:9

Ucataracwa cunapachatï t'uqhäpjjta ucqhajj cusisipjjtjja, jumanacaqui ch'amanïsipcamjja; nanacasti Tatitutjja mayisipcaquïwa jumanacajj chekapar tucupjjañamataquipuni.

Gálatas 6:3

Maynitejj jach'ar tucuñ munchejja, ucat janirac cunäcchisa ucajja, jupa pachpawa sallkjasi.

Filipenses 1:27

Take jumanacasti Jesucriston arunacaparjam sarnakapjjam. Nayasti jutcäsa jan ucajj jayanccäsa, yatiñwa munta jumanacatjja suma yatiyäwinaca, ch'amampi sarantasa mä jakjamaqui, uqhamarac khespiyasiña arunacar iyawsäwi laycusti takenisa mayaqui nuwasïwincasasa,

Filipenses 2:12

Ucatpï, munat jilatanaca, cunjämtï jumanacajj ist'apjjapunistajja cunapachatejj jumanacampïcäyät ucqhajja, jichhasti juc'ampi ist'apjjeta jayancatajj laycu. Jumanacan quipca khespiyasiñanacamatsti, alt'at chuymampi ajjsarañampirac phokhapjjam.

Apocalipsis 3:17

Ucampis jumajj: Kamirïtwa sistawa, waliquïsctwa, take cunan phokt'atätwa saractawa; janiraquiw amuyasctati mä aynacht'ata jan cunanïscatamjja, juyqhuraquïtawa uqhamarus k'alalaraquïtawa.

Apocalipsis 5:10

Reyinaca, sacerdotenacracwa tucuyapjjestajja Diosataquejja. Take aca orakpacharu apnakapjjañajjataqui” sasa.