1 Corintios 4:5

Aymar Bibliia 1986

Uqhamajj jumanacajj jan cunatsa mäqui juchañchapjjamti, jan ucasti suyt'apjjam Tatituru, jupaw take cunsa khanar apsuscani, cunatejj ch'amacan imantatäqui ucsa. Tatitojj take jakenacan amtatanacapsa khanaruw apsuni, ucatsti Diosajj sapakat maynirusa lurataparjamaraquiw uñjani.

Jak'a apnaqawi uñst'ayäwi

Job 12:22

Cunanacatejj jan yatitäcän ucanacwa khanar apsu, cunanacatejj jamasan luratäcän ucanacsa khanaruw apsuraqui.

Proverbios 12:8

Yatiñan jakejj, yatiñapatjamajja jach'ar aptatäniwa, ucampis jan amuyt'ani ñankha jakejja jisc'achatäniwa.

Eclesiastés 11:9

Jumajj wayna cusisim, wayna cancañamana; c'uchiqui sarnakaraquim waynäcasina. Chuymamajj cawquirutejj sarañ munqui, nayramas cuntï uñjqui ucar sararaquim; ucampis amtasim take ucanacatjja Diosar cuenta churañamäniwa.

Eclesiastés 12:14

Diosajj take luratanacasatwa wayt'istani, walitsa jan walitsa, jan uñjcat luratanacatsa.

Jeremías 16:17

Nayasti take jupanacan luratanacapjja uñjtwa; janiw cunas nayatjja imt'ascaraquiti, juchanacapasti janiw nayan nayrakatajjatjja imt'ascaraquispati.

Jeremías 23:25

“Uca c'ari profetanacan parlatanacapjja nayajj ist'twa, jupanacajj nayan sutejjaruw parlañ munapjje, samcanacap toksa nayampis parlapcaspa uqhamwa parlapjje.

Oseas 8:13

Jupanacataquisti sacrificionac loktañaw asquejja, ucatsti loktapjjaraquiwa, uca loktat aychanacwa mank'apjjaraquejja; ucampis naya Tatitojj janiw ucanacampejj cusisitäcti: Nayajj amtascaquipunïw cuna jan walinactejj lurapqui ucanacjja, uca juchanacapatsti mutuyaraquïwa, Egipto marcar cuttayasa.

Malaquías 3:18

Ucapachaw jumanacajj amuyasipjjäta cunatejj asquïqui, uqhamaraqui cunatejj jan asquïqui ucsa, uqhamaraqui qhititejj Diosaru yupaychqui, jan yupaychqui ucanacsa.” Uqham siw take ch'aman Diosajja.

Mateo 10:26

“Uqhamasti jumanacajj jan ajjsarapjjamti jupanacarojja. Janiw cuna imantatas utjquiti jan uñjcañajja, janiraquiw cuna jamasanquiris jan yatiscaspati.

Mateo 24:30

Ucapachaw alajjpachan mä chimpojj uñstanini Jaken Yokapata. Take marcan jaquir jakenacasti ucapachaw jachapjjani, Jaken Yokaparusti uñjapjjaraquiniw kenayjjan jutasquiri jach'a ch'amapampi, uqhamarac jach'a c'ajquir cancañapampi.

Mateo 24:46

Cusisiñaniw qhiti uywatarutejj utanejj purinisin take cunsa suma phokhasquiriru jicjjatqui ucajja.

Mateo 25:21

Patronasti juparojj siwa: “Waliquiwa, jumajj wali suma sirvirïtawa. Juc'äquis ucaru wali sum phokhatamatjja nayajj jichhajj waljäquis ucaruraquiw uchäma. Jichhasti mantanim ucatsti nayampirac cusisim” sasa.

Mateo 25:23

Patronasti uc ist'asinjja saraquiwa: “Waliquiwa, jumajj wali suma sirvirïtawa. Juc'äquis ucaru wali sum phokhatamatjja nayajj jichhajj waljäquis ucaruraquiw uchäma. Jichhasti mantanim ucatsti nayampirac cusisim.”

Lucas 6:37

“Jan yakhanacarojj juchañchapjjamti, Diosasti janiraquiw jumanacarojj juchañchapcätamti. Perdonapjjam, Diosasti perdonapjjaraquïtamwa.

Juan 21:22

Jesusasti sänwa: —Nayatejj muniristjja jupan jacañapa nayan cutt'aniñajjcama, ¿cuna waquisiris ucajj jumataqui? Jumajj arquita —sasa.

Juan 21:23

Ucatsti jupanacpuraw yatiyquipasipjjäna: “Uca discipulojj janiw jiwcaniti” sasa. Ucampis Jesusajj janiw siscänti: “Janiw jiwcaniti” sasajja, jan ucasti sänwa: “Nayatejj muniristjja jupan jacañapa nayan cutt'aniñajjcama ¿cuna waquisiris ucajj jumataqui?” sasa.

Juan 5:44

Jumanacatejj jakenacan jach'añchäwinacapac maynit maynita catokapjjta ucatsti janiraqui mä sap Diosata jach'añchäwinacapa thakapcstati, ucarojja ¿cunjäms jumanacajj iyawsapjjasmajja?

Romanos 14:4

¿Qhitïtas jumajj maynin sirviripar jisc'achañataquejja? wal luratapas, jan wali luratapasa patronapataquiwa. Sirviripasti sumaw sayt'ani, Diosasti ch'amaniwa jupar sum sayt'ayañataquejja.

Romanos 2:1

Take ucanac luratam laycusti jumajj jan cuna arsusiñaniw uñjastajja jumajj qhitïscamsa. Jakenacarusti juchañcharactawa uqham juchañchasinsti juma quipcaw juchañchastajja, juman uca quipca luratam laycu.

Romanos 2:16

Diosajj take jakenacan jamasan luratanacapa Jesucristo toke taripcani uca urojja, khespiyasiñ arunaca nayajj yatichcta uqhamarjama.

Romanos 2:29

Jan ucasti chekpach judiöñajja, take chuymampi iyawsañawa. Circuncidatäñapasti chuyman circuncidatäñawa. Ucasti janiw cuna leyitsa jutquiti, jan ucasti ajayutwa juti. Qhititejj uqhamäqui ucajja Diosampi catokatawa, janiw jakenacampiti.

Romanos 2:7

Diosajj wiñay jacañwa churani take qhitinacatejj Diosan marcapa, cheka cancañampi jan inact'as thakerinacarojja.

1 Corintios 1:7

Uqhamatsti janiraquiw cuntejj Diosajj churqui uca bendicionanacatjja cunas pist'apctamti, ucchañcamasti jumanacajj Tatitojj jutcani uca urwa suyt'asipcaracta.

1 Corintios 11:16

Ucampis maynitejj aca toket ch'ajjwañ munchejja yatiñapawa, janiwa jiwasas ni Diosan iglesianacapas yakha luräwjja uñt'ctanti.

1 Corintios 11:26

Uqhamat sapa cuti jumanacajj aca t'ant'a mank'apcäta, uqhamarac aca copata umapcäta ucqhajja, Tatitun jiwatapwa yatiyasipctajja jupan jutañapcama.

1 Corintios 15:23

Ucampis sapa mayniw horasapar sartani. Cristow nayrakata jactejja nayrakata achur uñtata, ucjjarusti cunapachatejj Cristojj jutcani ucqhajj jupar iyawsirinacaraquiw jactapjjaraquini.

1 Corintios 3:13

Sapa maynin luräwipasti taripañ urunwa sum uñstjjani. Uca urojj ninampiwa sapa maynin luräwipajj yant'atäni, uca ninaraquiwa khanstayani cunjämas sapa maynin luräwipajj ucjja.

1 Corintios 3:14

Maynin luräwipatejj uca ninan jan naqhantcani ucajja, pago catokani luratapatjja.

1 Corintios 3:8

Yapuchirisa, karpirisa mayaquiwa, Diosajj sapa mayniru luräwipatjam churcchini ucasa.

2 Corintios 10:18

Qhititejj jupapachpat jach'achasqui ucajj janiw asqui jaket uñt'atäquiti, jan ucasti qhitirutejj Tatitojj jach'achqui ucaw asqui jakejja.

2 Corintios 10:9

Janiraquiw muncaracti jumanacar carta tokecsa ajjsarañ churapquirismajj uqhama.

2 Corintios 4:2

Cunatejj jamasan lurasqui, uqhamarac cunatejj p'enkäqui ucanacjja apanucupjjtwa. Janiw jan wali amtañanacampi sarnakapcti janiraquiw Diosan arunacapsa maysar k'ewipcti. Cunatejj chekäqui ucacwa parlapjjtjja, uqhamataracwa takenimpis waliquiw sayasipjjaractjja Dios nayrakatanjja.

2 Corintios 5:10

Criston tribunalap nayrakatarusti takeniw uñstañäni, sapakat maynis catokañapataqui cunatejj wact'qui uca, walsa jan walsa jacäwipanjja lurataparjama.

1 Tesalonicenses 5:2

Jumanacajj asquiw yatipjjta, Tatitojj purininiwa cunürutejj jan suycañäni ucüru, cunjämatejj mä lunthatajj arum jutqui uqhama.

Hebreos 4:13

Janiw cunas Diosan luratanacapatjja jupat imantascaspati, take cunaw khanstayata, uqhamarac jist'arata qhitirutejj jaqhuta churcañäni ucan nayrakatapanjja.

Santiago 4:11

Jilatanaca, jan jumanacjjatjja jan walinacjja parlaquipasipjjamti. Qhititejj mä jilatat jan wali parlqui ucajja, uqhamarac taripqui ucasa, jan walwa leyjjatjja parli uqhamarac uca leyirojj tariparaquiwa. Leyirutejj jumajj taripstajja, taripiriw tuctajja leyir ist'añat sipansa.

Santiago 5:7

Ucatpï jilatanaca, jumanacajj llamp'u chuymanïpjjamay Criston jutañapcama, yapu jakejj llamp'u chuymampiw jallupachan kalltañapjja suyt'i, ucatsti jall sarjjepansti yapu apthapjjaraqui.

Santiago 5:9

Jilatanaca, janirac jumanaccamajja jan walinacsa parlasipjjamti, Tatitun jan juchañchatäscañataqui. Diosasti, qhititejj taripcani ucajj jac'ancjjewa.

1 Pedro 1:7

Jumanacan iyawsañanacamasti mä korir uñtataw ninampi yant'atäñaparaqui. Cawquïri iyawsañatï uca yant'anaca pasqui ucasti uca tucusir korit sipansa juc'ampi jila alaniwa. Uqhamatpï jumanacan iyawsañanacamajja, yant'atäsinjja sumat uñt'atänejja, jach'aru aptataraquïniwa cunapachatejj Tatit Jesucristojj jutcani ucapachajja.

1 Pedro 5:4

Uqhamata cunapachatejj awatirinacan jach'a jilïripajj uñstanjjan ucqhajja, jumanacajj mä suma churäwi catokapjjäta, janiw uca pankaranacat lursutäquis uca coronjamti, jan ucasti wiñay corona.

2 Pedro 3:12

Tatitun jutañap ursti suyt'apjjam, janc'aquïñapa munasa. Uca urojj alajjpachajj ninampi naqhantatäniwa, take cunas ninampiraquiw umatatatäni.

2 Pedro 3:4

ucatsti jisct'apjjaraquiniwa: “¿Cawquirac Criston “Jutäw” satapasti? Awquinacasas jiwarawayjjewa, take cunas pachpaquïscaraquisä, aca orakes utjquis ucqhatpacha” sasa.

Judas 1:14

Adanat kheparojj pakallköricäns uca Enoc chachajj Diosan amuyt'ayataw parläna ucanacatjja, cunapachatï säna: “Uñjtwa Tatitur jupanacanquirinacampi waranka warankanacampi jutasquiri,

Apocalipsis 1:7

¡Uñtapjjam, Tatitojj kenay patanjam jutasqui! Takeniw uñjapjjani. Jupar chhojjriñchirinacas uñjapjjaraquiniwa. Take marcanacasti jupar uñjasajj wal jachapjjani. Jïsa, uqhampunïscaniwa.

Apocalipsis 20:12

Jiwatanacarusti jisc'arus jach'arus jupan nayrakatapan sayt'ata uñjta. Libronacasti jist'aratänwa, uqhamarac yakha librosa. Uca librosti jacañ libro satawa. Jiwatanacasti luräwinacaparjam uñjatäpjjänwa, cunjämtï uca libronacan kellkatäcänsa uqhamaru.