1 Corintios 3:5

Aymar Bibliia 1986

¿Qhitiraqui Pablosti? ¿Qhitiraqui Apolosti? Diosan sirviripaquïpjjewa, jumanacajj jupanac tokracwa Tatitur iyawsapjjtajja. Sapa maynis nanacarojj cuntï Diosajj: “Luram” sapquitu ucacracwa lurapjjta.

Jak'a apnaqawi uñst'ayäwi

Mateo 25:15

Maynirusti churaraquiwa pheska warank kollke, maynirusti pä waranka, maynirusti mä waranka. Sapa mayniruw churawayi ch'amaparjama, ucat jupajj jayar sarawayjje.

Lucas 1:2

Cunjämatï kalltatpach uñjapcäyätans ucanacajj uqhampachwa jiwasarojj yatichapjjestu, uqhamaraquiw jupanacajj Diosan arunacap yatiyañans yanapapjjäna.

Juan 3:27

Juanasti ucjjarojj saraquïnwa: —Janiw qhitinsa cunas utjcaspati janitejj Diosajj churcaspa ucajja.

Hechos 18:24

Ucürunacansti Apolos sata mä judío jakew Éfeso marcar purïna. Jupasti Alejandría marcanquirïnwa, uqhamarac mä suma parlt'ir jakeraquïnwa. Kellkatanacatsti sumaracwa yatïna.

Hechos 19:1

Apolosan Corinto marcancañapcamasti, Pablojj kollu tokenac pasasinwa Éfeso marcar puri. Ucansti mä kawkha iyawsirinacaruw jicjjataraquïna.

Romanos 15:16

Jesucristor sirviñataqui jan judiöpquis ucanac taypina. Sirvcta ucasti Diosan khespiyasiñ arunacap jupanacar khanañchcta ucawa, uqhamat jan judiöpquis ucanacar Diosajj mä ofrendjama catokañapataqui, ucanacasti Kollan Ajayun k'oma tucuyatawa.

1 Corintios 12:28

Uqhamaraquipï Diosajj iglesiapanjja sapa maynirus lurañapa churejja: Nayrakatajja apostolonaca, ucjjarusti Diosat catokasina arunacap parlirinaca, ucjjarusti yatichirinaca, ucjjarusti milagro luririnaca, usutanacar c'umaraptayirinaca, yanapirinaca, irpirinaca, jan uñt'ata arunaca parlirinaca.

1 Corintios 16:12

Apolos jilatasarusti, nayajj wal achict'ta mayni jilatanacampi chica jumanacar uñjiri jutañapataqui, ucampis janiw jichhajj jutañ munquiti. Cunapachajj waquischini ucqhaw jutani.

1 Corintios 3:10

Nayajj uca utanjja mä uta luririmpi uñtatätwa, Diosaraquiw nayarojj uca utan kalltapjja uchayitu, ucjjarusti yakhanacaraquiw perkjja perkascaraqui. Ucampis sapa mayniw amuyasiñapa cunjämsa uca uta perkasqui ucjja.

1 Corintios 3:22

Pablos, Apolosas, Pedros, acapachas, jacañas, jiwañasa, jichhürus, kharürusa jumanacanquiwa.

1 Corintios 3:7

Uqhamajj yapuchirisa, karpirisa janiw cunäquisa, jan ucasti qhititï jilayqui uca Diosaw jach'ajja.

1 Corintios 9:17

Ucatpï take chuymampi luratajj laycojja, Tatitojj nayarojj wajjt'asiñapa churitani. Jariyatjamaqui lurirista ucasa, ucampis Diosan ewjjapa catokcta ucwa phokhascta.

2 Corintios 11:23

¿Criston sirvirinacapäpjjeti? Nayajj jupanacatsa juc'ampïtwa. Acanac parlasajj inas mä lokhe jakjama parlsta. Jupanacat sipansa juc'ampwa irnaktjja, uqhamarac jupanacat sipansa juc'ampi jawk'jataw uñjastjja. Walja cutiw carcelar llaventapjjetu, walja cutiraquiw jiwañatsa khesptjja.

2 Corintios 3:3

Uca cartasti jumanacäpjjtawa pachpa Criston kellkataraqui, nanacan churataraqui. Uca cartajj janiw tintampi kellkatäquiti, jan ucasti jacquir Diosan Ajayupampi kellkatawa. Uca cartajj janiw kalar kellkatäquiti jan ucasti jakenacan chuymapar kellkatawa.

2 Corintios 3:6

Jupasti aca machak arust'äwin jupar sirviñataquejj ch'am churapjjaraquituwa. Uca machak arust'äwisti janiw cuna mä kellkataru jaysañäquiti, jan ucasti Kollan Ajayu catokasina jacañawa. Kellkat leyinacajja jiwañaruquiw api, ucampis Ajayojj jacañwa churaraqui.

2 Corintios 4:1

Uqhamasti janiw nanacajj karjasipcti, Diosasti qhuyapayasiñapanwa aca luräwjja nanacar catuyapjjaraquitu.

2 Corintios 4:5

Cunapachatï nanacajj parlapcta ucqhajj janiw nanacatti parlasipctjja, jan ucasti Jesucriston Tatitütapatwa parlapjjtjja. Nanacasti jumanacan sirvirimaquiw tucupjjtjja, Jesucristor munapjjatajj laycu.

2 Corintios 4:7

Diosan aca jach'a churäwipasti janchinacasanjja mä ñek'e phuqhun imatjamawa, uqhamata jach'a ch'amajj Diosat jutatapa yatisiñapataqui, jan jiwasatjja.

2 Corintios 5:18

Take acanacsti Dios quipcaraquiw luri, jupampisa sumancthapiyjjaraquistu ucatsti Cristo tokew, takenirus Diosampi sumancthapiyañ arunac loktañwa jaytaraquistu.

2 Corintios 6:1

Nanacasti Diosan luräwipan irnakerinacjamajja, jumanacarojj achict'apjjsmawa, jan ina ch'usaru apt'apjjamti cuna qhuyapayasiñtï Diosajj uñacht'ayapctam ucjja.

2 Corintios 6:4

Ucat sipansti takenirus uñacht'ayañ munapjjta chekpachansa nanacajj Diosar sirvirinacäpjjatajja, wali llamp'u chuymampiw t'akhesipjjta, pist'ayasiñanacansa, jan walt'añanacansa.

Efesios 3:7

Janis nayan waquiscchïna ucasa, Diosan ch'amap tokewa aca arunac apañatac uscutätjja.

Colosenses 1:23

Ucampis acataquejj sum sayt'asipjjañamawa iyawsañanacamanjja, suma saphintataraqui, cuna suyt'äwtï suyt'apcta Diosan arunacap ist'asinjja ucatjja janiw jithektasipjjañamäquiti. Aca khespiyasiñ arunacasti take chekanwa parlasi, naya Pablosti uca parlañanjja yanapasiractwa.

Colosenses 1:25

Iglesiapansti mä sirviriparaquiw tucta, Diosat ewjja catokasa. Uca ewjjsti juparaquiw churitu, jumanacan asquimataqui, uqhamata Diosan arunacapa phokhata churañajjataqui,

1 Timoteo 1:12

Tatit Jesucristosarojj yuspagartwa, jupasti acataquiw ch'am churitu, ucatsti nayarojj chekat uñt'itu, Jupan sirviripat uscusitu.

1 Pedro 4:10

Sapa maynis cunjämtejj Diosat ch'am catokquejj uqhama maynirojj sirvpan, uqhamata take bendiciontï Diosajj churquistu ucajja sum apnakañasataqui.