1 Corintios 2:6

Aymar Bibliia 1986

Yatiñ cancañatjja parlaractwa qhitinacatejj iyawsäwinacapanjja suma jiltatäjjapjje ucanacaru, ucampis uca yatiñ cancañajja janiw acapachanquirïquiti ni acapachan munañan jakenacancquisa, ucanacasti tucusiriquiwa.

Jak'a apnaqawi uñst'ayäwi

Job 1:1

Uz sat chekan mä chachaw utjäna Job sutini. Jupasti asqui, cheka jakënwa, Diosarus ajjsartiriraqui; ñankha lurañatsa jithektataraqui.

Job 12:19

Sacerdotenacarusa lurañanacapjja apakewa, qhitinacatejj munañanïpqui ucanacarusa jakokaraquiwa.

Job 12:21

Qhitinacatejj munañanïpqui ucanacarusa jisc'achjiwa, ch'amaninacarus jan ch'amani lurjaraqui.

Salmos 146:4

jiwjjapjje ucapachajja, lak'aruw tucjjapjje, ucürpachaw amtatanacapajj tucusjje.

Salmos 33:10

Tatitojj ñankha lurir marcanacan amtatanacap t'unji, Tatitur jan iyawsir jakenacan amtatanacap aynacht'ayaraqui.

Salmos 37:37

Asqui jaker uñtam, suma jaker uñjam: jutir jacañapajj sumancañ jacañäniwa;

Isaías 40:23

Jupasti jach'a ch'amani jakenacarojj janis cunäcaspa uqhamwa tucuyi, aca oraken jach'a jilïrinacarusti chhaktayaraquiwa.

Mateo 13:22

Ch'aphi taypinacar jalantat jatha misturisti acamp sasiwa: Suma arunac ist'casinsa, sintwa llaquisipjje acapach yänacatsa, kollketsa. Take ucanacasti juparojj atipjiwa, suma arunacasti janiraquiw jupan chuymapanjja jiltcaspati.

Mateo 19:21

Jesusasti sänwa: —Jumatejj wali sumäñ munstajja, saram, ucatsti take cunatejj utjtam ucanac aljaranim, pobrenacar churaraquim, ucatwa alajjpach marcan wali suma yänacanïyäta, ucatsti nayar arquita —sasa.

Mateo 5:48

Asquïpjjamaya, cunjämatejj alajjpachanquir Awquimajj asquïqui uqhama.

Lucas 16:8

Uca kamir jakesti uca jan wali yänac apnakerirojj jach'aruw aptäna jupan sallka cancañampi cun lurañataquis ch'iqhïtapata. Acapachanquirinacajj juc'amp ch'iqhïpjjewa lurañanacapanjja purapat uñjasiñanjja, khananquirinacat sipansa.

1 Corintios 1:28

Diosajj ajllisiw jan yäkatäquis ucanacaru, uqhamarac jisc'achatäquis ucanaca, qhitinacatejj jach'achatäqui ucanacar p'enkachañataqui.

1 Corintios 12:8

Uca Ajayu tokeraquiw yakheparu cunsa sum parlt'añapataqui yatiñ ch'ama churi, uca pachpa Ajayu tokeraquiw yakheparojj take cunas wali suma uñt'añampi parlt'aña churaraqui.

1 Corintios 14:20

Jilatanaca, jan wawjam amuyt'asirïpjjamti. Jan ucasti jan walinac lurañataquiqui wawjamäpjjam, ucampis amuyt'asiñ tokensti jach'a jakenacjamäpjjaraquim.

1 Corintios 2:1

Jilatanaca, cunapachatï jumanacaru khespiyasiñ arunaca parliri jutcta ucqhajja, janiw nayajj yatiñ cancañampi, jan amuyt'caya arunacampi parlapcäyäsmati.

1 Corintios 2:13

Take acanacjja nanacajj parlapjjtwa Diosan Ajayupan yatichata. Janiw parlapcti take cunsa nanacan yatekatanacajjampiqui. Uqhamwa Diosan ajayu tokenacatjja amuyt'ayapjjta qhitinacatejj Dios chuymäpqui take ucanacaru.

1 Corintios 2:8

Acapach marca apnakerinacajj aca Diosan amtäwipjja janiw amuyt'apcänti. Amuyt'apjjasapän ucajj janiw alajjpach Tatiturojj crusan jiwayapcasapänti.

1 Corintios 3:1

Take ucanacatsti jilatanaca, janiw jumanacarojj Ajayun irpata jakenacarjama parlapcäyäsmati, jan ucasti aleka jakenacarjamaquiwa parlapjjäyäsma, Tatitu tokenjja wawanacäpcasmas uqhama.

2 Corintios 1:12

Mayaw nanacarojj cusisiyapjjetu. Chuymanacajjajj sapjjetuwa nanacajj aca orakenjja mä suma chuymampi, uqhamarac k'oma chuymampi sarnakapjjatajja, jumanac taypinjja yämasa. Diosaw qhuyapayasiñapanjja uqham sarnakañataquejj yanapapjjetu, janiw nanacan amuyt'asipjjatanacajj laycuti.

2 Corintios 13:11

Jichhajj jilatanaca, cusisitäpjjapunim. Jacañanacamansti chekapapunïpjjam, chuymachasipjjaraquim, sumanaraqui jumanaccamajj jacapjjam. Samarañ churir munasir Diosaw jumanacampïscanejja.

2 Corintios 4:3

Ucampis khespiyasiñ arunaca parlapcsma ucanacatejj jan khanäcchejja, qhitinacatejj chhakañaru sarapqui ucanacataquiquiw uqhamäsqui.

2 Corintios 4:4

Cunjämatï jupanacajj jan iyawsapquejja, ucatwa acapach diosajj jupanacan amuyt'anacapjja ch'amact'ayi jan Criston khanquir arunacapa uñjapjjañapataqui, Diosajj cunäquitejj uc uñacht'ayasa.

Efesios 2:2

Acapachan sarnakäwinacaparjamaw jacasipcäyäta, cawquïri ajayutejj ñankha ajayunacaru apnakqui, uqhamarac ch'amañchqui Diosar jan ist'irinacarusa, uca ajayun munañap lurasina.

Colosenses 1:28

Nanacajj Cristo Tatitjjatwa parlapjjtjja. Takeniruraquiw ewjjt'apjjta yatichapjjaracta sum amuyt'apjjañapataqui, uqhamata takenis suma jiltatäñapataqui Tatitumpi mayaquïñapanjja.

Colosenses 4:12

Epafras jilatasti Criston sirviripawa, jumanaca taypit misturiraquiquiwa, jupasti jumanacarojj aruntanipjjaractamwa. Jupasti jumanacataquejj walipuniw Diosatjj mayisqui jumanacan sum sayt'asipjjañamataqui, uqhamarac Diosan munañap lurañaru suma catuyatäpjjañamataqui.

Hebreos 5:14

Ucampis waña mank'ajj jach'a jakenacataquiwa, ucanacajj amuyt'asiñjj yatjjapjjewa. Cunatejj walïqui, jan walïcaraqui uc uñt'añsa yatjjapjjaraquiwa.

Hebreos 6:1

Uqhamasti nayrar sarantañäni jach'a jaker tucuñcama, Cristo toket kallta yatichäwinac maysar apanucusa. Jan juc'amp parlcjjañäniti kallta yatichäwinacatjja, cuna luräwinacatejj jiwañar apqui ucanacat arrepientisiñata, uqhamarac Diosar iyawsañampita,

Santiago 3:15

Uca casta yatiñasti janiw Diosat jutquiti, jan ucasti acapach yatiñ cancañaquiwa, jaken amuyt'apaquiraquiwa, pachpa supayat jutaraqui.

Santiago 3:2

Takeniw walja pantjasïwinac lurtan, ucampis maynitejj arsutapanjja jan pantjascchejja, ucajj cheka jakewa, take janchipsa frenompjamaraquiw apnake.

1 Pedro 5:10

Ucampis uca mä juc'a urunacana t'akhesipjjatama pasjjepansti, Diosajj jumanacarojj sumwa tucuyapjjätam, sum sayt'ayapjjaraquïtam. Uca Diosasti qhititejj take bendicionanac churquistu ucawa, uqhamarus Jesucristompi chicäñasataquiraquiwa jawsistu wiñayataqui.