1 Corintios 16:11

Aymar Bibliia 1986

Jan qhitis jumanacatjja juparojj jisc'achpati. Jan ucasti, yanapt'apjjam mä suma saräwipanjja nayar uñjiri jutañapataqui, juparusti suyascaractwa mayni jilatanacampi cuna.

Jak'a apnaqawi uñst'ayäwi

Lucas 10:16

“¡Qhititejj jumanacar ist'qui ucajj nayaruw ist'itu; qhititejj jumanacar jan ist'apctam ucasti nayaruw jan ist'quituti; nayaru jan ist'irïqui ucasti qhitanquitu ucaruw jan ist'quiti!.”

Hechos 15:3

Jupanacarusti Antioquianquir iglesiaw qhitäna. Jerusalenar sarcasinsti, jupanacajj Fenicia tokenacwa pasapjjäna, uqhamarac Samaria tokenaca. Ucawjanacansti yatiyapjjänwa cunjämtï jan judiöpquis ucanacajj nayra iyawsäwinacap apanucusin Diosar arcjjapjjäna uca. Uc ist'asinsti take jilatanacajj wal cusisipjjäna.

Hechos 15:33

Mä kawkha tiempo jupanacamp kamaratatsti, jilatanacajj suma aruntanac apayasaw jupanacarojj qhitjjapjjäna, cawquïr jilatanacatejj jupanacar qhitanipcatayna ucanacaru.

1 Corintios 16:10

Timoteo purinin ucqhajj janiw cunatsa llaquisiyapjjätati; c'uchiqui sarnakasiyapjjäta, jupasti nayjamaraquiw Tatitun luräwipanjja irnake.

1 Corintios 16:6

Inas jumanacampejj mä juc'a pachanacaqui kamarchï, jan ucajj take juyphipachasa ucancaracchï, uqhamasti jumanacajj yanapt'apjjaraquitasmawa cawquirutï sarañajjäqui uca saräwejjanjja.

2 Corintios 1:16

Macedoniar sarcasinjja tumpawayañwa amtäyätjja, uqhamarac Macedoniat cuttanjjasinsa. Uqhamatwa jumanacajj Judearu sarañajj yanapt'apjjetasmajja.

1 Tesalonicenses 4:8

Uqhamajj qhititejj aca yatichäwir jisc'achqui ucajja janiw qhiti jakerus jisc'achquiti, jan ucasti Diosaruw jisc'achasqui, qhititejj Ajayup churquistu ucaru.

1 Timoteo 4:12

Waynätam laycojj jan jisc'achayasimti, jan ucasti, iyawsirinacampi mä suma uñtcañ sarnakam parläwimana, sum sarnakañana, munasiñana, Cristor arquirin jacañana, iyawsäwina, k'oma cancañan jacasa.

Tito 2:15

Acanacwa jumajj yatichañamajja, yanapt'asa, uqhamarac take jilïr cancañampi ewjjt'asa jan qhitimpis jisc'achayasisa.

3 Juan 1:6

Iglesianjja jupanacajj parlapjjewa juman wali munasiñanïtamata. Nayajj achict'smaw yanapt'aquimay sarañanacapana, cunjämtï Diosarojj cusisiyqui uqhamarjama.