1 Corintios 15:4

Aymar Bibliia 1986

Jupajj p'amp'antatänwa quimsürutwa Kellkatanacarjama jacatataraquïnjja,

Jak'a apnaqawi uñst'ayäwi

Salmos 16:8

Nayajj Tatitump chicapuniw sarnakascta, jupaw cupëjjajjanqui, janiw cunas tincuyquitaniti.

Salmos 2:7

Tatitun arsutap yatiyä: Jupajj situwa: “Jumaw nayan wawajjätajja: jichhüruw jumarojj jacañ chursma;

Oseas 6:2

Mäquiw c'umar sarnakasiñjja churjjestani, jupa nayrakatan jacañasataquiw sartayasjjaraquistani.

Jonás 1:17

Uccañcamasti, Tatitojj mä wali jach'a chawllwa waquichäna Jonasar mank'antañapataqui. Uqhamaw Jonasajj quimsa urumpi quimsa arumampi chawlla purac mankhancascäna.

Mateo 12:40

Cunjämtejj Jonasajj mä jach'a chawllan puracapancän quimsürumpi quimsa arumampejja, uca quicparaquiw Jaken Yokapajj quimsürumpi quimsa arumampi orak mankhancani.

Mateo 16:21

Ucapachatpachwa Jesusajj discipulonacaparojj khanañchañ kalltäna jupan jiwäwipjjata. Saraquïnwa: —Jerusalenar sarañajjaw wact'itu, ucansti chuymani jilïrinacajj, uqhamarac sacerdotenacan jilïrinacapampi, ley yatichirinacampejj wal t'akhesiyapjjetani. Ucatsti jiwayapjjaraquitaniwa, ucampis quimsüru jiwatatsti jactawayjjäwa —sasa.

Mateo 20:19

Yakha toke jakenacaruraquiw catuyapjjani ucat jupanacan larusiñapataqui, nuwjapjjañapataqui ucat ch'accatapjjañapataqui, ucampis quimsüru jiwatatjja jactanjjaniwa.”

Marcos 9:31

Jupajj discipulonacapar yatichasajj sänwa: —Jaken Yokapajj jakenacan amparapar catuyatäniwa; jupanacasti jiwayapjjaniwa, ucatsti quimsüru jiwatat jactjjani —sasa.

Lucas 24:26

¿Janit Cristonjj take acanaca t'akhesiñapajj waquiscänjja janïra alajjpacharu aptatäcasinjja? —sasa.

Lucas 24:46

Ucatsti saraquïnwa: —Aqham kellkatawa: Cristojj jiwaniwa, ucatsti quimsürut jiwatanac taypitjj jacatatani;

Lucas 9:22

Ucat saraqui: —Jaken Yokapajj wali t'akhesiñapapuniwa; jilïri jakenacans jisc'achataraquïniwa, sacerdotenacan jilïrinacapampisa, uqhamarac ley yatichirinacampisa. Jiwayapjjaniwa, ucampis quimsür jiwatatjja jactaniniwa.

Juan 19:38

Uca pasatatsti, judionacaru ajjsarasin Jesusaru jamasat arquiri Arimateanquir Joseaw jutäna, ucatsti Pilatoruw achict'asïna Jesusan janchip apasjjañataqui. Pilatosti churayjjewa. Ucatsti Joseajj sarasinjja Jesusan janchipjja apasjjänwa.

Hechos 1:3

Jesusajj jiwatat jactasinjja, jupa quicpaw uca pusi tunca urunjja walja cuti apostolonacaparojj uñstäna. Uqhamatwa Jesusajj jupanacarojj uñacht'ayasïna chekpachapuni jactjjatapata. Uqhamaraquiw Diosan reinopjjat parlawayäna.

Hechos 17:31

Diosasti mä uru waquichi, ucüruw cheka cancañampi acapacharojj taripani cawquïr jaktejj jupajj ajllisqui uca toke. Uca jaken chekätapjja, jupar jiwatat jactayasaw take jakenacar khanpach yatiyi.”

Romanos 6:4

Chekpachansa Cristompi chicaw bautismo toke jiwasanacajj imantatäjjtanjja, ucatsti jiwatäjjaractanwa, ucat jactasina mä machak jacañan jacañataqui, cunjämtejj Cristojj jactawaycäna Dios Awquin jach'a ch'amap laycu uqhama.

Colosenses 2:12

Cunapachatï jumanacajj bautisatäpcäyäta ucapachajj Cristompi chic imantatäjjapjjtawa, uqhamarac jupampi chica jactayatäjjapjjaractawa, Tatitur jiwatat jactayir ch'aman Diosar iyawsapjjatam laycu.

Hebreos 13:20

Sumancañan Diosajj Jesucristorojj jiwatanac taypit jactayi. Uca Jesucristosti ovejanacan jach'a awatiripawa, wilapampiwa wiñay arust'äwipjja arsuwayi.

1 Pedro 1:11

Jesucriston Ajayuparaquiw profetanacarojj yatiyäna nayratpacha Criston t'akhesiñapjjatjja, uqhamarac cuna jach'a cancañatejj uca khepatsa jutcani ucjjatsa. Uca profetanacasti yatjjatañwa munapjjaraquïna qhitïnisa uca jakejja, uqhamarac cunapachänisa ucajj uca toketa, cunjämtï Ajayojj siscäna uqhamarjama.