1 Corintios 15:2

Aymar Bibliia 1986

Uca arunacaraquiw jumanacarojj khespiyapjjtam, parlapcsma uca arunactejj sum catjjäsipcäta ucapacha; jan uqhamäcchi ucasti, iyawsäwisajj inamayataquïspawa.

Jak'a apnaqawi uñst'ayäwi

Proverbios 23:23

Alasim cheka cancaña, uqhamarac yatiñ cancañsa, ucatsti yatichäwimpi, amuyt'añampjja jan aljamti.

Proverbios 3:1

“Munat wawajjay, jan armasimti nayan yatichäwinacajjata; camachi arunacajjsti chuymamarupuni imam,

Proverbios 4:13

Yatichäwinacsti sum catjjarusim, jan apanucumti; suma jacañamasti uca yatichäwirjam sarnakañanquiwa.

Lucas 8:13

Kala taypiru jalantirïqui uca jathasti acawa: qhitinacatejj Diosan arupa ist'apqui, uqhamarac cusisiñamp catokapjje, ucampis janiw wali saphintatäquiti, mä kawkha pachataquiquiw iyawsapjje. Yant'anaca purinjjepanjja jithektjjapjjaquiwa.

Hechos 2:47

Diosarusti wal yupaychapjjäna, take jakenacansa wali munatäpjjaraquïnwa. Tatitusti sapüruw iglesiar yapjjattayäna qhitinacatejj khespiyasiñapäcän ucanacampi.

Hechos 8:13

Quicpa Simonaraquiw iyawsasinjja bautisasjjäna. Felipemp chicaraquiw jupajj sarnakjjäna, muspharcañ milagronaca, uñacht'äwinac uñjatap laycu.

Romanos 1:16

Janiw nayajj evangeliotjj p'enkascti, ucasti Diosan ch'amapawa take iyawsir jakenacar khespiyañataqui, nayrakata judionacaru uqhamarac jan judiöpquis ucanacarusa.

Romanos 11:22

Uñtamaya cunja sumas Diosajja, ucampis khoruwa chekaparaquiwa. Jumasti janiw jupat jithektañamäquiti, jan ucajj jumajj qhuchhokataraquïyätawa.

1 Corintios 1:18

Chhakañar sarir jakenacataquejj Criston crusan jiwatapat parlañajja, mä lokhe cancañäcaspas uqhamawa. Ucampis jiwas khespiyat jakenacataquisti, Diosan ch'amapawa Criston crusan jiwatapat parlañajja.

1 Corintios 1:21

Diosajj yatiw cuna luratapsa. Amtäwipansti janiraquiw acapacharojj jakenacan yatïwinacap toke khespiyañ munquiti, jan ucasti Diosajj arunacap tokew jakerojj khespiyañ muni, take qhitinacatï juparu catuyasqui ucanacaru. Uca parläwisti mayninacataquejj lokhe cancañar uñtatäcaspasa uqhamawa, uca tokwa Diosajj jakerojj khespiyañ munaraqui.

1 Corintios 11:2

Jilatanaca, jumanacajj nayatjja amtasipjjapunistawa uqhamaraqui cuntejj yatichapcäyäsma ucarjamaraquiw sarnakasipcta, uqham lurapjjatanacamatjja wal cusista.

1 Corintios 15:14

Cristotejj jan jactcchejja, yatichapcsmas uca arunacajj janipï cunataquis asquïquitejja, jumanacan iyawsañanacamasa inamayaraquipï.

2 Corintios 2:15

Jiwasajj mä suma incienso k'apjamätanwa, cuntejj Cristojj Diosar loktqui ucana. Ucasti take tokeruw purt'i, khespiyatanac taypiru uqhamarac jan khespiyatanac taypirusa.

2 Corintios 6:1

Nanacasti Diosan luräwipan irnakerinacjamajja, jumanacarojj achict'apjjsmawa, jan ina ch'usaru apt'apjjamti cuna qhuyapayasiñtï Diosajj uñacht'ayapctam ucjja.

Gálatas 3:4

¿Ucatak t'akhesitanacamajj inamayaquëjjeti? ¡Añchaquit mä cunataquis asquicaspa!

Efesios 2:8

Diosan munasiñapatwa jumanacajj khespiyatäpjjtajja iyawsañ laycu. Acasti janiw jumanacan luräwinacamäquiti, jan ucasti Diosaw jumanacar churapjjtam.

Colosenses 1:23

Ucampis acataquejj sum sayt'asipjjañamawa iyawsañanacamanjja, suma saphintataraqui, cuna suyt'äwtï suyt'apcta Diosan arunacap ist'asinjja ucatjja janiw jithektasipjjañamäquiti. Aca khespiyasiñ arunacasti take chekanwa parlasi, naya Pablosti uca parlañanjja yanapasiractwa.

2 Tesalonicenses 2:15

Uqhamajj jilatanaca, nayraru sarantasipcaquim cuna yatichäwinactejj naya quipca, uqhamarac carta toke yatichapcsma uca yatichäwinac jan armasisa.

2 Timoteo 1:9

Diosajj khespiyistuwa, jawsaraquistuwa juparu catuyata jacañasataqui, ucasti janiw jiwasan cuna asqui luratas laycuti, jan ucasti uqhamänwa jupan amtäwipajja, uqhamarac Cristompi mayachasitas laycuw munasiraquistu. Diosasti munasistuwa, aca orakejj janïra utjcän ucqhatpacha.

Hebreos 10:23

Ch'aman sayt'asipjjañäni, jan pächasisa, iyawsäwisanjja cuntejj suyt'ctan ucanjja, Diosasasti phokhaniwa cuntejj arsuwayquistu ucjja.

Hebreos 2:1

Ucatwa cuntejj ist'ctan ucarojj wali amuyu uchañasa, jan thaquit maysar saranucuñataqui.

Hebreos 3:14

Tucuycamatejj take chuyma arcañäni take iyawsañampi, cunjämatï kalltatpacha utjquistu uqhama, ucapachajj Cristompejj utjistuw cunatejj jiwasanccani ucajja.

Hebreos 3:6

Ucampis Cristojj mä wawjamajj chekawa uca Diosan utapjjarojja. Uca utasti jiwasanac pachpätanwa, take chuymatejj sarascaquiñäni, uqhamarac tucuycama iyawsañäni cusisita suyt'äwisana ucajja.

Hebreos 4:14

Diosan Yokapa Jesusaw jiwasan jach'a jilïri sacerdotesajja. Juparaquiw Diosan nayrakataparojj mantejja. Ucatwa juparojj take iyawsañasampi arcañasajja.

Santiago 2:14

Munat jilatanaca, ¿cunataquis walejja maynitejj: “Nayajj iyawstwa” sischi ucatjja janiraqui cuna ascsa lurcchiti ucajja? ¿Uca iyawsañapasti khespiyaspati?

Santiago 2:17

Uqhamawa iyawsañajja, janitejj luräwinac toke uñacht'ayasqui ucqhajja, uca iyawsaña sapaquejj jiwatawa.

Santiago 2:26

Cunjämatejj janchejj jan ajayumpejj jiwatajja, uqhamaraquiwa iyawsañajj jiwata, cunapachatejj jan suma luräwinacampi uñacht'ayasqui ucqhajja.