1 Corintios 15:10

Aymar Bibliia 1986

Ucampis Diosan munasiñap laycuquiw cunäctejj ucätjja, munasiñapasti nayataquejj janipuniw inamayäquiti. Take apostolonacat sipan jilaracwa irnakawaytjja; ucsti janiw nayat irnakctjja jan ucasti Diosaw qhuyapayasiñapanjja nayamp chicäscaraquïna.

Jak'a apnaqawi uñst'ayäwi

Mateo 10:20

Janiw jumanacati ucanjj parlapcätajja, jan ucasti Diosan Ajayupawa jumanac lantejj parlani.

Mateo 25:16

Pheska waranka catokquis uca sirvirejj negocio luri uca kollkempejja, jupasti mä pheska warankampwa jicjjatatayna.

Romanos 11:1

Jichhasti jisct'aractwa: ¿Diosajj jupan ajllit marcaparojj janipunit muncjjpacha? Janiw uqhamäquiti. Naya quipcaw israelitätjja, Abrahaman familiapataraquïtjja. Benjamín castat jutiriraqui.

Romanos 12:3

Diosajj munasiñapampi mä suma ewjja nayar churatap laycuw takeniru sapjjsma: jan maynis jupa quipcatjja lup'pati cuntejj lup'iñäqui ucat juc'ampjja. Ucampis sapa mayniw chekaparu lup'iñapa jupan Diosar iyawsañapa utjatapatjama.

1 Corintios 15:11

Uqhamasti jupanacas, nayas yatiyapcsma uca yatiyäwiruw iyawsapjjtajja.

1 Corintios 15:2

Uca arunacaraquiw jumanacarojj khespiyapjjtam, parlapcsma uca arunactejj sum catjjäsipcäta ucapacha; jan uqhamäcchi ucasti, iyawsäwisajj inamayataquïspawa.

1 Corintios 3:10

Nayajj uca utanjja mä uta luririmpi uñtatätwa, Diosaraquiw nayarojj uca utan kalltapjja uchayitu, ucjjarusti yakhanacaraquiw perkjja perkascaraqui. Ucampis sapa mayniw amuyasiñapa cunjämsa uca uta perkasqui ucjja.

1 Corintios 3:6

Nayaw satantta, Apolosasti ucaruw umampi karpjjataraqui, ucampis Diosawa jiltayaraquejja.

1 Corintios 4:7

¿Qhitirac jumarusti mayninacat sipansa juc'amp suma tucuytamsti? Jan ucajj ¿cuncha Diosajj jan churctamjja? Diosatejj cunsa churstam ucajj ¿cunataraqui jach'a jach'a tucta jumas ch'amamampi jicjjatcasmas uqhama?

2 Corintios 12:11

Mä lokher uñtatjamaw parltjja nayapachat jach'achasisajja, ucampis jumanacaw uqham parlayapjjestajja. Jumanacaw nayarojj jach'acht'apjjañamänjja. Nayasti janiw uca jach'a apostolonacatjj menosäcti, janis cuna jan yäkatjamäctsa ucasa.

2 Corintios 3:5

Janiraquiw nanacpachas cuna lurañataquis yatekatäpquirista uqhamäpcti, jan ucasti take cuntï lurapcta ucajj Diosatwa juti.

2 Corintios 6:1

Nanacasti Diosan luräwipan irnakerinacjamajja, jumanacarojj achict'apjjsmawa, jan ina ch'usaru apt'apjjamti cuna qhuyapayasiñtï Diosajj uñacht'ayapctam ucjja.

Gálatas 2:8

Pachpa Diosaw Pedrorojj mä apostoljama judionac taypiru qhiti, uca pachparaquiw nayarojj mä apostoljama jan judiöpquis ucanac taypiru qhitaraquitu.

Filipenses 2:13

Diosaw suma amtäwinac churapjjtam, jupa pachparaquiw yanapasipctamjja uca lurañanac phokhañanjja jupan munañaparjama.

Filipenses 4:13

Criston ch'amapampejj take cunaruw saycatirista.

1 Tesalonicenses 5:12

Jilatanaca, achict'apjjsmawa, jumanac taypina irnakapqui, sarayapcaraqui, uqhamarac Tatitun sutipar ewjjapqui ucanacarojj ist'apjjam.

1 Timoteo 4:10

Ucataquiraquiw irnaktan, uqhamarac toketas t'akhesiwaytan, jacquiri Diosaru suyt'äwis uscutas laycu, cawquïritejj takenin Khespiyiripäqui, juc'ampis qhitinacatejj jupar iyawsapjje ucanacana.