1 Corintios 15:1

Aymar Bibliia 1986

Jichhajj jilatanaca, muntwa cuna khespiyasiñ arunactï yatiyapcsma ucanaca amtasipjjañama. Uca arunacjj jumanacaw catokapjjtajja, ucanaracwa jichhas sum sayt'asisipctajja.

Jak'a apnaqawi uñst'ayäwi

Juan 12:48

Qhititejj nayaru jisc'achquitu, ucatsti janiraqui arunacajjarjam lurquiti, ucan juchañchiripajj utj-jjewa. Cawquïr arunactejj nayajj arsctjja ucanacaw juchañchascani juparu khepa urunjja.

Hechos 11:1

Judeanquir apostolonacampi iyawsirinacampejj yatiyapjjänwa, jan judiöpquis uca jakenacan Diosan arunacap catokapjjatapa.

Hechos 2:41

Qhitinacatejj Pedron arunacapar ist'asinjja jaysapcän ucanacajja, Diosaruw cutiquipstanjjapjjäna bautisasisina. Ucürusti mä quimsa warank jakenacjamaw iyawsirinacarojj yapjjattäna.

Romanos 11:20

Chekpachansa jupajj qhuchhuratänwa jan iyawsañanïtap laycu, ucampis jumajj iyawsatam laycuquiwa uqhamätajja, ucatsti janiw jach'a jach'a tucuñamäquiti, jan ucasti ajjsart'añamawa.

Romanos 2:16

Diosajj take jakenacan jamasan luratanacapa Jesucristo toke taripcani uca urojja, khespiyasiñ arunaca nayajj yatichcta uqhamarjama.

Romanos 5:2

Cristo tokeraquiw jiwasanacajj Diosarojj jac'achastanjja, iyawsäwi laycu jupat bendiciona catokañataqui. Uca bendicionansti takeniw ch'amani sayt'atätanjja, Diosan marcaparu mantañataqui suyt'äwinsti cusisitätanwa.

1 Corintios 16:13

Suyapjjapunim, iyawsañanacamansti ch'aman sayt'apjjam, chachjama sarnakapjjam, ch'amañchasipjjaraquim.

1 Corintios 3:6

Nayaw satantta, Apolosasti ucaruw umampi karpjjataraqui, ucampis Diosawa jiltayaraquejja.

1 Corintios 4:15

Jumanacajj Cristo toketjja tunca waranka yatichirinïsipcamsa, ucampisa janiw walja awquinïpctati. Nayaw jumanacan Tatit toketjja awquimjamätjja jumanacar khespiyasiñ arunac parlatajj laycu.

2 Corintios 1:24

Janiw nanacajj iyawsañanacamarojj cun sañs munapcsmati, jumanacasti iyawsañanacamanjj suma thurt'atäjjapjjtawa. Uqhamïpansti, yanapt'añ munapjjsma cusisipjjañanacamataqui.

1 Tesalonicenses 1:6

Jumanacajj nanacaru uñtasaw sarnakapjjta, uqhamarac Tatituru uñtasa. Ucatsti Kollan Ajayojj churapctam uca cusisiñampiw Tatitun arunacapjja catokapjjta, jach'a t'akhesiñanacsa catokapcsta ucasa.

1 Tesalonicenses 2:13

Acanacatjja Diosarojj yuspagarapjjapuntwa, cunapachatejj jumanacajj Diosan arunacap ist'apjjta nanacajj khanañchapcäyäsma ucqhajja, jumanacajj janiw jakenacan arunacapjamti catokapcäyätajja, jan ucasti Diosan arunacapjamwa catokapjjta. Chekpachansa Diosan arunacapawa, jach'a luräwinacaracwa luri jumanac iyawsirinacampejja.

1 Tesalonicenses 4:1

Jichhajj jilatanaca, achict'apjjsmawa, ewjjt'apjjaracsmawa acjja Tatit Jesusan sutipana: cunjämatejj nanacajj yatichapjjsmajja Diosar cusisiyquiri sarnakañjjatjja, uqhamarjama lurasipcaquim juc'amp juc'ampi.

2 Tesalonicenses 3:6

Jilatanaca, ewjjt'apjjsmawa Tatit Jesucristosan sutiparu, jithektapjjam cawquïr jilatatejj jan irnakañ munqui ucatjja, uqhamarac cuntejj nanacajj yatichapjjsma ucarjama jan sarnakañ munirinacatjja.

1 Pedro 5:12

Silvanojj nayataquejj mä suma asqui jilatat uñt'atawa, juparaquiw aca cartjja jumanacatac apani. Nayasti ewjjt'apjjsmawa, ucatsti chekwa sapjjsma cuna bendicionanactejj Diosat catokapctas ucajj, Diosan cheka munasiñapwa uñacht'ayistu. Aca tokensti sumpun sayt'asipjjam.