1 Corintios 14:1

Aymar Bibliia 1986

Munasipjjapunimaya jumanac purajja, uqhamarac chuymanacamanjja munapjjapunim Diosan take ajayu token churäwinacapa catokañjja. Diosat catokat arunacap parlañ munapjjam.

Jak'a apnaqawi uñst'ayäwi

Proverbios 15:9

Tatitusti ñankha jakenacan sarnakatanacapjja janiw uñjañ munquiti; qhititejj cheka cancañana sarnakqui ucaruw munasiraqui.

Proverbios 21:21

Qhititejj chekana, asquina sarnakañ thakqui ucajja, jacañwa jicjjatani, jach'ar aptataraquïniwa.

Isaías 51:1

“Ist'apjjeta take qhitinacatejj cheka chuymampi thakapquista, jacañsa munapjjaracta ucanaca —siw Tatitojja—. Uñtapjjam cawquïri karkat qhuchsutäpctatejj uca; cawqha kala ch'iyañat apsutäpctatejj uca;

Romanos 12:6

Diosajj sapa mayniruw yakha casta yatiña churistu, cunjämarutejj jupajj munqui uqhamarjama, uca yatiñanacsti sum apnakañasawa. Diosatejj jupan arupat parlañataqui yatiña churchistojja, cunjämatejj iyawsañasajj utjquistu uqhamarjamawa lurañasajja.

Romanos 14:19

Uqhamasti jiwasanacajj cunanacatejj sumancaña apanqui ucanac thakascaquiñäni, ucampiraquiw ajayu token jiltañanjja maynit maynicama yanapt'assnajja.

Romanos 9:30

¿Jichhajj camsañänisa? Qhitinacatejj jan judiöpquis ucanacajj janiw Diosan catokatäñjja thakapcänti, jupanacapï Diosan catokatäpjjejja iyawsatanacap laycu.

1 Corintios 12:1

Jilatanaca, munaractwa cunanactejj Kollan Ajayojj sapa maynir lurañatac churquis ucanacjjat yatipjjañama.

1 Corintios 12:31

Uqhamasti jumanacajj Diosatjja suma churäwinac catokañatac ch'amañchasipjjam. Nayajj juc'amp suma thaqui uñacht'ayapjjäma.

1 Corintios 13:13

Uqhamapï iyawsañasa, suyt'añasa, munasiñasa jan tucuscanitejja, ucampis aca quimsatjja munasiñapuniw jilt'atajja.

1 Corintios 13:2

Diosat catokat arunactejj parliristjja, uqhamarac Diosan amtatanacapsa k'al yatirista, take cuns yatiraquirista, iyawsañajjas jach'araquïspa kollunac onjjtayañcamajja, ucat janiraqui munasiñanïquiristjja, janiw nayajj cunäctsa.

1 Corintios 14:22

Uqhamajja jan uñt'at arunacat parlañajja mä chimpücaspas uqhamaw jan iyawsirinacataquejja, ucampis iyawsirinacataquisti janiw uqhamäquiti. Diosat catokat arunaca parlañajja iyawsirinacataquejj mä chimpuwa, ucampis jan iyawsirinacataquejj janiw uqhamäcaraquiti.

1 Corintios 14:37

Maynitejj amuyaschi ch'amanïtapa Diosan arunacapa parlañatakejja, jan ucajj amuyaschi Kollan Ajayojj chuymaparu parljjayatapjja, yatiñaparaquiwa cuntejj kellkanipcsma ucajj Diosan camachipätapa.

1 Corintios 14:39

Uqhamapï jilatanaca, jumanacajj Diosan arunacapa parlañarupun uscusipjjam. Maynitejj jan uñt'at arunaca parlañ munchejja, janiraqui jarc'apjjamti.

1 Corintios 16:14

Cuntejj lurapjjäta ucjja, munasiñampi lurapjjam.

Efesios 1:3

Yupaychañäni Diosaru, Tatit Jesucristosan Awquiparu, Cristompi mayachasitas laycuwa jupajj bendiciwayistu take casta ajayun bendicionanacampi alajjpachanacana.

1 Tesalonicenses 5:20

Jan jisc'achapjjamti Diosan amuyt'ayata arunacaparojja.

1 Timoteo 4:14

Jan chhakhayamti cuna ch'amtejj Diosajj churctam ucjja. Iglesianquir jilïrinacaw Diosan munañapata, amparanacapa jumjjaru lokjjatasina ucjja catokayapjjtam.

1 Timoteo 5:10

Suma luräwinac luririt uñt'atäñaparaquiwa, ucanacasti acanacäñapawa: ¿Wawanac uywpachänti? ¿Utaparu tumpirinac catokerïpachänti? ¿Take asqui cancañampi jilatanacaru yanappachänti? ¿T'akhesirinacarojj yanappachänti? ¿Cuna yakha suma luräwinaccha lurpachäna?

1 Timoteo 6:11

Ucampis jumajja, Diosanquir chachjamajja, take acanacatjja jaltam, k'oma jacäwini saram, Dios chuyma, iyawsañani, munasiñani, jan pisi chuymt'añani, llamp'u chuymanïñanraqui.

2 Timoteo 2:22

Waynanacan jan wali luräwinacapatjja jithektam, k'oma jacañan sarnakam, uqhamarac iyawsañana, munasiñana, sumancañana, qhitinacatejj Tatitur k'oma chuymampi mayipqui ucanacamp chica.

Hebreos 12:14

Takenimpis suman sarnakasiñ thakapjjam, k'oma jacañan sarnakasa, jan ucampisti janiw qhitis Tatitur uñcatcaspati.

2 Pedro 1:7

Diosar munañarusti, jilapurjam sarnakañampi; jilapurjam sarnakañarusti, munasiñampi.

3 Juan 1:11

Munat jilata, uca jan wali luräwinacarojj jan arcamti, jan ucasti asquinacaru arcam. Qhititejj asqui lurqui uquïrejja Diosanquiwa, ucampis qhititejj jan wal lurqui ucajja janiw Diosar uñt'quiti.

1 Samuel 10:5

Ucjjarusti Diosan orakepa Gabaa sisqui uca chekaruw puriraquïta, uca chekansti mä kawkha filisteo soldadonacaw ucancasqui. Marcaru mantasinsti mä kawkha profetanacampiw jiquisïta, jupanacasti santuariot sarakasinipcani. Jupanac nayrakatsti walja jakenacaw sarascaraquini, salterios, panderos, flautas, uqhamarac arpas uca instrumentonac toct'asisa.