1 Corintios 10:4

Aymar Bibliia 1986

takeniraquiw pachpa ajay uma umapjjäna. Jupanacasti karkat jalsuri umat umapjjänjja, uca karkaw jupanacampi chicäscäna. Uca karkasti Cristo Tatitünwa.

Jak'a apnaqawi uñst'ayäwi

Génesis 40:12

Ucjjarusti Joseajj sänwa: —Juman samcamajj aqham sañ muni: Uca quimsa ramanacajj quimsa uruwa.

Génesis 41:26

Uca pakallko suma vacanacasa, uqhamarac uca pakallko suma trigo puyanacasa, pakallko maranacawa, pachpa samcaquiwa.

Salmos 105:41

Karkaruw jist'jäna, umasti karkat jalsunïna, wasaran jawir umanacajj jaltäna.

Salmos 78:15

wasaran payaruw kark jaljtayäna, jupanacarusti jilarquir um umapjjañapatac churäna;

Salmos 78:20

Chekans jupajj karkar sac'antasaquiw um jalsuyäna, umasti jawiranacjamaw jalsüna; ucampis, ¿t'ant'a churaraquistaspati?, ¿marcapatac aych utjayaraquispati?” sasa.

Éxodo 17:6

Nayasti qhaya Horeb sat kollunjja mä karka patan suyäma. Ucampis cunapachatejj uca karkaru jach'a thujrumampi jisctcäta ucqhasti, umawa ucatjja mistunini jakenacan umt'apjjañapataqui —sasa. Ucatsti Moisesajj uqhamwa luräna, Israelanquir jilïri jakenac nayrakatanjja.

Isaías 43:20

Take montenquir animalanacajj jach'añchapjjetaniwa, kollu anunacasa, avestruz jach'a jamach'inacasa, wasaran uma jalsuyatajj laycu, jan achuri k'ara orakenacansa jawiranac jist'aratajjata, uqhamat ajllit marcajjar uma churañataqui.

Isaías 48:21

Wasara chekanac irpancchi ucasa, janiw jupanacajja umat pharjayasipquiti; jupaw jach'a karka ch'iyji, walja uma jalsuyaniraqui.

Daniel (hebreo) 2:38

cawqha chekanacantejj jakenacajj jacapqui uca chekanacsa jumaruw catuyaractamjja, animalanacsa, jamach'inacsa; jupaw juma, jach'a reyiru, take ucanacjja catuyaractam, juma reyisti uca kori p'ekëtawa.

Daniel (hebreo) 7:17

‘Aca pusi jach'a ajjsarcañ animalanacajj, acat kheparu cuna pusi jach'a reyinacatejj aca orake apnakapcani ucanacawa.

Números 20:11

Moisesasti uca arunac arsusinjja amparap altoruw aytäna, ucatsti pä cutiw thujrupampi karkaru jisctäna, ucatsti walja umaw jalsüna. Uqhamatwa jakenacasa, uywanacasa umarapjjäna.

Juan 4:10

Ucjjarusti Jesusajj saraquïnwa: —Cuntejj Diosajj churqui uctejj yatismajja, uqhamarac qhititejj um mayctam uc yatiraquisma ucajja, jumaw nayarojj um mayitasmajja, nayasti jacquir umwa churaraquirisma —sasa.

Juan 4:14

Ucampis qhititejj naya churcta uca umat umcani ucajja, janiw mayampis pharjayascjjaniti. Cawquïr umtejj nayajj churcta ucajja jupa pachpanwa jalsuni wiñay jacañ churañataqui.

Juan 7:37

Fiesta tucuy urojj juc'amp jach'a urünwa. Ucürunwa Jesusajj sayt'asisina jach'at arsüna: —Qhitich umat pharjatäsqui ucajja jutpan nayaru, ucatsti umaracpan.

Gálatas 4:25

Agar warmejja Arabianquiri Sinaí kolluruw uñtasi, acajj jichhüru Jerusalenäquis ucawa, niyaquejjay aca marcajj esclavo tucuyatächejja wawanacapamp chica.

Deuteronomio 9:21

Ucatsti uca metalat lurat vaca kallur catusinjja, cawquïrimpitï jucha luräwiru puripcatäta, ucjja ninaruw jakontäyäta, ucatsti ñut'u lak'aru tucuyasinjja kollut sarakanir jawir umaruw warantayäta.

Colosenses 2:17

Take ucanacasti cunatejj lurascani ucanacan mä ch'iwipäcaspas uqhamaquiwa, ucampis Cristowa take cunatï phokhascani ucajja.

Hebreos 10:1

Moisesan leyinacapajj mä ch'iwjamaquïnwa, take cunanacatejj utjañapäcatayna ucanacatjja, janiw cunjämäñapäcäntejj uqhamäcataynati. Uqhamajj uca leyejj janipï k'omachcaspatejja Diosar jac'achasirinacarojja, sapa mara uca sacrificionac churasquipansa.

Apocalipsis 22:17

Kollan Ajayumpi Corderon esposapampisti siwa: “Jutam”. Ist'irïqui ucasti saracpan “Jutam” sasa. Qhititejj umat pharjayasqui, ucat um muncaraqui ucajj jutpan, jacañ umat inac umt'aracpan.