1 Corintios 10:16

Aymar Bibliia 1986

Cunapachatï bendicita copat umctan Diosar yuspagarasina ucqhajja, Criston wilapan mayaquïtaswa uñacht'aytan. Cunapachatï t'ant'a pachjtan ucqhajja, Criston cuerpopan mayaquïtas uñacht'ayaractan.

Jak'a apnaqawi uñst'ayäwi

Lucas 22:17

Ucatwa amparapampi mä copa astasin Diosar yuspagari, ucat saraqui: —Ac catokapjjam, ucatsti jumanaccama jaljasipjjam.

Hechos 2:42

Takeniw sum arcapjjäna cunjämtejj apostolonacajj yatichcäna uqhamarjama, maynit maynicama suman jacasisa. Uqhamaraquiw tantachasipjjäna Diosat mayisiñataqui, t'ant'a pachjañataquisa.

Hechos 2:46

Sapüruw templon tantachasipjjäna. Utanacapansti mayaquiw t'ant'a pachjasajj mank'asipjjäna take cusisiñampi, llamp'u chuymampiraqui.

Hechos 20:11

Ucatsti Pablojj wasitat altos patar maqhatäna. T'ant'a pachjasinsti mankt'asïnwa. Ucatsti willjtacama parlasinwa jupajj sarawayjje.

Hechos 20:7

Semana kallta urusti iyawsirinacajj t'ant'a pachjañataquiw tantachasipjjta. Pablosti jupanacarojj yaticharaquïnwa. Khepärmanthi sarjjañampejja, chica arumcamaw yatichäna.

1 Corintios 1:9

Diosajj arsutanacaparojj phokhapuniwa. Juparaquiw Jesucristo Tatitusampi chekäpjjañamataqui jawsapjjtamjja.

1 Corintios 10:15

Amuyun jakenacarjamaw parlapjjsma, jumanacpacharaquiw amuyt'apjjasmajja cuntï sapcsma ucjja.

1 Corintios 12:13

Take jiwasanacasti, judiosa, griegosa, esclavosa, libresa, Kollan Ajayun bautisasjjasinjja mä sapa cuerpoquiw tucjjtan; takenisa uca pachpa Ajayutaracwa catoktanjja.

Hebreos 3:14

Tucuycamatejj take chuyma arcañäni take iyawsañampi, cunjämatï kalltatpacha utjquistu uqhama, ucapachajj Cristompejj utjistuw cunatejj jiwasanccani ucajja.

1 Juan 1:3

Khanañchapjjsmaw jumanacaru cuntejj uñjapjjtjja, ist'apjjaractjja ucjjata, jumanacajj nanacampi mayachasipjjañamataqui cunjämatejj nanacajj chekpachansa mayaquïpjjtjja Dios Awquimpi, uqhamarac Jesucristo Yokapampisa.

1 Juan 1:7

Jiwasatejj khanan jacstan, cunjämatejj Diosajj khanancqui uqhamjja, mayaquïtanwa maynimpi maynimpisa, Jesucristo Yokapan wilapaw take juchanacasat k'omacharaquistu.