1 Corintios 10:12

Aymar Bibliia 1986

Uqhamajja, qhititejj ch'amanïtapa amuyasejja, wal amuyt'aspan ucatarac tincuscaspan.

Jak'a apnaqawi uñst'ayäwi

Proverbios 16:18

Jach'a jach'a tucuñanjja aynacht'añawa utji; pek'e waytat sarnakañansti tincuñaw utji.

Proverbios 28:14

Cusisiñaniwa Tatiturupuni ajjsartiri jakejja, ucampis chuyma kalarayasiri jakejj jan walt'añaruwa purini.

Lucas 8:18

“Uqhamasti, sum ist'apjjam; qhitintejj utjquis ucarojj juc'ampiw churasini, ucampis qhitintejj jan utjqui ucatjja apakasiniwa cuntejj utjañapataqui iyawsqui ucamppacha.”

Romanos 11:20

Chekpachansa jupajj qhuchhuratänwa jan iyawsañanïtap laycu, ucampis jumajj iyawsatam laycuquiwa uqhamätajja, ucatsti janiw jach'a jach'a tucuñamäquiti, jan ucasti ajjsart'añamawa.

1 Corintios 8:2

Maynitejj take cuna yatir tucchejja, janïraw cunsa yatquiti.

Colosenses 2:8

Wal amuyasipjjam, janiraqui sallkjayasipjjamti qhitinacatejj c'ari amuyt'anacapampi sallkjañ munapjjtam ucanacampejja. Jupanacasti janiw Tatitur iyawsapquiti, jan ucasti jakenacan sarnakäwinacaparu, amtatanacaparuquiw phokhapjje cuna tokensa.

2 Pedro 3:17

Ucatpï munat jilatanaca, niyaquitejj jumanacajj acanacjja jichhatpach yatjjapjjstajja, ucatsti amuyasipjjam jan uca sallkjirinacampi apayasiñataqui, uqhamata walïcasin jan aynacht'añataqui.