1 Corintios 1:7

Aymar Bibliia 1986

Uqhamatsti janiraquiw cuntejj Diosajj churqui uca bendicionanacatjja cunas pist'apctamti, ucchañcamasti jumanacajj Tatitojj jutcani uca urwa suyt'asipcaracta.

Jak'a apnaqawi uñst'ayäwi

Génesis 49:18

“¡Tata, khespiyasiñamwa suyt'ascta!

Mateo 25:1

“Diosan reinopajj aca uñtasitamp sasiwa. Tunca tawakonacaw mä casarasïwir sarapjje lamparanacapas apt'ata casarasirir catokañataqui.

Lucas 12:36

Cunjämatejj mä uywatanacajj uywiriparu casarasïwit cutt'aniñapjja janc'aqui punc jist'arañataqui suyt'apjje: “Niyach lekt'ancan” sasa, uqhamay suyt'apjjam.

Lucas 17:30

Uqhamäniwa Jaken Yokapajj uñstancani ucürunjja.

Romanos 8:19

Wali suyt'añampiwa take acapachajj suyt'asqui cunürutejj Diosajj khespiyat jakenaca uñstaycani uca.

Romanos 8:23

Janiw aca orake sapaqui t'akhesquiti, jan ucasti jiwasanacas uca quipcaraquiw t'akhestanjja, Ajayojj niyaw jiwasjjancjje, cunatï walja catokañäquis ucan kalltapawa utj-jjestu. Jiwasanacasti aykopjjaractanwa cunürutejj Diosajj wawanacapjama tucuyquistani uca uru suyt'añana cunapachatejj janchinacasajj khespiyat uñjascani uca uru.

1 Corintios 4:5

Uqhamajj jumanacajj jan cunatsa mäqui juchañchapjjamti, jan ucasti suyt'apjjam Tatituru, jupaw take cunsa khanar apsuscani, cunatejj ch'amacan imantatäqui ucsa. Tatitojj take jakenacan amtatanacapsa khanaruw apsuni, ucatsti Diosajj sapakat maynirusa lurataparjamaraquiw uñjani.

2 Corintios 12:13

Jumanacarojj janiw yakha iglesianacat menosäpcasmas uqham lurapcsmati, jan ucasti jumanacat jan cun mayitajjaquiw utjejja. ¡Perdonapjjet uqham jan mayitajjatjja!

Gálatas 5:5

Jiwasanacajj Ajayu toke, uqhamarac iyawsañ toketaracwa, Diosan nayrakatapan catokatäña suyt'äwisajj utjistu.

Filipenses 3:20

Ucampis jiwasanacajj alajjpachanquir jakenacäpjjtanwa, Khespiyiri Cristo Tatitun alajjpachat jutañapwa suyasipcaractanjja.

Colosenses 3:4

Pachpa Cristow jiwasan jacañasajja. Cunapachatejj jupajj uñstancani ucqhajja, jupa chicaraquiw uñstapjjäta, khapak marcapansti jupampïpjjaraquïtawa.

1 Tesalonicenses 1:10

Uqhamaraquiw parlapjje jumanacatjja cunjämtejj Jesusar alajjpachat cutt'aniñap suyapcta ucsa, cawquïrirutejj Diosajj jiwatanac taypit jactaycänjja ucaru. Jupaw ajjsarcañ mutuña jutqui ucatjja khespiyistu.

2 Tesalonicenses 1:7

Ucatsti chekaraquiw jumanac t'akhesirinacar samarañ churañataqui, uqhamarac nanacarusa, cunürutejj Tatit Jesusajj uñstancani alajjpachat nina taypina ch'amani angelanacapampi jutcani ucapachajja.

2 Timoteo 4:8

Jichhajj suma coronaw suyasquitu, qhä urunwa chekapar uñjir Tatitojj churitani, cawquïritejj chekap taripirïqui ucajja. Janiw naya saparuquiti churquitani, jan ucasti take qhitinacatejj munasiñampi Tatitun jutañap suyt'asipqui ucanacarojj churaraquiniwa.

Tito 2:13

Yaticharaquistuwa mä cusiscañ suyt'äwimpi jacañasa, jach'a Khespiyiri Jesucristo Diosajj uñstancani uc suyasina.

Hebreos 9:28

Uqhamaraquiw Cristojj mä cutiqui sacrificionjj loktasïna waljanin juchapa apakañataqui. Ucatsti khepïrinjja uñstaniraquiniwa, janiw juchanac apakeriti, jan ucasti jupar suyt'irinacar khespiyañataqui.

1 Pedro 1:13

Ucatpï jilatanaca, jumanacajj wali amuyt'asipjjam cuntï lurapcäta ucanacatjja, uqhamarac mä suma jacañan sarnakapjjaraquim. Take chuymaraqui suyt'apjjam cuntejj Diosajj qhuyapayasiñapanjja jumanacar churañataqui waquichasqui Jesucristojj jutcani ucqhajja.

1 Pedro 4:13

Jan ucasti cusisipjjam Tatitjama t'akhesipjjatanacamatjja, uqhamata cusisiñan phokt'atäpjjañacamataqui cunapachatejj jupajj jach'a cancañapampi uñstancan uc uñjapcäta ucqhajja.

1 Pedro 5:4

Uqhamata cunapachatejj awatirinacan jach'a jilïripajj uñstanjjan ucqhajja, jumanacajj mä suma churäwi catokapjjäta, janiw uca pankaranacat lursutäquis uca coronjamti, jan ucasti wiñay corona.

2 Pedro 3:12

Tatitun jutañap ursti suyt'apjjam, janc'aquïñapa munasa. Uca urojj alajjpachajj ninampi naqhantatäniwa, take cunas ninampiraquiw umatatatäni.

1 Juan 3:2

Munat jilatanaca, jichhajj Diosan wawanacapäjjtanwa, ucampis janïraw khanañchquistuti cunäcañänitejj tucuy urunacan ucjja. Ucampis yattanwa cunapachatejj Tatit Jesucristojj uñstancani ucqhajja, jupjamaw tucuñäni, cunjämäquitejj jupajj uqhampacha uñcatatas laycu.

Judas 1:21

Diosan munasiñapan jacapjjam, cunürutï Tatit Jesucristosajj qhuyapayasiñapanjja wiñay jacañjja churquistani uca uru suyt'asina.