WARMInakataki VERSIÓN

Jilata, Diosan amparan mä suma qori kankiwa. Q’aja, ch’amachasiri, atipiri, mä luchadora kankiwa. Diosax munasktawa, suma amtampiw luratätam. Sapa urux ch’amachasim, Diosar jach’añchiri sarnaqasim.

Diosan warmipä, jani walt’äwinakax utjki uk yachtawa, ukampis Jehová Diosax qhispiyätamwa. Sapa uru oracionan Diosampi parlasiñampi ch’axwawinakam atipt’am, jupasti irpiyätam, atipt’asiñam churarakim.

Jilata, anqan suma k’acha kayamarux uñjañamawa, janiwa jawiranakapäkiti. Diosax anqan k’acha kayamaruw uñji, llamp’u chuymanïñamaraki, Diosampi sum apasiñamaraki. Ukhamarakiw Diosatakix wali valorani.

Diosan yatiñanipampiw sum parlasiñama, munasiñampi yatichañama. Suma yatiñan warmjama utasa utämaru sum sayt’ayiñamawa, janiwa p’iqinchirin warmjama utämaru p’akiskiñapäkiti.

Jilata, sapa uru nayrar sartañamawa, Diosax jumanakampïwa, janipuniw pächasiñapäkiti. Alaxpach Tataman yanapt’apampi, kawkir sarirusa mä suma yatichiri warmjamaw sarnaqarakistam. Sapa uruw Diosar thaqim, suma luratanakaparux amtañama. “K’arinakax sallqjañawa, suma uñnaqiripax pisi pacharuw utji; Tatitur manqhan warmix jach’añchäñawa.” (Proverbios 31:30)

¡Munatajjay, jumajj muncañätawa, cayut p'ekecama jiwaquipunïtawa! ¡Jumansti janiw cuna jan walis jicjjatasquiti!

Jumanacan c'achachasiñanacamasti jan patjjataquïcpati ñic'utanaca c'achachasiñanacampi, kori yänacampi, ni wali jila alani isinacampisa, jan ucasti suma chuymanïpjjam, ucaw jan tucusquiri, suma muncañajja, llamp'u chuymani. Dios nayrakatansti ucajj wali asquiwa.

C'ariquiwa suma uñnakani warmejja, jiwaquïñasa inamayaquiwa, ucampis Tatitur ajjsariri warmiwa jach'ar aptatajja.

Jumaw nayarojj irnokasista, taycajjan puracapan utjayasista. Jumaruw yuspagarsma, muspharcañpun nayataquejj lurtajja, ¡ucsti sumpun yatista!

reyejj suma uñnakt'amamp muspharatawa, jupaw uywirimajja, juparojj jaysañamawa.

Ucatwa janipuni nanacajj mayjt'asipcti: Janchinacajjajj sapürusa aynacharus sarjjchi ucasa, ajayunacajjajj sapürutjamaraquiw machakar tucusqui.

Jan amuyt'ani warmejj jiwaquïcchisa, cunjämatï mä qhuchhejj nasapana kori anillompi uchatäcaspa uqhamaquiwa.

Diosaw jiwasanacar luristu, Cristo Jesusampi asqui luräwinac lurañasataqui, jupan nayratpach waquicht'ataparjama.

Ucampis Tatitojj sänwa: “Jan jumajj uñnakapataqui, uqhamarac jach'a tansätapatacsa ajllimti, nayajj ucanacjja maysaruw apanuctjja. Janiw cuntejj jakejj uñcatqui uqhamäcaniti; jakejj uñnakacwa uñjejja, ucampisa nayajj jaken chuymapwa yatiractjja, ucwa uñjaractjja.”

Cunapachatejj Diosajj jake usccäna ucapachajj jupar uñtasitwa uscüna; chacha, warmi,

¡Munatajjay, cunja muncañätasa! ¡Sinti muncañätawa! ¡Nayranacamasti pä palomanacar uñtatjamawa!

¡Munatajjay, cunja muncañätasa! ¡Cunja muncañätasa! Nayranacamajj pä palomar uñtatawa, velo khepajjaru imantata; ñic'utamasti Galaad sat kollu cayuna jipirata cabrito tamanacar uñtatawa.

Leasti wali suma nayranacanïnwa, ucampisa Raquelajj suma uñnakt'ani, jiwa tawakoquïnwa.

Tatitu Diosaman amparapansti, jumajj mä suma reyinacan coronapäyätawa.

Jumaruw yuspagarsma, muspharcañpun nayataquejj lurtajja, ¡ucsti sumpun yatista!

Cunapachatejj Egiptor puripcän ucqhasti Abramajj Sarai warmiparojj aqham sänwa: “Jumajj mä suma uñnakt'an warmïtawa,

Jupajj ch'amañchasiwa, asquin sarnakañampi, ucatsti janiw ajjsarquiti jutir jan walt'añ urunacarojja.

Sión kolluna llact'atanacarojj khella lanti mä corona churañataqui, jachañ lantsti suma k'apquir cusisiñ kollanaca, chuyma cawcst'ata sarnakaña lantsti, yupaychañ k'ochunaca. “Atipt'iri roble kokanaca” sasaw sutichapjjaraquïtam, pachpa Tatitun ayrutanaca c'ajquir cancañapa uñacht'ayañataqui.

Aca orakpachansti janipuniw Job chachan phuchanacapjama wali suma uñnakt'ani warminacajj utjcänti. Awquipasti uca phuchanacaparojj jilanacapampi chicwa take yänaca churjjaraquïna.

“Walja suma warminacaw utjapjje, ucampis jumajj take uca warminacat sipansa juc'amp sumätawa” sasa.

Tatitojj marcaparojj munasiwa, llamp'u chuyman jakenacarojj atipt'ayiwa.

Uca jakesti Nabal satänwa. Caleb chachat jutiriraquïnwa. Khoru jan wali jakeraquïnwa. Ucampisa Abigail warmipajja, wali suma uñnact'ani warmïnwa, wali ch'iqhiraqui.

Munatajjay, muncañ warmi, ¡cunja jiwaquïtasa!

Rebecasti wali suma uñnakt'an tawakönwa, janiraquiw qhiti chachas juparojj llamct'cataynati. Uma phuch'jjaru alt'asisinsti uma wacullapwa phokhantascäna, ucatsti utaparuw cuttawayjjäna,

Take uca tawakonacasti tunca payan phajjsiw k'apquir kollanacampi uchatäna suma jiwaquïñapataqui. Sojjta phajjsi nayrakatajja jupanacajja janchinacapjja mirra sat aceitempiw jawisipjjäna, ucjjaru sojjta phajjsi tucuyansti perfumenacampi, jusk'oñanacampiraquiw warminacan luräwinacaparjama uchasipjjäna. Uqham luraña tucuyatatsti sapa mayni tawakow uñstir sarapjjäna, mayat mayacama Asuero reyin nayräjjapana.

Pobrenacarusa, uqhamarac pist'ayasiñan jicjjatasqui ucanacarusa qhuyapt'ayasipuniraquiwa.

Nayan munatajjasti situwa: “Sartasim, munatajjay; sarañäni.

Chuymamanjja jan munapayamti jiwaquïtap laycojja, ¡janirac uñtatapampis catuntayasimti!

“¿Qhitirac acasti willjta khanjam uñstani, phajjsir uñtatjama wali suma, intjama suma c'ajaraquisti? ¡Suma sarantir jan atipcaya ejercitor uñtata!”

Uywanacataquiw koranac jiltaytajja, jaken yapuchat alinac jilayaractajja, oraket mank'añ apsusiñapataqui, ch'amanchir t'ant'a jicjjatañapataqui, chuymapar cusisiyir vino apsusiñapataqui, ajanupar lliphipiyir aceite jicjjatañapataqui.

Amstanquir thaya, ¡sartasim! Aynach thaya, ¡thayt'aniraquim! ¡Pankar yapojjar thayt'anim k'aphinacapsti take toker k'aphitatayam! Munatajjay, jutam juman pankar yapumaru, ucatsti suma mojjsa frutanacapa mank'asim.

Uqhamasti jilatanaca, Diosan qhuyapayasiñap laycuw achict'apjjsma, jumanacajj Diosarojj jacquir ofrendjamay loktasipjjam, Diosar cusisiyquiri loktata. Ucawa Diosataquejj ajayu token chekpach Diosar sirviñajja. Maynit maynicamaw munasipjjañama jila purjam take chuymampi, suma aytat sarnakañansti purapat suma ajjsartañampi uñjasisa. Ch'amañchasipjjam, janipun jayrasipjjamti, Tatiturusti take chuyma sirvipjjam. Suyt'añanjja cusisitaquïpjjam; t'akhesiñanaca utjipanjja llamp'u chuymanïpjjaraquim. Janirac Diosat oracionan mayisiñjja armasipjjamti. Maynïr iyawsirinaca pist'ayasipanjja yanapt'apjjam. Visitanac jutipansti sumrac catokapjjam. Bendecipjjaraquim qhitinacatejj jumanacarojj t'akhesiyapctam ucanacarojja. Jupanacataquisti bendicionanaca mayipjjam, jan maldecipjjamti. Cusisipjjaraquim qhitinacatejj cusisitäqui ucanacampejja, jachapjjaraquim jachirinacampejja. Jumanac taypinjja mä amtaniqui jacasipjjam. Janiraqui jach'a jach'a tucupjjamti, jan ucasti alt'at chuymani tucupjjam. Janiraqui wali yatiñanjamas tucupjjaraquimti. Janiraqui ñankhat ñankha cutt'ayapjjamti; cunatejj asquïqui ucrac take jakenacan nayrakatapanjj lurapjjam. Cawquicamatejj jumanacan ch'amanacamajj utjqui, ucacamajj takenimpis sumancapjjam. Munat jilatanaca, jumanac purajj jan uqhamat uqham lurjasipjjamti, jan ucasti Diosar jaytapjjam, jupawa mutuyascani. Kellkatanjja siwa: “Nayaruw wact'itu mutuyascañajja, nayaraquiw phokhascäjja, siw Tatitojja.” Janiy jumanacajj acapacha saräwinacarjamajja jacjjapjjamti, jan ucasti amtañanacamanjja machakat amtasjjapjjam, uqhamat jumanacan jacañanacamajj sumäjjañapataqui. Uqhamatwa jumanacajj Diosan munañapjja yatipjjäta, cunatejj asquïqui, cunatejj Diosarojj cusisiyqui, k'omäcaraqui ucanacsa.

Yatiñan warmejj utapjja sumwa uñjasi, ucampis jan amuyt'an warmejja pachpa amparapampiwa utaparojj tucji.

Tatitut mä mayisiñajjaquiw utji, ucaquirac thakä: jacañ urunacajjan utapan utjasiña; utapan jupar yupaychañataqui, khapak cancañap uñjasin cusisiñataqui.

Take warminacat sipansa sinti suma warmi, janitejj jumajj yatcsta ucqhajja, tamanacan saräwipa arctam; ucatsti cabritonacam awatim, awatirinacan chhujllanacap jac'ana.

Alajjpach yänacat lup'ipjjam, jan acapach yänacatjja.

¡Reyin phuchapa, cunja sumasa juman cayunacamajj wisqhumanjja! Jiqhaniman muytapasti suma korita lurat c'achachatjamawa suma yatirin amparapampi lurt'atjama.

Arunacamajj sarnakäwejjatac khanawa, thaquejjan khantiriraquiwa.

Ch'amamjja warminacaru jan tucjasimti; warminacampi sarnakañawa reyinacarojj tucji.

aytat cancañampi, lliphipquir khanampiw nayrakatapanqui, ch'amampi, muspharcay cancañampiw kollan utapanqui.

Ucampis warmitaquejj mä honorawa jach'a ñic'utanïñajja, uca jach'a ñic'utasti p'eke imjjatasiñataqui churataraquiwa.

Diosasti horasaparuwa take cunsa suma luri; uqhamaraquiw jupajj jaken chuymaparu amuyt'ayi cunatï wiñayäqui uca, janisay jakejj takpacha amuyt'cpan Diosan luratanacapa, uqhamaraqui cuntï lurcani ucanacata.

Uqhamaraqui jumanacan khanamajj jakenacataquejj khant'aracpan. Uqham suma wali luräwinacam uñjasa jumanacan Dios Awquimaru yupaychapjjañapataqui.

Acajjay, reyin phuchapajj wali c'achachataw mantani, isipas korimp c'achachatawa; reyin ucarojj muspharcay isthapitpun irpapjje; khepap nayrap sarir tawakonac taypina.

Uqhamaraqui jumanacajj warminaca, chachanacamar ist'asa sarnakapjjam, uqhamata inas cawquïri chachas Tatitur jan iyawscchi ucajj jumanacan sarnakäwinacam toke Tatitutaqui jicjjatatäñapataqui jan cuna arumpisa, Ucatpï: “Qhititejj jacañapar muni, ucatsti suma urunacan sarnakasiñ munaraqui ucajja, jan walinac parlañatjja amuyasiñapawa lacapajj c'arinac janiw parlañapäquiti; Jan wali lurañatjja jithektasjjañapawa, asquinac lurañapawa. Suman sarnakasiñ thakañapawa, uc arcañaparaquiwa. Tatitusti asqui jakenacarojj imiwa, mayisitanacapsa ist'araquiwa, ucampis jan wali lurir jakenacarojj janiw ist'quiti.” ¿Qhitirac jumanacarusti jan walinac lurapjjeristamsti, jumanacatejj asqui lurañanacan sarnakasipcsta ucqhasti? Ucampis cheka luratanacam laycutejj t'akhesipjjstajja, cusisiñanïpjjtawa. Jan qhitirus ajjsarapjjamti, ni sustjasipjjaraquimsa. Jan ucasti Tatitur jach'achapjjam chuymanacamanjja. Ucatsti waquicht'atäpjjaraquim qhitinacatejj jumanacaru suyt'añanacamjjat jisct'apcätam ucanacar sañataquejja ucampis sapjjam suma chuymampi. Chuymanacaman samaratäñataquejja sum sarnakapjjam, uqhamata jumanacan Cristor iyawsapjjatam laycu, uqhamarac asqui luräwinacamat jan wali parlir jakenacajj jan wali parlatanacapatjja jupanacpacha p'enkasipjjañapataqui. Juc'amp sumaw asqui lurasin t'akhesiñajja, Diosatejj munchi ucajja, ñankha luräwinac toke t'akhesiñat sipansa. Cristo quipcaraquiw juchanacas laycojj jiwäwipanjja t'akhesiwayejja jan mayampitaqui. Jupajj asqui jakënwa, ucampis jiwasan jan walïtas laycuw t'akhesiwayi, jiwasar Diosar irpañataqui. Janchinaqui jiwatänjja ucampis ajayupanjja jactanjjewa. Ajayunaracwa saränjja, catuntatäpquis uca ajayunacar Diosan arunacap parliri. jan ucasti jumanacan suma sarnakatam uñjasaqui.

Asqui lurir warmejj chachaparojj jach'aruw apti, ucampis jan wali warmejja chachaparojj jisc'achayiwa.

Munat cullaquitajjay, chuymwa lunthatistajja, mä cuti uñtatampiquiwa; cuncamancquis uca collaraman perlapampiw chuymajj lunthatista.

Jupajj yatiñampiwa parli, ucatsti munasiñampiw yaticharaqui.

“Karkanacar imantasiri nayan palomajja, alto cheka jamasanacaruw imantastajja, ajanum uñjayita, arumsa ist'ayaraquita. ¡Jumar uñjañajj sumawa! ¡Jumar isch'uquiñasti wali mojjsawa!” sasa.

¡Nayarojj chuymamar kellkantasita, uqhamarac amparamar kellkantasita! Munasiñasti jiwañar uñtata jan p'acjcayawa; jumar munañasti jiwañar uñtata jan camachcayawa. ¡Munasiñasti ninar uñtatawa akaraqui, ucasti kollana ninawa!

Takpach chuymajjampiw Tatitur jach'añchä, ¡Tatitojjay, Diosajjay, jach'a ch'amanipunïtawa! C'ajquir khapak cancañampiw isthapistajja, Jumaw uma jalsunacat jawiranac utjaytajja, kollu taypinjam jalañapataqui; uca jawiranacat pampanquir animalanacajj umapjje, ch'uminquir asnonacas umat pharjatajj umt'apjjaraqui. Jawir jac'anacan jamach'inacajj jacasipjje, layminac taypin chhiwekepjjaraqui. Jumaw alajjpachatpach kollunacarojj karpantajja, alajjpach umampiw orakerojj sisantaytajja. Uywanacataquiw koranac jiltaytajja, jaken yapuchat alinac jilayaractajja, oraket mank'añ apsusiñapataqui, ch'amanchir t'ant'a jicjjatañapataqui, chuymapar cusisiyir vino apsusiñapataqui, ajanupar lliphipiyir aceite jicjjatañapataqui. Kokanacajj umat pharjatap apakasipjje, Tatitun ayrut Líbano orakenquir cedro kokanacasti ucat umt'apjjaraqui. Uca kokanacanjja, jisc'a jamach'inacamppachaw tapachasipjje, cigüeña jamach'inacasti ucan jacasipjjaraqui. Karkanacajj cabranacatac uchatawa, mic'ay kollunacasti añathuyanacan imantasiñapawa. Phajjsirojj pachanac jaqhuñapataquiw uchtajja, intejj jalantañap uñt'asiwa. khana isimpiw llawuntastajja. Alajjpacharojj isir uñtat janatattajja.

Korajj wañsuwayjjaquiwa, pankaras ancuntawayjjaquiraquiwa; ucampis Diosan arunacapasti wiñayataquipuniw jacaraquini.”

Jumasti munatajjay, sinti muncaña wali jiwaquïtawa, Tirsa, uqhamarac Jerusalén marcanacjama; sarantasquir ejercitor uñtat jan atipcayätawa.

Cunjämatejj cuerposajj take cunanïqui uqhamar uñtataraquiw Cristojja. Uca take cunanacasti waljäcchi ucasa, mä sapa cuerporu tucutaquiwa.

Tatay chuymajjajj janiw inampst'irïquiti, janiraquiw nayranacajjas jach'a jach'a tucurïquiti, janiw muspharcañ jach'a yänacan khepap sarcti, ucanacan jan nayatacjamätap laycu. Ucatsipana amuquïsctwa, janiw llaquisiñajjajj utjquiti, taycapan amparapanquir jichha ñuñokayat wawjama. ¡Jichha ñuñokayat wawjamätwa!

Thokoñanacamp sutiparojj jach'añchapjjam, arpanacampi, chhulluchhullunacamp k'ochupjjam.

Jakerojj angelanacat mä juc'a sullcac lurtajja, aytat cancañampi, jake cancañampiw juparojj pillunttajja;

Yatiñ cancañajj perlanacata sipansa juc'amp jila alaniwa, ¡janiw wali munatäqui ucanacampisa chicachayat uñjascaspati!

Nayan munatajjajj jank'o khosiwa, walja jakenac taypinsa wali uñt'cañawa.

“Nayar munasitap laycusti, juparojj khespiyäwa, nayar uñt'atap laycusti, juparojj imaraquïwa.

Ucjjarojj, jilatanaca, lup'ipjjam cunatejj chekäqui, cunatejj maynïr asqui uñjañäqui, cunatejj wali sumäqui, cunatejj k'omäqui, cunatejj muncañäqui, cunatejj aytat luräwinacäqui. Lup'ipjjam, take cunatejj sumäqui yupaychañataquïqui ucanacata.

Nayajj Tatituruw munasta, mayisitajjar ist'atap laycu;

Jacobosti Raquelarojj warmipataquiw wal munäna, ucatsti Labanarojj sänwa: —Raquel, sullca phucham laycu, pakallko maraw irnakarapïma —sasa.

Cunjämatejj jakejj umar uñjjatasina ajanupa uñjasquejja, uqhamaraquiw jakenacajja chuymanacapjja uñt'asipjjaraqui.

“¿Cunatsa jumanacajj isinacamat wal llaquisipjjtajja? Uñjapjjam cunjämtï pampan pankaranacajj jilasqui uca, jupanacajj janiw kapupquisa ni cuns lurapcaraquiti. Nayasti sapjjsmawa, janiw rey Salomonas uca pankaranacjamajj sum isthapiscänti take utjirinïtap laycusa.

Jumajj nayanctawa, suma munasitajja, jumajj nayataquejj Faraonan carropanquir suma caballopjamätawa.

Cuncamasti Davidan torrepjamawa, nuwasiñataqui uta luratjama; uca utatsti waranka jarc'akasiña escudonacaw warcoktani, take ucanacasti jan ajjsarir chachanacan escudopcamaquiwa.

Esposa jicjjatañajj suma asqui jicjjatañawa; Diosan bendicionap catokañaraquiwa.

Ucampis Diosajj munasiñapwa uñacht'ayistu, cunapachatejj jiwasanacajj juchanïscäyätan ucapachaw Cristojj jiwasanac laycu jiwawayi.

Ucatsti wali alwata sartasisinaracwa wawanacaparojj mank'a churi, uqhamarac uywatanacaparusa.

Cuncamasti marfilat lurat torrjamawa, nayranacamasti Hesbón sat marcanquir pä uma estanquenacjamawa, Bat-rabim puncu jac'ana; nasamasti Líbano kollunquir torrer uñtatawa, Damasco marcar uñjjatata.

“¡Tatituncjjasinjja cunjsa cusistjja! Diosajjancatajjatsti cusisiñan phokt'atätwa nayar khespiyatap laycu, atipjañsa churatap laycuraqui. Cunjämatejj mä casarasir waynajj coronap uchasejj uqhamätwa, jan ucajj cunjämatejj mä casarasir tawakojj c'achacht'asejj uqhamätwa.

Uqhamasti jan ajjsarapjjamti, jumanacajj uca jisc'a jamach'inacat sipanjja wali jila alanïpjjtawa.

¡Kori aretenaca lurarapipjjäma kollkenacampi c'achachata!

Jumat yanap maycäm ucapachajja, nayamp timasirinacajj jayar jaltjjapjjpan, uqhämat nayan Diosajjätam yatï.

Uqhamaraquiw mä casada warmimpi mä soltera tawakompejja janiw quipcäquiti. Solterajj Tatitun yänacapatwa llaquisi, uqhamarac Diosar catuyatäñata, janchipansa almapansa. Mä casadasti acapach yänacatwa llaquisi chachapar sum sirviñataraqui.

chhekhanacapampiw imjjatätam, chhekhanacap mankhäjjan imantasïta. Amparapajj jarc'acasiñar uñtataw imätam.

Jerusalenanquir warminaca, nayaw achict'asipjjsma: jan munatajjarojj sartayapjjamti, ¡jan ucasti ict'ascpan cunapachcamatejj munqui ucqhacama!

kollan templopan Tatitur yupaychapjjam, takpach jakepun nayrakatapan qhathatpan.

Take cunat sipansa nayrakatajj, yatiñ cancaña, suma sarnakaña jicjjatam.

Josean take cunanacap uñj-jjepansti, Potifarajj janiw cunatsa llaquiscjjänti, ni mank'añapatsa. Joseasti mä suma waynänwa, uñcatatas wali suma waynapunïnwa,

Uqhamäquïpanwa Jesusajj jupanacarojj uñstaraquïna, ucatsti aruntaraquïnwa. Jupanacasti cayunacapar khomantasinwa Jesusataquejj quillt'asipjjäna.

Asqui cancañarojj munastawa, ñankharusti uñistawa: ucat Diosamajj jumar ajllistam, masinacam taypin cusisiñampiw phokhanttam.

Janiy jumanacajj acapacha saräwinacarjamajja jacjjapjjamti, jan ucasti amtañanacamanjja machakat amtasjjapjjam, uqhamat jumanacan jacañanacamajj sumäjjañapataqui. Uqhamatwa jumanacajj Diosan munañapjja yatipjjäta, cunatejj asquïqui, cunatejj Diosarojj cusisiyqui, k'omäcaraqui ucanacsa.

parlatapasti mojjsa arunacawa. ¡Jupasti sinti muncañawa! Jerusalenanquir warminaca, uqhamaw nayan munatajjajja, uqhamaw nayan munirejjajja.

Higo kokas achunëjjaraquiwa, uva yapunacas sumaraquiw k'aphipjjaraqui. “Munatajjay, sartasjjam; munatajja, sarañäni.

Pakallko mara phokhasjjepansti, Jacobojj Labanarojj sänwa: —Jichhajj phucham churjjeta casarasjjañataqui, kawkha mara irnakañtejj arscta ucasti phokhasjjewa —sasa.

Munatajjasti nayataquejj utjir alheña sat pankarjamawa, En-gadi sat uva yapunacana.

Pä ñuñunacamasti taruja animalanacar uñtatjamawa, pä ispa taruja kallunacjamaw lirio pankaranac taypin mank'asqui.

Ucampis jiwasanacajj alajjpachanquir jakenacäpjjtanwa, Khespiyiri Cristo Tatitun alajjpachat jutañapwa suyasipcaractanjja.

Sipit uchatanacat waysuta, jumaquïtaw nayan arjjatirejjajja.

Qhititejj jisc'achätaqui loktirinacanïqui uca jakejj juc'amp aytatawa, qhititejj jach'ar aptata jan mank'at kheparqui uca jaket sipansa.

¡Jan juc'ampi uñch'ucjjestati, uñch'uquitamasti nayarojj chuyma lunthatitu! Ñic'utamasti Galaad sat kollu cayuna jipirata cabrito tamanacar uñtatawa.

Tatituw muni jupan sirviripajj mä machak alir uñtata jilañapa, waña orakeruraqui saphinacapjja saphintañapa. Janiw jupajj sumäcänti, janiraquiw c'ajcänsa, uñnakapasti janiw munañjamäcänti,

Chachanacasti warminacamampejj suma chuymanïpjjaraquim. Jumanacasti jach'aru aptapjjam, cunjämarutejj waquisqui uqhamaru, janiw warmin pisi ch'amätap laycuquiti, jan ucasti Diosajj munasiñapanjja mayacwa jacañjj churapjjtam uca laycu. Uqham lurapjjam Diosat mayisitanacamajj ist'atäñapataqui.

jach'a jach'a tucur gallo, orko cabrito, uqhamarac ejercitopan nayrakatapa sarir reyi.

Diosaw khant'ayistu, imaraquistu; jupaw qhuyapayasiñampi, aytat cancañamp churi. Jan camscay asqui jaquir jakenacarojj, Tatitojj munasiwa, jach'aruw apti, asquinacap churaraqui.

Ch'ijinacar purjjatir jalljamäpan, oraker jasaptayir jallur uñtatäpan. Asqui cancañajj urunacapan pankarpan, sumancañasti phajjsin tucusiñapcam utjpan.

Llaquit jaker Tatitun chekapar uñjatap yatta, t'akhesiyat jaker arjjatatap yatiracta.

Kharürutjja jan jach'a jach'a tuccamti; janiw yatctati kharürojj cunatejj pascani ucjja.

Ucampis jumanacatjja take ñic'utanacamasa mayat mayat suma jact'atawa.

Chachapajj juparojj takpach chuymaw catuyasi; jupasti janipuniw cunapachas pist'añanacan sarnakquiti. Jupasti chachaparojj yanapiwa suma asquinac lurasa, take jacäwipa urunacana.

Munatajjay, Líbano kollut nayamp chica sarakanim, nayamp chica Líbano kollut sarakanim. Amana sat kollutpacha vallenac uñatatam, Senir sata, uqhamarac Hermón sat kollutpacha uñatatam; uqhamarac leonanacan putunacapatpacha, leopardo sat animalanacapan kollunacapatpacha uñatatam.

Uqhamasti, jumanacajj purapat catokasipjjam cunjämtejj Cristojj jiwasanacar catokquistu Diosan gloriapataqui uqhama.

Acapachan korinacata sipana, uqhamarac suma yänacat sipansa, juc'amp asquiwa qhititejj yatiñampi parlqui ucajja.

Tatiturojj suma chuymamp munasim, jupasti chuyma mankheman mayisitamarjamaw churätam.

Cururumasti morok'o copar uñtatjamawa, ucansti suma vinojj utjapuniwa; puracamasti mä montón trigor uñtatjamawa rosa pankaranacampi muyuquipayata.

Tatitur jach'añchapjjam, jupajj munasiriwa; sutipar k'ochupjjam, jupajj qhuyapayasiriwa.

Ucatsti Isaacajj Rebecarojj, Sara taycapan carpaparuw irpasjjäna, ucatsti jupampiw casarasiraquïna. Isaacasti walpun Rebecarojj munasïna, uqhamataracwa taycapan jiwatapatjja chuymachasïna.

¡Cunja sumas juman munasiñamajj, cullaquita, nayan munatajja! ¡Munasiñamasti vinot sipansa juc'ampi mojjsawa, uqhamarac perfume sat suma k'aphi kollanacamasti wali sumawa yakha suma k'apquiri kollanacat sipansa!

Nayajj amparajjan kellkt'atpuni irpsma, perkanacamatsti amtasipuntwa.

Niyaquitejj Diosajj ucqha suma uca pankaranacarojj isthapiychejja jichhürojj pampancasqui ucat kharürusti ninaru phichhantatäñataquiqui ¡cunja juc'ampinacsa Diosajj jumanacataquejj luranejja, pisi iyawsañan jakenaca!

“Nayar munasitap laycusti, juparojj khespiyäwa, nayar uñt'atap laycusti, juparojj imaraquïwa. Nayar art'asitan ucapachajja, mayisitaparojj jaysäwa. Jupamp chicaw t'akhesiñancä, llaquisiñat irpsü, jach'aruw aptä;

Diosaw nayrakat jiwasanacar munistu, ucatwa jiwasajj juparojj munaractanjja.

Nayan munatajjajj puncu p'iyatwa amparap lokantani. ¡Nayarusti ucajj walpun chuymajj ch'alljjtayitu!

Cunapachatejj Abramajj Egiptor purjjän ucapachajja Egiptonquir jakenacajj Sarai warmirojj wali suma uñnakt'ani warmïtapwa uñjapjjäna. Egipto marcan reyipa faraonan yanapirinacapasti Sarai warmin suma uñnakt'anïtapjja uñjapjjaraquïnwa, ucatsti uca warmin wali suma uñnakt'anïtap yatiyiriw sarapjjäna. Ucatsti faraonan palacioparuw irpapjjaraquïna.

ch'amanchir t'ant'a jicjjatañapataqui, chuymapar cusisiyir vino apsusiñapataqui, ajanupar lliphipiyir aceite jicjjatañapataqui.

Diosan reinopajj janiw mank'añäquis ni umañäquisa, jan ucasti cheka sarnakaña, cusisiña, sumancaña Kollan Ajayu toke ucawa.

¿Janit jumast alajjpachan nayatac utjctasti? Jumamp chic utjasajj janiw cuns aca oraken muncti. Chuymajjasa, janchejjas tucusisquiwa, ucampis Diosaw wiñay catokäwejjajja, jupaw chuymajjarojj catjjäsisqui.

Khepäjjat uñisisir jakenacarojj uñistwa, arunacamarusti munastwa.

Nayranacamajj lurat janchejj uñjäna; ucanacasti takpachaw kellkatamar kellkantasïna. Jacañ urunacajjajj suma jaqhutänwa, nayrïr uru janïr purinquipana.

Nayan munatajjajj mä tarujar uñtatawa, jisc'a tarujar uñtatjama. ¡Acancjjewa, puncu khepäjjana, ventanaruw maqhatani, reja taypitwa uñakasinqui!

Tatituncasajj cusisitäpjjapunim take urunacana. Wasitat sapjjsma, cusisipjjam.

Llaquejj jakerojj mayjt'ayiwa; suma arusti cusisiyiwa.

Janiraquiw ucaquïquiti, jan ucasti t'akhesiñansa cusisiractanwa, uqhamatwa yatiractanjja t'akhesiñajj llamp'u chuymanïña yatichatapa. Uqham llamp'u chuymanïñasti mä sumaruw jiwasarojj mistuyistu, uqham sumar mistuyatäsinsti suyt'añaw utjistu. Uca suyt'äwinsti janiw cuna mayjt'añas utjquiti, Diosasti jiwasan chuymanacasarojj munasiñapwa phokhantistu Kollan Ajayu churquist uca toke.

Lacamasti wali sumaraquiwa wila hilor uñtatjama, parlatamasti wali muncañaraquiwa. Ajanumasti granada fruta k'alljatjamaraquiwa, velo khepäjjana imantata.

inti jalsu tokerutejj thoktawayirista, jan ucajj lamar kota tucuscamas mantiristjja,

“Wawajjay, ist'am awquimana yatichäwinacapa, janiquiy taycaman yatichäwinacapjja jisc'achamti. Uca yatichäwinacasti jumataquejj mä suma c'achachäwïniwa, mä suma collarar uñtataraqui.

nayranacajjay jist'arita, muspharcañ arunacam uñjjatañataqui;

Arumanacajj iquiñajjanjja nayan munasitajjaruw thakta. Juparusti thaktwa, ucampis janiw jicjjatcti.

“Cusisiñanïpjjew k'oma chuymaninacajja, jupanacaraquiw Diosarojj uñjapjjani.

Ucampis Kollan Ajayun luräwipajja acanacawa: munasiña, cusisiña, samaraña, llamp'u chuymanïña, takempis sumancaña, qhuyapayasirïña, take cunansa phokherïña,

Qhitintejj munasiñajj utjqui ucajj llamp'u chuymaniwa, suma jakewa, janiw envidiasirïquiti, janiw jach'a jach'a tucurïquiti. Janiw cuna jan walsa lurquiti, janiraquiw cunsa jupataquiqui munirïquiti, janiw colerasquiti, janiraquiw colerasitapsa imjjäsisquiti.

¿Cun sañänisa take acanacarojja? Diosatejj jiwasampïchejja, ¿qhitirac jiwas conträspasti?

Mä amigojj take horasan munasiripuniwa; llaquisiñansti mä jiljamaw chuymachasi.

Jupaw karitarojj ch'am churi, pisi ch'ama jakerusti ch'am yapt'araqui.

¡Take ch'aman Diosay, kollan utjäwimajj muncayawa! Mä uruquis utaman kamañajj juc'amp sumawa, warank urunac ankancañat sipana. Nayajj Diosan templopancañ munta, ñankha lurañ chekawjan jacañat sipana. Diosaw khant'ayistu, imaraquistu; jupaw qhuyapayasiñampi, aytat cancañamp churi. Jan camscay asqui jaquir jakenacarojj, Tatitojj munasiwa, jach'aruw apti, asquinacap churaraqui. ¡Take ch'aman Diosay, jumar alcatir jakenacajj cusisiñaniwa! Takpach almajjampiw temploman uyupancañ munta, takpach chuymajjampiw jacquir Diosar cusisit k'ochta.

Munat cullaquitajjay, jumajj mä suma imat yapjamätawa, mä suma uma jalsjamaraquïtawa;

Jan sirviritjja jan wali arunaca parlamti patronapa nayrakatanjja, jupasti ñankhachiristamwa, ucatsti jumajj mutuñ catokasma.

Janipuniw arunacamat armascäti, arunacamampiw nayarojj jacayista.

Payïri camachisti ucar uñtataraquiwa: “Jake masimarusti juma quipcarjam munaraquim.”

P'ekemasti, Carmelo kollur uñtatawa; ñic'utamasti wila telar uñtatjamawa; ¡uca c'ananacapansti mä reyiw catuntatäsqui!

Take cuna imatäqui ucat sipansa chuymam imam, jacañamasti uca chuymamatwa juti.

Qhuyapayasiñan asqui jakejj, ch'amacan khantir khanjamaw c'ajti.

Uqhamasti Cristotejj ch'amañchapjjstam, jupan munasiñaparaqui chuymachapjjstam, Ajayuparaqui jumanacampïchi, jupan munasiñapsa qhuyapayasiñapsa uñt'apjjsta ucqhajja, Uqhamat Jesusan sutip ist'asinjja take jaquir jakenacasa, acapachansa, alajjpachansa, mankhapachansa, quillt'asipjjañapataqui, ucat takeni arsuñapataqui Jesucristojj Tatitütapa, Dios Awquejj jach'achatäñapataqui. Ucatpï, munat jilatanaca, cunjämtï jumanacajj ist'apjjapunistajja cunapachatejj jumanacampïcäyät ucqhajja, jichhasti juc'ampi ist'apjjeta jayancatajj laycu. Jumanacan quipca khespiyasiñanacamatsti, alt'at chuymampi ajjsarañampirac phokhapjjam. Diosaw suma amtäwinac churapjjtam, jupa pachparaquiw yanapasipctamjja uca lurañanac phokhañanjja jupan munañaparjama. Take cunsa amuc lurapjjam jan jumanac pura ch'ajjwasa, uqhamat jan qhitis cunatsa jumanacar juchañchañapataqui, jan ucasti Diosan wawanacapjama jan cuna k'añuni jan wali jakenac taypins jicjjatasipjjañamataqui. Jumanacasti jupanac taypinjja c'ajapjjapunim cunjämatejj mä warawarajj ch'amac taypin c'ajqui uqhama, jacañ arunac jupanacaru yatiyasa. Uqhamata cunapachatejj Cristojj jutcani ucqhajj, jumanacat uqham ist'asinjja cusisiñajjataqui, jan inamay jalatajja, inamaya ch'am tucutajjsa yatisina. Nayan quipca jacañajjas sacrificatäcchinejja, cawquïr catuyäwtï iyawsapjjatam laycu Diosaru loktapctas uca phokhañataqui ucajja, nayajj cusistwa, jumanacampi chicaraquiw cusisiractjja. Cusisipjjaraquimay jumanacajja nayan cusisiñajjansa. Tatitun munañapächi ucqhajja, suyasctwa jumanacar uñjiri janc'aqui Timoteor qhitaniña, ucat jumanacat yatisina cusisiñajjataqui. cusisiyapjjapunita uqham mä wawaqui suma jacasipjjatamampejja, mä munasiñan mayachataquiraqui uca quipca ajayuniquiraqui, mä sapa amtäwiniquiraqui.

Tatitojj jach'añchatäpan, jupajj llaquisiñ urunacajjanjja, munasiñapampiw muspharcañanac lurarapitu.

Maynit maynicamaw munasipjjañama jila purjam take chuymampi, suma aytat sarnakañansti purapat suma ajjsartañampi uñjasisa.

Qhitinacatejj Cristoncjjapjje ucanacajja, janchin munañanacapjja ch'accatjjapjjewa ñankha amtañanacampi, uqhamarac munañanacapamp chica.

Nayan munatajjajj pankar yapuparuw sarjje, suma k'aphichat pankar yapuparu, tamapa awatisiri, lirio pankaranaca apthapiriraqui.

Tatitojj takenir munasiriwa, takpach luratanacaparojj munasiñampiw uñji.

Diosar mayisiña