UNehemiya 10:37 - IsiZulu 2020

³⁷ Siyoletha futhi kumphristi emagunjini endlu kaNkulunkulu wethu, inhlama eyenziwe ngokusanhlamvu kwesivuno sokuqala, nezithelo zayo yonke imithi, iwayini elisha namafutha amasha. Siyoletha futhi kubaLevi okweshumi komhlabathi wethu, ngokuba ngabaLevi abaqoqa okweshumi emizini yonke.

IBHAYIBHELI ELINGCWELE

³⁷ silethe ulibo lomgqakazo wethu, neminikelo yethu yokuphakanyiswa, nezithelo zemithi yezinhlobo zonke, newayini namafutha kubapristi emakamelweni endlu kaNkulunkulu wethu, nokweshumi komhlabathi wethu kumaLevi, ngokuba wona amaLevi amukela okweshumi emizini yonke esilima kuyo.

Contemporary Zulu Bible 2024

³⁷ Futhi kumelwe silethe ulibo lwenhlama yethu neminikelo yethu nezithelo zazo zonke izinhlobo zemithi, iwayini namafutha kubapristi emakamelweni endlu kaNkulunkulu wethu; nokweshumi kwezwe lethu kumaLevi, ukuze wona amaLevi athole okweshumi emizini yonke esilinywayo.

UNehemiya 10:37 Jak'a apnaqawi uñst'ayäwi

2 iziKronike 31:6

Abantu bakwa-Israyeli nabakwaJuda ababehlala emizini yakwaJuda, baletha nabo okweshumi kwezinkabi nezimvu, nokweshumi kwezinto ezingcwele ezazingcweliselwe uSimakade uNkulunkulu wabo, bakubeka kwaba yizinqwaba ngezinqwaba.

UNehemiya 13:10

Ngabuye ngezwa nokuthi abanye abaLevi nabaculi ababesebenza ethempelini sebehambile bayosebenza emasimini abo, ngoba abantu base beyekile ukuba babanike isabelo sabo.

UNehemiya 13:12

Bonke abantu bakwaJuda base beqala futhi ukunikela okweshumi kokusanhlamvu, iwayini elisha namafutha amasha, kwafakwa ezinqolobaneni.

UNehemiya 13:5

walungisela uThobiya igumbi elikhulu lapho kwakubekwa khona umnikelo wokusanhlamvu, impepho, izitsha, okweshumi kokusanhlamvu, iwayini, amafutha, okwakunikwe ngokomthetho abaLevi, abaculi, abalindisango neminikelo yabaphristi.

UNehemiya 13:9

Ngase ngiyala abaphristi ukuba bahlanze lezo zindlu, babuyisele izitsha zasendlini, neminikelo yokusanhlamvu nempepho.

UEksodusi 13:12

uyonikela ngawo wonke amazibulo kuSimakade, wonke amazibulo, amazibulo ezinkomo, nawo wonke amaduna ngakaSimakade.

UEksodusi 13:2

“Ngihlukanisele wonke amazibulo; noma yiliphi izibulo elivule isibeletho kwabakwa-Israyeli, kubantu nezilwane, ngokuba lingelami.”

ULevitikusi 23:17

Niyoletha okuvela ezindlini zenu kube yizinkwa ezimbili zomnikelo wokuzungeziswa, okubili eshumini kwempuphu ecolisekileyo, ziyoba nemvubelo, bese ziphekwa, zibe lulibo lokuqala kuSimakade.

UMalaki 3:10

Lethani konke okweshumi endlini yengcebo, ukuze kube nokudla endlini yami, ake ningivivinye ngalokhu, ukuthi ngeke yini nginivulele amafasitela asezulwini, nginithululele isibusiso kuze kungabi bikho ndawo eyanele,” kusho uSimakade Wamabandla.

UMalaki 3:8

“Umuntu angamqola yini uNkulunkulu na? Nokho niyangiqola. “Bese nibuza nithi: ‘Sikuqole kanjani na?’ “Ngokweshumi nangeminikelo.

UNumeri 18:15

Amazibulo wonke ezintweni eziphilayo, abayonikela ngawo kuSimakade: kungaba ngawabantu noma ngawezilwane, kuyoba ngokwakho. Nokho izibulo lomuntu uyolihlenga, nezibulo lesilwane esingcolileyo.

UNumeri 18:18

Inyama yalo iyoba ngeyakho: isifuba sokuzungeziswa nomlenze wangakwesokunene kuyoba ngokwakho.

UNumeri 18:21

“Abozalo lukaLevi ngibanike okweshumi kwa-Israyeli ukuba kube yifa labo; ngomsebenzi abawenzayo ethendeni lokuhlangana.

KwabaseRoma 11:16

Uma ulibo lungcwele, nenhlama injalo; uma impande ingcwele, anjalo namagatsha.

UDuteronomi 14:22

“Uyonikela okweshumi kwezithelo zonke zembewu yakho, ezivela ensimini unyaka nonyaka.

UDuteronomi 18:4

Uyomnika futhi ulibo lokusanhlamvu kwakho, olwewayini lakho, olwamafutha akho amasha, nezandulela zoboya bezimvu zakho.

UDuteronomi 26:2

Uyothatha ulibo lwezithelo zonke zomhlabathi oyoluvuna ezweni uSimakade uNkulunkulu wakho akunika lona, ulufake eqomeni, uye endaweni uSimakade uNkulunkulu wakho ayoyikhetha ukuba igama lakhe lihlale kuyo.