UJeremiya 10:25 - IsiZulu 2020

²⁵ Thululela ulaka lwakho phezu kwabezizwe abangakwaziyo, naphezu kwemindeni engalibizi igama lakho, ngokuba bamdlile uJakobe; yebo, bamdlile bamqeda nya, balenza incithakalo ikhaya lakhe.

IBHAYIBHELI ELINGCWELE

²⁵ Thulula ukufutheka kwakho phezu kwabezizwe abangakwaziyo naphezu kwemindeni engalibizi igama lakho, ngokuba bamdlile uJakobe; yebo, bamdlile bamqeda, balichitha ikhaya lakhe.

Contemporary Zulu Bible 2024

²⁵ Thela ukufutheka kwakho phezu kwezizwe ongazaziyo, nasezizukulwaneni ezingalibizi igama lakho; ngokuba bamdlile uJakobe, bamshwabadela, bamshwabadela, benza ikhaya lakhe laba yihlane.

UJeremiya 10:25 Jak'a apnaqawi uñst'ayäwi

UJobe 18:21

Impela lezi yizindlu zowenza okubi, impela lena yindawo yongamazi uNkulunkulu.”

AmaHubo 14:4

Abaqondi lutho bonke abenza okubi, abadla abantu bami sengathi badla isinkwa, bengakhuleki kuSimakade.

AmaHubo 147:20

Asikho isizwe ake wenza kanjalo kuso, azizazi izehlulelo zakhe. Haleluya!

AmaHubo 27:2

Lapho abenzi bokubi besondela kimi ukuba bangisoconge, abamelene nami nezitha zami bayokhubeka, baqumbeke phansi.

AmaHubo 69:24

Ukunengwa kwakho kuthele phezu kwabo, intukuthelo yakho evuthayo ibafice.

U-Isaya 43:22

“Nokho wena Jakobe, awuzange ungibize; nawe Israyeli, udiniwe yimi.

U-Isaya 64:7

Akukho namunye obiza iGama lakho, nozama ukubambelela kuwe, ngokuba ubusithibezile ubuso bakho kithi, wasiqeda ngenxa yobubi bethu.

U-Isaya 9:12

ama-Aramu ngasempumalanga, namaFilisti ngasentshonalanga, bamsobozela u-Israyeli ngemilomo yabo. Phezu kwakho konke lokho, ulaka lukaSimakade alukabohli, isandla sakhe sisashaya.

UJeremiya 11:1

Izwi elafika kuJeremiya livela kuSimakade, lithi:

UJeremiya 30:16

“ ‘Ngalokho bonke abakudlayo nabo bayakudliwa, zonke izitha zakho ngothi lwazo ziyakuthunjwa, nalabo abakuphangayo bayakuphangwa, nabo bonke abakuqhwagayo ngiyakubenza impango.

UJeremiya 50:17

“U-Israyeli ungumhlambi ohlakazekile; izingonyama zimxoshile. Eyokuqala emudlile, yinkosi yase-Asiriya, eyokugcina eqhoboze amathambo akhe, yinkosi yaseBhabhele.”

UJeremiya 50:7

Bonke ababafumanayo babashwabadela; abamelene nabo bathi: ‘Asinacala, ngokuba yibo abonile kuSimakade; ikhaya labo lokulunga, uSimakade, ithemba lokhokho babo.’

UJeremiya 8:16

Ukuthimula kwamahhashi akhe kuzwakele kwaDani; umsindo wokukhala kwamahhashi akhe anamandla kuthuthumelise lonke izwe, ngokuba asefikile, aliqothula izwe nakho konke okukulo, umuzi nabakhileyo kuwo.”

IsiLilo 2:22

“Ubabize nxazonke abangesabisayo, kwaba njengasosukwini owawulumisile; akubanga bikho namunye owaphunyula nowasindayo, ngosuku lwentukuthelo kaSimakade. Labo engabazala ngabakhulisa, isitha sami sibaqothulile.”

UZefaniya 1:6

nabafulathelayo beyeka ukulandela uSimakade, nalabo abangamfunanga uSimakade, abangabuzanga kuye.

UZefaniya 3:8

“Ngakho-ke ngilindeni,” kusho uSimakade, “kuze kube lusuku engisukuma ngalo ngiphange, ngokuba kuyisinqumo sami ukuqoqa izizwe, ngihlanganise ndawonye imibuso, ukuba ngithululele kuzo intukuthelo yami, lonke ulaka lwami oluvuthayo, ngokuba wonke umhlaba uyakungqongqiswa ngumlilo womhawu wami.”

UZakariya 1:15

Ngizithukuthelele kakhulu izizwe ezinethezekileyo, ngokuba uma ngithukuthele kancane nje, zona ziyadlanga ngobubi.’

Johane 17:25

“Baba olungileyo, izwe alikwazanga, kodwa Mina ngikwazile, nalaba bazile ukuthi ungithumile.

IzEnzo 17:23

Ngokuba ngithe ngihamba ngibuka izinto enizikhonzayo, ngafumana ngisho ne-althare okulotshwe kulo ukuthi: ELIKANKULUNKULU ONGAZIWA. Lokho-ke enikukhonza ningakwazi, yikho kanye lokhu engishumayela ngakho kini.

1 kwabaseKorinte 15:34

Phaphamani, niziphathe kahle, yekani ukona, ngokuba abanye kabamazi uNkulunkulu; lokhu ngikusho ukuze nibe namahloni.

1 kwabaseThesalonika 4:5

kungabi ngokushisa kwenkanuko njengabezizwe abangamazi uNkulunkulu,

2 kwabaseThesalonika 1:8

iselangabini lomlilo, ukuba ijezise labo abangamaziyo uNkulunkulu nabangalilaleli ivangeli leNkosi yethu uJesu.

IsAmbulo 16:1

Ngase ngizwa izwi elikhulu livela ethempelini, lithi kuzo izingelosi eziyisikhombisa: “Hambani nithululele emhlabeni izitsha eziyisikhombisa zolaka lukaNkulunkulu.”