UGenesise 19:29 - IsiZulu 2020

²⁹ Ngesikhathi uNkulunkulu ebhubhisa imizi eyayisethafeni wamkhumbula u-Abhrahama, wangambhubhisa uLothi naleyo mizi ayekade ehlala kuyo.

IBHAYIBHELI ELINGCWELE

²⁹ Kwathi lapho uNkulunkulu ebhubhisa imizi yasethafeni, uNkulunkulu wakhumbula u-Abrahama, waphumisa uLoti ekuchithekeni mhla ebhubhisa imizi ayehlezi kuyo uLoti.

Contemporary Zulu Bible 2024

²⁹ Lapho uNkulunkulu ebhubhisa imizi yasethafeni, uNkulunkulu wamkhumbula u-Abrahama futhi wamkhipha uLoti phakathi nenkathi ephendukayo, lapho egumbuqela imizi uLoti ayehlala kuyo.

UGenesise 19:29 Jak'a apnaqawi uñst'ayäwi

UGenesise 11:27

Nanku umlando wezizukulwane zikaThera. UThera wazala u-Abhrama, uNahori, noHarana. UHarana wazala uLothi.

UGenesise 12:2

Ngizokwenza ube yisizwe esikhulu, ngikubusise, ngikunike udumo, wena ube yisibusiso.

UGenesise 30:22

UNkulunkulu wamkhumbula noRaheli, wawuphendula umkhuleko wakhe, wasivula isibeletho sakhe.

UGenesise 8:1

UNkulunkulu wamkhumbula uNowa nazo zonke izilwane ezazinaye emkhunjini, ezifuywayo nezasendle. Wayesethumela umoya wavunguza phezu komhlaba, amanzi aya ngokuya ebohla.

UNehemiya 13:14

Nkulunkulu wami, ngikhumbule kulokhu, ungakhohlwa ukwethembeka engikwenzile, ngikwenzela indlu yakho nomsebenzi owenziwa kuyo.

UNehemiya 13:22

Ngayala abaLevi ukuba bazingcwelise, kube yibo abaqapha emasangweni ebusuku ukuze kugcinwe usuku lweSabatha lungcwele. Ungikhumbule Nkulunkulu wami, ube nomusa kimi ngokuba mkhulu umusa wakho.

UJobe 35:8

Ukukhohlakala kwakho kuthinta abanye abantu abafana nawe, kanjalo nokulunga kwakho kuthinta abanye abantu.

AmaHubo 105:42

USimakade walikhumbula izwi lakhe elingcwele no-Abhrahama, inceku yakhe.

AmaHubo 105:8

Kuyoze kube phakade esikhumbula isivumelwano sakhe, izwi ayala ngalo izizukulwane ngezizukulwane,

AmaHubo 106:4

Ngikhumbule, Simakade, lapho wenzela abantu bakho umusa, ungihambele ngensindiso yakho,

AmaHubo 136:23

owasikhumbula sinqotshwe yizitha zethu, ngokuba umusa wakhe umi phakade;

AmaHubo 145:20

USimakade uyabavikela abamthandayo, kodwa zonke izikhohlakali uyozibhubhisa.

AmaHubo 25:7

Ungazikhumbuli izono zobusha bami neziphambeko zami, ngokwesihawu sakho ngikhumbule, ngenxa yokulunga kwakho, Simakade!

UHezekeli 14:16

noma ngabe abekhona kulo lawo madoda amathathu, ngifunga ngiyagomela, kusho iNkosi uSimakade, abengeke akwazi ukusindisa amadodana namadodakazi awo, kodwa bekuyosindiswa wona kuphela, izwe libe yincithakalo.

Hoseya 11:8

“Ngingakuyekela kanjani, Efrayimi, ngikukhaphele kanjani, Israyeli na? Ngingakwenza kanjani ube njenge-Adima, ngikwenze kanjani ube njengeZebhoyimi na? Inhliziyo yami iyaphenduka ngaphakathi kimi, sonke isihawu sami sivusiwe.

UDuteronomi 7:8

Kepha kwaba ngenxa yokuba uSimakade enithanda, nangokuba wayegcina isifungo ayesenze nokhokho benu. USimakade unikhiphe ngesandla esinamandla, wanihlenga endlini yobugqila nasesandleni sikaFaro, inkosi yaseGibhithe.

UDuteronomi 9:27

Khumbula izinceku zakho u-Abhrahama, u-Isaka noJakobe, ungabheki inkani yalaba bantu, ububi babo, nesono sabo,

UDuteronomi 9:5

Akubanga ngenxa yokulunga kwakho noma ubuqotho benhliziyo yakho ukuba ungene ulidle izwe lazo, kodwa kungenxa yobubi balezo zizwe uSimakade uNkulunkulu wakho azixoshile phambi kwakho, ukuze aqinise izwi uSimakade afunga ngalo kokhokho bakho, u-Abhrahama, u-Isaka noJakobe.

2 kaPetru 2:7

Kepha wamhlenga uLothi owayelungile, owayekhathazwe ngamanyala axakile ayenziwa ngabangenamthetho.