UEksodusi 23:18 - IsiZulu 2020

¹⁸ “Awuyukuletha kimi igazi lomhlatshelo wami nanoma yini okunemvubelo, noma ugcine amanoni omkhosi wami kuze kube ngakusasa.

IBHAYIBHELI ELINGCWELE

¹⁸ “Awuyikunikela ngegazi lomhlatshelo wami kanye nesinkwa esivutshelweyo. Amanoni omkhosi wami awayikusala bonke ubusuku kuze kuse.

Contemporary Zulu Bible 2024

¹⁸ Ungalethi igazi lesinkwa sami kanye lesinkwa esivutshelweyo; namanoni omhlatshelo wami akayikusala kuze kuse.

UEksodusi 23:18 Jak'a apnaqawi uñst'ayäwi

UEksodusi 12:10

Makungasali lutho lwalo kuze kuse, okuyosala kuze kube sekuseni niyokushisa ngomlilo.

UEksodusi 12:15

Niyakudla isinkwa esingenamvubelo izinsuku eziyisikhombisa. Ngosuku lokuqala niyakukhipha imvubelo ezindlini zenu, ngokuba lowo oyokudla isinkwa esinemvubelo kusukela osukwini lokuqala kuze kube lusuku lwesikhombisa uyodingiswa kwa-Israyeli.

UEksodusi 12:8

Bayakulidla iwundlu ngalobo busuku; bayakulidla losiwe emlilweni nesinkwa esingenamvubelo nemifino ebabayo.

UEksodusi 16:19

UMose wathi kubo: “Makungabi bikho okushiyayo kuze kube sekuseni.”

UEksodusi 29:34

Uma kusale inyama yokugcotshwa noma kusale isinkwa kwaze kwaba sekuseni, kuyokushiswa ngomlilo lokho okuseleyo, kungadliwa, ngokuba kungcwele.

UEksodusi 34:25

“Awuyukunikela ngegazi lomhlatshelo wami nesinkwa esinemvubelo. Umhlatshelo womkhosi wephasika awuyukuhlala kuze kuse.

ULevitikusi 2:11

“ ‘Umnikelo wokusanhlamvu eninikela ngawo kuSimakade awuyukwenziwa ngokunemvubelo, ngokuba aniyukushisa imvubelo noju kube ngumnikelo womlilo kuSimakade.

ULevitikusi 7:12

“ ‘Uma enikela ngawo ube ngumnikelo wokubonga, uyakuwunikela uhambisana nomnikelo wokubonga wamaqebelengwane angenamvubelo axutshwe namafutha, namakhekheba angenamvubelo agcotshwe ngamafutha, namaqebelengwane empuphu ecolisekileyo exutshwe namafutha.

ULevitikusi 7:15

Inyama yomnikelo wakhe wokubonga ukuthula iyodliwa ngosuku anikele ngalo; akuyukushiywa lutho lwayo kuze kube sekuseni.

UDuteronomi 16:4

Akuyukubonakala mvubelo kuwe endaweni yakho yonke, izinsuku eziyisikhombisa. Akuyukuba bikho nyama yomhlatshelo eyakusala ngosuku lokuqala kusihlwa, kuze kube ngakusasa.