Tito 3:7 - Qullan Arunaka DC

⁷ ukhamat khuyapayasiñapan jiwasar katuqañapataki, ukhamarak wiñay jakañ suyt'ktansa uk katuqañasataki.

Aymar Bibliia 1986

⁷ uqhamat qhuyapayasiñapan jiwasar catokañapataqui, uqhamarac wiñay jacañ suyt'ctansa uc catokañasataqui.

Qullan Arunaca

⁷ uqhamat qhuyapayasiñapan jiwasar catokañapataqui, uqhamarac wiñay jacañ suyt'ctansa uc catokañasataqui.

Tito 3:7 Jak'a apnaqawi uñst'ayäwi

Mateo 25:34

Ukapachaw Reyix kupïxapankirinakar sani: ‘Jumanakax jutapxam, Awkixan qullananakapa, aka uraqi qalltatpacha jumanakatak wiñay jakañ wakichatäkis uk katuqapxam.

Marcos 10:17

Kunapachatix Jesusax ukawjat sartawayañampïxän ukkhaxa, mä jaqiw jalakamak ukawjar purinïna, Jesusan nayraqatapar killt'asisin juparux jiskt'äna: —Suma yatichiri, ¿kuna lurañaxas wakisi wiñay jakañ katuqañatakixa? —sasa.

Romanos 11:6

Diosan munasiñaparjamächi ukasti, janiw luräwinakarjamäkiti; ukhamäspa ukaxa, Diosan munasiñapax janiw munasiñäkaspati.

Romanos 3:24

Ukampis Diosax munasiñapan ina ch'usat aski jaqir tukt'ayistu, Cristo Jesusan qhispiyasiñap tuqi.

Romanos 3:28

Jichhax uñjtanwa: Diosax jaqirux iyawsäwi tuqiw askir tukuyi, janiw kuntix kamachin siski ukar phuqhatap laykuti.

Romanos 4:16

Ukat Abrahamar arsutäkän ukax taqi wawanakapatak askixa, iyawsañxar utt'ayat waxt'äwix inakïnwa. Ukampix sañ munta, uka arsutax janiw kamachirjam sarnaqirinakatakïkiti, jan ukasti Abrahamjam iyawsäwin sarnaqirinakatakiwa. Ukhamat jupax taqi jiwasanakan awkisaxa,

Romanos 4:4

Jichhax walikiwa, maynitix mä kunsa lurchixa, payllapax janiw mä waxt'äwjam churatäkiti, jan ukasti luratapatjam churatawa.

Romanos 8:17

Wawanakapätas laykux, Diosax arsuwaykän uka waxt'äwi katuqañäni, uksti Cristomp chikaw katuqañäni, jupamp chika t'aqhisitas laykux, qhapaq markapan jupampïxañasataki.

1 Corintios 6:11

Jumanakat yaqhipanakax ukhamäpxarakïyätawa; ukampis jichhax q'umachatäxapxtawa, jumanakax Tatit Jesucriston sutipxaru, Diosasan Qullan Ajayup tuqiw qullana, aski jaqinakarus tukuyatäpxarakta.

Gálatas 2:16

Ukampis jiwasanakax yatipxtanwa, janiw khitis Diosan nayraqatapan Moisesan kamachip phuqhatap layku askit katuqatäkiti, jan ukasti, Jesucristor iyawsatap laykukiw katuqatäni. Ukatarak jiwasanakax Jesucristor iyawsapxtan, Diosan jiwasanakar askit uñt'añapataki, aka iyawsañ tuqi katuqatäñataki, janiw kamachi phuqhatas layku. Janiw khitis kamachinak phuqhatap laykux Diosan nayraqatapan askit katuqatäkaniti.

Gálatas 3:29

Jumanakatix Cristonkapxstaxa, Abrahaman wawanakapäpxaraktawa, Diosax jupar arsuwaykän uksa katuqapxarakïtawa.

Gálatas 4:7

Ukhamasti, jumax janiw uywat jaqïkxtati, jan ukasti, Diosan wawapäxtawa; wawapäxasinsti, Diosan munasiñap laykuw tuti katuqarakïta.

2 Tesalonicenses 2:16

Pachpa Jesucristo Tatitusasa, Dios Awkisasa khuyapayasiñap laykuw munasistu, ukatsti wiñay chuymachäwi, suyt'äwi churarakistu,

Tito 1:2

ukhamarak wiñay jakañ suyt'äwirusa. Uka wiñay jakañ churañatakix Tatitux janïr aka uraqi qalltaskipan phuqhañatakiw arsuwayi, Tatitusti ukham arsutap phuqhapuniwa.

Tito 2:11

Tatitusti khuyapayasiñapxa, taqi jaqitak qhispiyasiñap apanisaw uñacht'ayistu.

Tito 2:13

ukatsti kusiskañ suyt'äwimpi jakañas yaticharakistu, jach'a Qhispiyir Tatit Jesucriston kutt'aniñap suyasa.

Hebreos 1:14

Diosar luqtañanxa, taqpach angelanakaw ajayüpxi, qhispiyasiñ katuqapkani ukanakar yanapt'añatak khithanitawa.

Hebreos 11:7

Noé chachax iyawsäwi laykuw Diosar jaysäna, ukatsti mä barca luräna, utapankirinakar qhispiyañataki, kunapachatix Diosax jan uñjatäkänsa ukanakan lurasiñap yatiykän ukkhaxa. Noé chachax uka pachpa iyawsañampiw akapachankir jaqirux juchañchäna, ukham iyawsatap laykuw askit katuqatäna.

Hebreos 11:9

iyawsañap utjatap laykuw yaqha markankir jaqjam jakasïna, Diosax kawkïr uraqtix jupar churañatak arskän uka uraqina. Jupax chhujllu utanakan jakasïna, ukhamarak Isaac, Jacob chachanakasa, jupanakasti, Diosax jupanakar churañatak arskäna uka uraq katuqapxarakïna.

Hebreos 6:17

Ukhamasti Diosax qhanpach uñacht'ayañ munäna, khitinakarutix churämaw sas arskatayna jupanakaru, jupasti arsutapar jan mayjt'ayas churañatakix jank'akïnwa. Ukat arsutapxarux juramento luräna.

Santiago 2:5

Munat jilatanakaxa, aka arunak ist'apxam: Diosax aka uraqin jan kunaninakaruw ajllisi, jupanakan iyawsañan qamirïpxañapataki, ukhamat Diosan qhapaq markap mä waxt'äwjam katuqapxañapataki, jupar munirinakatakiw uk arsuwayi.

1 Pedro 3:7

Chachanakasti warminakamampix suma chuymanïpxam. Kunjämarutix wakiski ukhamar jupanakar jach'ar aptapxam, jupanakax janiw jumanakjam wali ch'amanïpkiti, ukampis Tatitux wiñay jakañ churarakini. Jumanakatix ukham lurapxätaxa, Tatitux mayisitanakam ist'apuniniwa.