Tito 3:1 - Qullan Arunaka DC

¹ Tatitur iyawsirinakar amtayam, marka apnaqirinakaru, jilïrinakaparus ist'apxpan, kunatix sumäki uk lurañatakis jank'akïpxarakpan.

Aymar Bibliia 1986

¹ Iyawsirinacarojj amtayaraquim, marca apnakerinacaru, jilïr autoridadanacarus ist'apjjañapataqui, uqhamarac cunatejj sumäqui uc lurañataquis janc'aquïpjjañapataqui.

Qullan Arunaca

¹ Iyawsirinacarojj amtayaraquim, marca apnakerinacaru, jilïr autoridadanacarus ist'apjjañapataqui, uqhamarac cunatejj sumäqui uc lurañataquis janc'aquïpjjañapataqui.

Tito 3:1 Jak'a apnaqawi uñst'ayäwi

Proverbios 24:21

Munat wawaxay, Diosampitaki, reyimpitakix axsartañ chuymanïma; uñisirinakamampix jan mayachasimti,

Eclesiastés 10:4

Mä marka apnaqiritix jumatak thitchini ukaxa, jan mayjt'asimti; llamp'u chuymampiw jach'a pantjasïwirux atipjäta.

Isaías 43:26

Inas naya tuqi kuna arsusiñamas utjchi, ukanaksti purapat uñjañäni. Kun arsusiñcha munta, arsusiskakim, inampis q'uma mistsuskasma.

Jeremías 27:17

¡Jan jupanakarux ist'apxamti! Jan ukasti Babiloniankir reyir jaysapxam, ukapachakiw jakapxäta. ¿Kunatarak aka Jerusalén markasti mayjar q'ala t'unthapit uñjasispasti?

Mateo 22:21

Jupanakasti sapxänwa: —Cesarankiwa —sasa. Jesusasti jupanakarux sarakïnwa: —Cesarankki ukxa, Cesarar churapxam, Diosankkis uksti, Diosarurak churapxam —sasa.

1 Corintios 15:58

Ukhamasti munat jilatanaka, jumanakax Tatitumpi sum sayt'asipxam, janirak saraqapxamti. Tatitun luräwipan juk'ampi juk'amp irnaqasa; jumanakax yatipxtawa, Tatitumpi mayaki irnaqapxatamax janiw inamayäkiti.

Efesios 2:10

Diosaw jiwasanakar irnuqistu; Jesucristo tuqi aski luräwinak lurañasataki, nayratpach wakichat thakhin sarañasataki.

Deuteronomio 17:12

Ukampisa jumanakat kawkïritix, jach'a jach'a tukuñampi Diosan luqtirip sacerdoten arsutaparu, jan ukax taripirin arsutapar jan ist'kanixa, uka jaqisti jiwayatäñatak juchañchatäniwa. Ukhamat jumanakax ñanqha luräwinak Israel markan tukjapxäta,

Filipenses 1:11

Jesucriston yanapapampix askinakpun lurapxäta, ukhamat mayninakan Diosar yupaychas jach'añchapxañapataki.

Colosenses 1:10

Ukhamat Tatitunkirjam sum sarnaqapxañamataki, taqi kunan jupar kusisiyasa, suma luräwinak uñacht'ayasa, Diosan yatiñapan jiltasa.

1 Timoteo 2:2

Marka apnaqirinakatak Diosat mayiñamarakiwa, ukkhakiw samarañana, jan llakini, Diosar katuyata, taqinirus suman uñjas jakasiñäni.

1 Timoteo 4:6

Jumatix iglesiankirinakar akanak yatichätaxa, Jesucriston aski luqtiripäyätawa, iyawsäwi arunakamp ch'amañchata, aski yatichäwir arkatamamp thuruñchata.

1 Timoteo 5:10

Jupanakasti suma luräwinak luririt uñt'atäñapawa, wawanakap sum uywatap layku, utapar sart'irinakar sum katuqatap layku, qullan markapankirinakan kayunakap jariqatap layku, t'aqhisirinakar yanapatap layku, yaqha aski luräwinak lurañatak ch'amachasitap layku.

2 Timoteo 1:6

Ukat nayax jumar maysma, Diosan aski churäwip juk'amp jach'aptayañamataki, uksti amparaxamp luqxatkäyäsma ukkhaw katuqtaxa.

2 Timoteo 2:14

Tatitun nayraqatapan jan ch'axwapxañapatak iwxt'as amtayam. Ch'axwañax janiw kunatakis askïkiti, jan ukasti khitinakatix ist'apki ukanakar mayjt'ayirikiwa.

2 Timoteo 2:21

Khititix jan wali lurañanak apanukunixa, jach'a urun apnaqañ yänakar uñtatäniwa; Tatitutak qullanaptayat aski lurir jaqïniwa, aski lurañatakis jasakirakïniwa.

Tito 1:16

Jupanakax: “Tatiturux uñt'apxtwa” sapxiwa. Ukatsti luräwinakapampix janiw ukham uñacht'ayapkiti, jupanakax uñisirinakäpxiwa, jan yäqasiñan qhuru jaqinakäpxiwa, janirakiw kuna sumsa lurirjamäpkiti.

Tito 2:14

Jupaw jiwas layku jiwawayi jan walinakat jiwasar qhispiyañataki, q'umachañataki, ukhamat jiwasanakan jupan markapäñasataki, askinak lurañasatakiraki.

Tito 3:14

Jiwasankirinakasti aski lurañ yatiqapxarakpan, pist'añansa yanapt'asa, ukhamat jakäwinakapan askïñapataki.

Tito 3:8

Aka arunakasti chiqawa, nayax juman ch'aman sayt'asiñam munta, khitinakatix Tatitur iyawsapki ukanakan askinak lurapxañapataki. Ukanakax taqitakis sumawa, askirakiwa.

Hebreos 13:21

uka Diosay jumanakarux q'uma, taqi kunansa aski tukuypan, munañap phuqhapxañamataki; Jesucristo tuqi kuntix jiwasanakamp lurañ munki uk lurarakpan. ¡Jesucristox wiñayatak jach'añchatäpan! Ukhamäpan.

2 Pedro 1:12

Ukatpï nayax taqi akanak jumanakarux amtayasinipkakïmaxa, yatipkta ukasa, yatichapktam uka chiqa arunakar iyawsas sayt'asipkta ukasa.

Judas 1:5

Jumanakax niy yatipxtawa, uksti amtayañ munapxsma, Tatitux Egiptot Israel markapar irpsunkäna ukkhasti, khitinakatix jupanak taypit jan iyawsapkän ukanakarux tukjänwa.