Tito 2:8 - Qullan Arunaka DC

⁸ sum parlasa, khitinsa jan juchañchañapataki. Ukhamat khititix jiwasxat jan wal parlki ukax p'inqachat uñjasini, janirakiw jiwasanakat kuna jan walsa parlkaniti.

Aymar Bibliia 1986

⁸ suma parlasaraqui jan qhitins juchañchañapataqui, uqhamatwa qhititejj conträqui ucajj p'enkachat amuyasini, janiraquiw jumanacjjatjja cuna jan wals parlcaniti.

Qullan Arunaca

⁸ suma parlasaraqui jan qhitins juchañchañapataqui, uqhamatwa qhititejj conträqui ucajj p'enkachat amuyasini, janiraquiw jumanacjjatjja cuna jan wals parlcaniti.

Tito 2:8 Jak'a apnaqawi uñst'ayäwi

Nehemías 5:9

Ukxarusti nayax saskaktwa: “Kuntix jumanakax lurapkta ukax janiw walïkiti. Uñisirinakasan jiwasat jan larusiskañapatakixa, jumanakax Tatitur axsarapxatam uñacht'ayapxañamänwa.

Isaías 66:5

Tatitun arunakap ist'apxam, khitinakatix arunakap phuqhapkta ukanaka: “Jumanakan yaqhipa marka masinakamaxa, khitinakatix jumanakar uñisipktam, nayan sutix aytasipxatam layku arknaqapktam, ukanakasti sapxiwa: ‘Tatitux jach'a kankañap uñacht'aypan; jumanakarusti k'uchik uñjañ munapxsma’ sasa. Ukampis jupanakax mä p'inqa jisk'achjataw uñjasipxani.

Marcos 12:17

Ukxarusti Jesusax jupanakarux sarakïnwa: —Cesarankki uk Cesarar churapxam, Diosankki uksti Diosarurak churapxam —sasa. Jupanakasti uk ist'asinxa wali muspharataw qhiparapxäna.

Marcos 12:28

Jesusan saduceonakar taqi uka jiskt'anakar sum arusxatatap yatisinxa, qillqat yatichiri mä jaqiw Jesusar jak'achasïna, ukat Jesusar jiskt'äna: —Kamachinakat ¿kawkïr kamachis jila wakiskirixa? —sasa.

Marcos 12:32

Qillqatanak yatichiristi Jesusarux sänwa: —Yatichiri, walik sasktaxa. Arsutamax chiqapunïskiwa: mä sapa Diosakiw utji, janirakiw yaqhax utjkiti.

Marcos 12:34

Jesusasti uka jaqin sum arsutap ist'asinxa sänwa: —Diosan qhapaq markapat janiw jayankktati —sasa. Ukatsti janiw khitis jupar juk'amp jiskt'añ munkxänti.

Lucas 13:17

Jesusan uka arunak satapatsti, uñisirinakapax taqiniw p'inqachat uñjasipxäna; ukampis jaqinakax wal kusisipxäna Jesusan uka jach'a muspharkañanak luratapata.

2 Tesalonicenses 3:14

Maynitix aka qillqatan sapksma ukar jan yäqkchixa, jupar sum uñt'apxam, janirak jupampix chikachasipxamti, ukhamat jupa pachpa p'inqasiñapataki.

1 Timoteo 5:14

Ukat nayax tawaqu ijma warminakan jaqichasiñap munta, wawanakanïñapa, utap sum uñjirïñap munta, ukhamat uñisirinakapan jupanakar jan p'inqachaskañapataki.

1 Timoteo 6:3

Maynitix k'ari yatichäwinak yatichchixa, ukat janirak Tatit Jesucriston suma yatichäwinakaparusa, jiwasan ajay tuqi saräwisarus yäqkchixa,

Tito 3:14

Jiwasankirinakasti aski lurañ yatiqapxarakpan, pist'añansa yanapt'asa, ukhamat jakäwinakapan askïñapataki.

1 Pedro 2:12

Diosar jan uñt'ir jaqinak taypin sum sarnaqapxam. Jichhas jupanakaxa, jumanakat jan wal parlapkchi ukasa, jumanakan aski luratanakam uñjasasti, Diosaruw jach'achapxani kunürutix jupax luräwinak wayt'ir jutkani ukkha.

1 Pedro 2:15

Diosasti jumanakan aski lurañanakam muni, ukhamat pisi amuyun jaqinakan parlatanakap amukt'ayapxañamataki.

1 Pedro 3:16

suma chuymamp parlxt'ayapxarakim. Cristor arkirinakjamax sum sarnaqapxam, ukhamat jan kunatsa juchanchatäpxañamataki. Jumanakan askinak luratanakamat jan wali parlirinakax jupanakpachaw p'inqasipxani.