Tito 2:10 - Qullan Arunaka DC

¹⁰ Jan lunthatasipxpasa, jan ukasti chiqa jaqinakäpxpan, ukhamat taqi kunansa Tatit Qhispiyirin yatichäwipan sumätap uñacht'ayañataki.

Aymar Bibliia 1986

¹⁰ Janiraqui lunthatasipjjpasa, jan ucasti suma cheka jakenacäpjjpan, jacäwinacapajj takens uñjcata, Khespiyir Diosan yatichäwipajj sumätapa yatipjjañapataqui.

Qullan Arunaca

¹⁰ Janiraqui lunthatasipjjpasa, jan ucasti suma cheka jakenacäpjjpan, jacäwinacapajj takens uñjcata, Khespiyir Diosan yatichäwipajj sumätapa yatipjjañapataqui.

Tito 2:10 Jak'a apnaqawi uñst'ayäwi

Salmos 101:6

Aski jaqinakaruw nayax uñtä, nayampi chik jakapxañapataki; chiqap sarnaqir jaqikiw luqtitani.

Isaías 12:2

Tatit Diosaw nayar qhispiyitu, juparuw iyawsta, janiw kunsa axsarkti. Tatituw nayan arxatirixaxa, nayar ch'amañchirixasa, jupaw qhispiyirixaxa.”

Mateo 24:45

“¿Khitirak aski amuyt'an suma uywatasti? Juparuw uywiripax utapankirinakar wakisitaparjam manq'a churañapatak jayti.

Mateo 5:16

Uka pachpay jumanakan qhanamax jaqinak nayraqatan qhantpan, ukhamat aski luräwinakam uñjasin Dios Awkimar taqpachan yupaychañapataki.

Lucas 1:47

chuymaxasti Qhispiyir Diosaxan kusisi.

Lucas 1:80

Yuqall wawasti jilaskänwa, ajayu tuqinsa ch'amañchasïnwa, jupasti wasar tuqinakan jakäna, kunürutix Israel markar uñstañapäkän ukürkama.

Lucas 16:10

“Khititix juk'a apnaqañan chiqapäki ukax, walja apnaqañan chiqaparakiwa; juk'a apnaqañan jan chiqapäki ukasti, walja apnaqañan janirakiw chiqapäkiti.

Juan 12:6

Judasax janiw jan utjirininakat khuyapayasisin arskänti, jan ukasti lunthatätapat ukham arsüna, jupax qullqi katurit utt'ayatänwa, uka qullqitsti lunthatasirïnwa.

1 Corintios 4:2

Jichhasti walikiwa, khititix lurañ katuqki ukax askïtap uñacht'ayañapa.

Efesios 4:1

Ukat nayax, Tatit layku katuntatäsin achikt'apxsma, khitinakatix Diosan jawsatäpkta ukanakasti, kunjämtix lurapxañamäk ukhamar sarnaqapxam.

Filipenses 1:27

Jumanakasti, kunjämtix Jesucriston suma yatiyäwi arunakapax yatichki ukhamarjam sarnaqapxam. Nayasti jumanakar uñjir jutäsa jan ukax janis jutkäxa, jumanakan mä wawar tukt'asak jakasipxañam munta, taqi kunansa mä amtäwir purisa, ukatsti qhispiyasiñ arunak qhanañchañatak wal ch'amachasisa,

Filipenses 4:8

Tukuyañatakisti, jilatanaka, kunatix chiqäki, kunatix maynir aski uñjañäki, kunatix sumäki, kunatix q'umäki, kunatix munkañäki, kunatix aytat luräwinakäki, taqi ukanakatay lup'ipxam. Taqi kunatix sumäki, jach'ar aptañäki ukanakatay lup'ipxam.

1 Timoteo 1:1

Munat Timoteo: Jumaruw aruntansma. Naya Pablox, Jesucriston apostolupätwa, Qhispiyir Diosampi, jiwasan suyt'äwisa Tatit Jesucristompiw aka qillqat jumar yatiyir khithanipxitu. Timoteo, nayatakix jumax iyawsäwin chiqpach wawaxätawa. Ukat Dios Awkisaru, Tatit Jesucristosarux mayta jumar munañapataki, taqi kunan yanapañapataki, samarañapsa churañapataki.

1 Timoteo 5:17

Iglesia sum apnaqki uka jilïrinakax suman uñjatäñapawa, khitinakatix Diosan arunakap parlapki, yatichapki ukanakax, juk'amp suman uñjatäñapawa.

1 Timoteo 6:1

Uywatanakax uywirinakapar yäqañ chuymamp uñjañapawa, ukhamat Diosan sutipasa, nanakan yatichäwixas jan jisk'achat uñjasini.

1 Timoteo 6:3

Maynitix k'ari yatichäwinak yatichchixa, ukat janirak Tatit Jesucriston suma yatichäwinakaparusa, jiwasan ajay tuqi saräwisarus yäqkchixa,

Tito 1:3

Jichhasti pachaparuw Tatitux uka arsutapxa arup tuqi qhanañchistu, kawkïr yatiyäwtix Tatitu Qhispiyirisax iwxt'awaykitu jupan kamachi arunakaparjam parlañaxataki.

Tito 3:4

Ukampis kunapachatix Qhispiyir Tatitux khuyapayasiñapa, munasiñapsa taqi jaqinakar uñacht'ayistuxa,

1 Pedro 2:12

Diosar jan uñt'ir jaqinak taypin sum sarnaqapxam. Jichhas jupanakaxa, jumanakat jan wal parlapkchi ukasa, jumanakan aski luratanakam uñjasasti, Diosaruw jach'achapxani kunürutix jupax luräwinak wayt'ir jutkani ukkha.

1 Pedro 3:16

suma chuymamp parlxt'ayapxarakim. Cristor arkirinakjamax sum sarnaqapxam, ukhamat jan kunatsa juchanchatäpxañamataki. Jumanakan askinak luratanakamat jan wali parlirinakax jupanakpachaw p'inqasipxani.

2 Juan 1:9

Khititix Tatit Jesucriston yatichäwipat saranukki ukax, janiw Diosampïkiti; khititix yatichäwiparjam sarnaqki ukïrikiw Awkimpisa Yuqampisa.

1 Samuel 22:14

Ukatsti Ahimélec sacerdotex reyirux sarakïnwa: —¿Khitirak juma jach'a munañan reyin jilïrinakam taypin Davidjam taqi chuymampi phuqhiristi? Jupaxa, juma jach'a munañan reyin tullqamawa, jach'a utam uñjirinakan jilïripawa, uka utansa aski jach'añchäwi katuqirirakiwa.

1 Samuel 26:23

Tatitusti sapa maynirus chuymaparjam uñjpan. Tatitux amparaxaruw jumarux katuyitu, ukampis nayax Tatitun ajllit reyirux janiw jan wal lurañ munkäyätti.