Tito 1:9 - Qullan Arunaka DC

⁹ Ukhamarakiw uka chiqa yatichat arunak katxäsiñapa, ukhamat yaqhanakar uka suma yatichäwimpi ch'amañcht'añapataki, khitinakatix Tatitur jan ist'añ munapki ukanakar iyawsayañapataki.

Aymar Bibliia 1986

⁹ Uqhamaraquiw catjjäsiñapa yatichatäqui uca cheka arunaca, uqhamat yakhanacar waytt'añapataqui uca suma yatichäwimpi, uqhamarac qhitinacatejj jan Diosar ist'añ munapqui ucanacar iyawsayañapataquisa.

Qullan Arunaca

⁹ Uqhamaraquiw catjjäsiñapa yatichatäqui uca cheka arunaca, uqhamat yakhanacar waytt'añapataqui uca suma yatichäwimpi, uqhamarac qhitinacatejj jan Diosar ist'añ munapqui ucanacar iyawsayañapataquisa.

Tito 1:9 Jak'a apnaqawi uñst'ayäwi

Job 2:3

Ukat Tatitux juchañchir angelar jiskt'arakïna: —¿Job luqtirixar uñjaniwaytati? Janiw khitis uraqin jupjama chiqa, aski jaqix utjkiti, jupax Tatitur axsartir jaqiwa, ñanqha lurañat jithiqtataw jakasi. Jumax ina ch'usatsa yänakapa, uywanakap tukjaykchista ukasa; jupan aski sarnaqäwipax pachpakïskiwa —sasa.

Job 27:6

Aski kankañanïtaxat arsusiskakipunïwa, janiw kunat p'inqasiñaxas utjkituti.

Proverbios 23:23

Chiqa kankañampi, yatiñ kankañamp jikxatam, yatichäwimpi, amuyt'a kankañampi, ¡ukanaksti jan chhaqhayasimti!

Hechos 18:28

Jupax taqi jaqin ist'kañaw judionakan pantat amuyunakap ch'amamp qhanañchäna. Qillqatanakarjamaw Jesusan Cristötap uñacht'ayarakïna.

1 Corintios 14:24

Ukatsipana, taqinitix profecía arunak yatiyapxätaxa, ukat Cristor jan iyawsiri, jan ukax mä aliq jaqitix mantanin ukkhaxa, jumanakan arsutam ist'asax, jupa pachpaw amuyt'asisin chuymap uñantasini.

1 Tesalonicenses 5:21

Taqi kun yant'apxam, askïki uk katxäsipxam.

2 Tesalonicenses 2:15

Ukhamasti jilatanaka, ch'aman sarantasipkakim, kuna yatichäwinaktix naya kipka yatichapksma, qillqat tuqis yatichapksma, ukanak jan armasipxamti.

1 Timoteo 1:10

wachuq juchan sarnaqirinakataki, chachapur wachuq juchan sarnaqirinakataki, jaq lunthatirinakataki, k'arinakataki, k'ari juramento luririnakataki; mä arunxa, khitinakatix aski yatichäwinak jan phuqhapki ukanakatak uskutawa.

1 Timoteo 1:15

Ukax chiqäskapuniwa, taqiniw iyawsapxañapa: Cristo Jesusax aka uraqirux juchararanakar qhispiyiriw juti, jupanakatsti nayaw nayrïrïtxa.

1 Timoteo 4:9

Akasti chiqäskapuniwa, taqiniw iyawsañasaraki.

1 Timoteo 6:3

Maynitix k'ari yatichäwinak yatichchixa, ukat janirak Tatit Jesucriston suma yatichäwinakaparusa, jiwasan ajay tuqi saräwisarus yäqkchixa,

2 Timoteo 1:13

Kuna suma yatichäwtix nayax churksma ukat janipun saraqamti, Diosarux taqi chuymapun katuyasim, Jesucristompi mayachatäktan uka munasiñarus katuyasirakim.

2 Timoteo 2:2

Kuntix walja jaqinak nayraqatan arsur ist'kista ukanakxa, phuqhañatak wakicht'atäpki, yatichañatakis wakicht'atäpki ukanakar yaticht'am.

2 Timoteo 2:25

jan ist'asirinakarus llamp'u chuymamp iwxt'añaparakiwa, inampis Diosax jan wali luräwinakapat kuttayasinkaspa, ukhamat jupan chiqa arunakap uñt'apxañapataki,

2 Timoteo 3:14

Ukampis jumax kuntix yatiqkta, ukat iyawskarakta ukarux jan pächasis arkam. Jumax askiw yatta khititix yatichkäyätam uka.

2 Timoteo 4:3

Jaqinakax, aski yatichäwir jan ist'añ munapkan uka urux purininiwa; jupanakax munañaparjamakiw kunayman yatichirinak thaqhasipxani; kunjämtix jupanakax yatichayasiñ munapkan uk ist'añatakiki.

Tito 1:11

Ukanakarux amukt'ayañaw wakisi, taqpach wila masinakaruw mayjt'ayapxi, kunatix jan walïki ukanak yatichasina, jan wali chuymampi qullqi jikxatasiñ laykuki.

Tito 2:1

Kuntix jumax parlkta ukax, q'uma yatichäwimpix mayakïñapawa.

Judas 1:3

Munat jilatanaka, walpun qillqaniñ munapxäyäsma, kunatix jumanakansa, nayansa utjki uka qhispiyasiñ tuqita; jichhax aka qillqatax tuqiw jumanakar achikt'apxsma, kuna yatichäwinaktix Tatitun qullan markapar katuyatäkäna, ukanak imapxañamatak wal ch'amachasipxam.

Apocalipsis 2:25

Ukampis katxäsipxam kuntix yatipkta ukxa, nayan jutañaxkama.

Apocalipsis 3:11

Jank'akiw jutä. Nayar iyawsañ chuyma katxäsiskakim, ukhamat janiw khitis churäwim apaqkätamti.

Apocalipsis 3:3

Yatichäwi katuqatamat amtasimaya; ukarjam arkam, Diosar kutikipstarakim. Janitix p'arxtaskätaxa, lunthatar uñtataw akatjamat jutä, janiw kunapacha puriniñaxsa yatkätati.