Sofonías 3:4 - Qullan Arunaka DC

⁴ Profetanakapas wali jach'achasiri, sallqa arunak parlirïpxiwa; sacerdotenakapax Tatitun qullan utapsa q'añuchapxiwa, kamachinakapsa p'akintapxarakiwa.

Aymar Bibliia 1986

⁴ Profetanacapas wali parlirïpjjewa, sallkjañanacac parlapjjaraqui, sacerdotenacapas Diosan santuariopjja k'añuchapjjaraquiwa, Diosan leyinacapsa p'aquintapjjaraquiwa.

Qullan Arunaca

⁴ Profetanacapas wali parlirïpjjewa, sallkjañanacac parlapjjaraqui, sacerdotenacapas Diosan santuariopjja k'añuchapjjaraquiwa, Diosan leyinacapsa p'aquintapjjaraquiwa.

Sofonías 3:4 Jak'a apnaqawi uñst'ayäwi

Isaías 9:15

15 (14) P'iqix jilïri irpir jaqinakaruw uñtasi, wich'inkhasti k'ari yatichir profetanakaruw uñtasiraki.

Jeremías 23:32

Nayax kawkïr profetanakatix uka k'ari samkanakap parlasax markaxar maysar saranukuyapxi ukanakatakiw sayt'ta. Janiw nayax jupanakar khithankti, janirakiw kuna arunaksa churkaraktti, ukhamasti jupanakax janiw markaxarux yanapt'apkaspati. Naya, Tatituw uk arsta.

Jeremías 5:31

Profetanakax k'arikamak yatiyapxi, sacerdotenakasti kuntix munapki uk yatichapxi, amuyatax markaxax ukanakampi k'uchikjamakiwa. Ukampis uka jan walt'añax purinkani ukkhasti, janiw khitis yanapt'kaniti.’ ”

Jeremías 8:10

Ukatpï jichhax, warminakapsa yaqha chachanakar katuyäxa, uraqinakapsa yaqhanakaruw katuyarakï. Jisk'a jaqinakasa, jach'a jaqinakasa, lunthatasiñak amtasipki; profetanakasa, sacerdotenakasa taqiniw lunthatasiñar katuyasipxi.

Lamentaciones 2:14

Kuna unañchäwinaktix profetanakamax yatiykäyätam ukanakax k'arikamakïnwa. Juchanakam janiw qhanañchapkäyätamti, ukhamat juman kuttanxañamataki, k'ari unañchäwinak jumarux yatiyapxäyätam, ukanakarusti jumax iyawsarakïyätawa.

Ezequiel 22:26

Aka markankir sacerdotenakax, nayan yatichäwinakax maysaruw q'iwipxi, nayataki qullanäki ukanaksti takichasipxiwa; janiw jupanakax kunatix qullanäki, kunatix ñanqhäki uk amuyapkiti, janirakiw mayninakarus kunatix q'umäki, kunatix q'añüki uk amuyapxañapatakis yatichapkiti. Nayan samarañ sábado urunakaxarusa janiw yäqapkiti, janirakiw nayarux jach'añchapkituti.

Ezequiel 22:6

Ukankiw Israel marka apnaqirinakaxa, jumanak taypin jakapxaraki, jaqinaksti qawqhtix munapki ukkha jiwarayapxi.

Ezequiel 44:23

“Sacerdotenakasti markaxarux kunatix qullanäki kunatix jan qullanäki ukanakxata, ukhamaraki kunatix q'umäki, kunatix jan q'umäki ukanakxat yatichapxañapawa.

Oseas 9:7

¡Mutuyäwi urunakax purinxiwa! ¡Luratanakamat katuqañ urux purinxiwa! ¡Israel markax ukanakan puritap yatirakiniwa! Jumanakasti sapxtawa: “Profetax pisi amuyt'an jaqiwa, suma amuyt'ayat jaqisti luqhirakiwa” sasa. Ñanqha lurañanakampi phuqhantatäpxatamata, uñisiñanakaman jach'ätapat ukham sapxtaxa.

Miqueas 2:11

Maynitix k'ari arunak parlaspa, ukat sarakispa: “Vinompi yaqha umañanakampitix utjani ukkhakiw jutir urunakatxa sapxäma” sasa, jumanakax uka k'ari profetanakampix kusisitakïpxasmawa.

Miqueas 3:11

Kunatix chiqäki ukanak uñjirinakasa qullqi chilltayasipxi, sacerdotenakas qullqi laykukiw yatichapxi, profetanakasti profecía arunakapxa aljapxarakiwa; taqi akanakatxa Tatitux walikiw siskaspasa ukhama. Ukatsti sapxarakiwa: “Tatituw jiwasampïski, janiw kuna jan walis jiwasxar jutkaniti” sasa.

Malaquías 1:6

Taqi ch'aman Tatitux sacerdotenakar akham siwa: “Wawanakax awkinakapar waqaychapxiwa, uywatanakas uywirinakaparux yäqapxarakiwa. Nayatix jumanakan awkimästa ukasti ¿kunatarak nayar jan waqaychapxistasti? Nayatix jumanakan uywirimästa ukasti, ¿kunatarak nayar jan yäqapxistasti? Jumanakax nayar jisk'achapxistawa, yatkasas sasipkakistawa: ‘¿Kun lurasarak nanakasti jumar jisk'achapxsmasti?’ sasa.

Malaquías 2:7

Sacerdotenakan lurañanakapasti, jaqinakaru nayar uñt'aña yatichapxañapawa, ukatsti taqinirakiw jupanakan ukaru sarapxañapa suma yatichäwinak katuqiri, jupanakax taqi ch'aman Tatitun suma arunakap qhanañchiri khithanita jaqinakäpxatap layku.

Malaquías 2:8

“Ukampis juma sacerdotenakax suma chiqa thakhit saranukupxtawa, waljaniruw yatichäwinakamampix lanktasiyapxtaxa. Leví chachampi lurat suma arust'äwi ñanqhar tukuyapxtaxa.

Mateo 7:15

“K'ari profetanakat amuyasipxam, jupanakasti ‘Diosat nanakax parlaxpta’ sasaw sarnaqapxi. Jupanakasti ovejanakat isthapitaw jumanakan ukar jutapxi, ukampis chuymapanxa ñanqha lunthat qamaqinakawa.

2 Corintios 11:13

jupanakax k'ari, sallqjir apostolunakakiwa, Criston apostolunakapäkaspas ukhamaw tukupxi.

1 Juan 4:1

Munat jilatanaka, janiy kawkïr ajayurus iyawsapkakimti, jan ukasti uñakipapxam, Diosan ajayupati janicha uk yatiñataki. Akapachax walja k'ari profetanakamp phuqhantatawa.

Apocalipsis 19:20

Uka jach'a axsarkañ animalasti k'ari profetamp chika katuntatäxänwa, uka k'ari profetasti muspharkañanak lurirïtayna uka axsarkañ animal nayraqatana. Uka muspharkañ luräwinak tuqiw, uka k'ari profetax sallqjatayna khitinakarutix jach'a axsarkañ animalan chimpupampi chimpuyasipkatayna, ukatsti ukan uñtasit lursutapar yupaychapkatayna ukanakaru. Ukatsti k'ari profetasa, uka axsarkañ animalasa azufrempi aqaskir nina qutar jakkirpacha jaquntataw uñjasipxäna.

Jueces 9:4

Ukhamarus Baal-berit diosan utapat paqallq tunka qullqi apsusin Abimélec chacharuw churapxäna. Uka qullqimpisti Abimélec chachax wali qhuru jaqinak mink'äna, juparu arkapxañapataki. Uka jaqinakax jupampiw

1 Samuel 2:22

Elí sacerdotex wali awkïxänwa, ukampisa kuna jan walinaktix wawanakapax israelitanakar lurapkän ukanak sum yatïna.