Sofonías 3:2 - Qullan Arunaka DC

² Tatitun aruparux janiw ist'känti, chiqachäwi arunaksa janiw ist'añ munkänti, Diosaparus janiw katuyaskänti, juparus jak'achasiñ janiw munkarakïnti.

Aymar Bibliia 1986

² “Janiw Diosan aruparojj ist'cänti, janiraquiw chekachäwi arunacsa ist'añ muncänti, janiraquiw Diosaparus confiascänti, janiraquiw juparus jac'achascaraquïnti.

Qullan Arunaca

² “Janiw Diosan aruparojj ist'cänti, janiraquiw chekachäwi arunacsa ist'añ muncänti, janiraquiw Diosaparus confiascänti, janiraquiw juparus jac'achascaraquïnti.

Sofonías 3:2 Jak'a apnaqawi uñst'ayäwi

Nehemías 9:26

“Ukampis jupanakax jan ist'asirïpxänwa, jumatak sayt'asisin kamachimar jisk'achapxarakïna. Ukxarusti profetanakamarux jupanakar juchañchatapat jiwayapxäna, uka profetanakasti jupanakan jumar wasitat makhatxañapatakiw jupanakar parläna; jach'a juchanakpun jumatak sayt'asisin lurapxäna.

Salmos 10:4

Ñanqha lurir jaqix, nasa qhiwtasaw arsu: “Janiw Diosax utjkiti, janiw khitis lurataxat wayt'irix utjkiti” sasa. Ukak jupax lup'iski.

Salmos 50:17

nayampi jan chiqachayasiñ munkasasa, arunakaxarus jan jayskasasa?

Salmos 73:28

Nayasti Diosaruw jak'achasï, ukaw nayatakix askixa. Dios Tatay, jumaw arxatirixätaxa, taqpach luräwinakamat yatiyä.

Salmos 78:22

Janiw jupanakax Diosar taqi chuymamp alkatapkänti, janirakiw yanapaparus iyawsapkänti.

Proverbios 1:7

Yatiñ kankañan qalltapax Tatitur axsartañawa; pisi amuyt'an jaqinakasti yatiñarusa, yatichäwirus jisk'achapxiwa.

Proverbios 5:12

Ukkhakiw jumax säta: “¡Janik yatichäwi arunakar jisk'achkpachänti! ¡Janik chiqachäwi arunakarus apanukkpachänti!

Isaías 1:5

Jumanakax Tatitur saykatañakpin munasipktaxa, janchinakaman janiw kawkhat jawq'antañas utjkxiti. P'iqimax q'ala chhuxriñchjatawa, ch'amamas janirakiw utjkxiti.

Isaías 29:13

Tatitusti sarakituwa: “Aka markax pata chuymakiw arkitu, lakanakapampikiw nayarux jach'añchitu, ukampisa chuymapax nayat jayankaskiwa, nayar yupaychapkitu ukaxa, jaqin amtataparjamakiwa.

Isaías 31:1

¡Ay, kunakïkani, khitinakatix Egiptor yanap mayir sarapki ukanakatakixa, uka walja carronakaparu, caballerianakaparu alkatasipki ukanakatakixa, jupanakax janiw Israelan Qullan Diosapar uñtapkiti, janirakiw thaqhapkisa!

Isaías 43:22

“Ukampis jumax, Israel, Jacobun markapa, janiw yupaychkistati, jan ukasti nayat qarjastawa.

Isaías 9:12

12 (11) Inti jalsu tuqitxa, sirio jaqinakaw nuwantapxi, inti jalanta tuqitsti filisteo jaqinakarakiw nuwantapxi. Israel markarux maypach uquntapxi. Ukampisa Tatitun phiñasiñapax janiw apaqtkiti, jichhas jupax mayamp ukham lurañ amtaskakiwa.

Jeremías 13:25

Israel, ukaw jichhax juman tukuyamaxa, ukarak nayat katuqañ muntaxa. Naya, Tatituw uk arsta. Nayatsti armasxistawa, k'ari diosanakaruw iyawsaraktaxa.

Jeremías 2:30

Inamayaw wawanakamarux mutuytxa, jan wali luratanakapatxa janiw kuttaniñ munapkiti, jumanakasti qhuru leonanakar uñtataw profetanakamarux jiwarayapxtaxa.

Jeremías 22:21

Suman sarnaqapkäyätas ukapachaw nayax jumanakar parlxayapxsma, ukampis janiw ist'añ munapkistati. Wayna kankañamatpach ukhampun sarnaqapxtaxa: ¡arunakax ist'añsti janipuniw munapktati!

Jeremías 32:33

Nayatakix maysa uñtapxäna, janiw uñkatañsa munapkitänti. Nayasti jupanakarux yatichaskapunirakïyätwa, ukampis janiw nayan yatichäwinakaxsa ist'añ munapkänti.

Jeremías 35:13

“Naya, Israelan Diosapa, taqi ch'aman Tatituw arsta. Jumarusti saraksmawa, jichhax Judá uraqinkiri, Jerusalén markankir jaqinakan ukar saram, jupanakarusti sarakim: ‘Recabita jaqinakat aka yatichäwi yatiqapxam, ukatsti arunakaxar ist'apxarakita. Naya, Tatituw uk arsta.

Jeremías 35:17

Ukat naya, Israelan Diosapa taqi ch'aman Tatitux sistxa: Judá uraqina, Jerusalén markan utjasir jaqinakxaruxa kunayman jan walinak apayanï, kuntix jupanakar yatiykäyäta taqi ukanaka. Nayasti jumanakarux parlxayapxsmawa, ukampis janiw nayarux ist'apkistati, jawsapxsmawa, ukampis jumanakax janiw jaysapkistati.’ ”

Jeremías 5:3

Tatay, jumax chiqa chuyman jaqinak thaqtaxa. Mutuytawa, ukampis janiw usuyasipkiti; aynacht'aytawa, ukampis janiw yatiqañ munapkiti. Chuymanakapsa qalat sipan juk'ampi qalarayasipxi, janirakiw chiqa thakhir kuttaniñsa munapkiti.

Ezequiel 22:24

“Jumasti Ezequiel, Israel markar sarakim: ‘Jumax jan jallu puriñampi, jan uma utjañampi mutuyat markätawa,

Ezequiel 24:13

“ ‘Jerusalén marka, nayax uka ñanqha juchanak luratamat q'umachañ munäyäsma, ukampis janiw q'umachatäktati. Nayax mutuykäm ukkhakiw q'umachat uñjasïta.

Sofonías 1:6

Ukatsti khitinakatix nayar arkkasin qhipar kuttapki ukanakarus tukjarakïwa, khitinakatix nayar jan thaqhapkitu, janirak nayar jiskt'asiris jutapki ukanakarus tukjäwa.”

2 Timoteo 3:16

Taqi Qillqatax Diosan amuyt'ayat arunakawa, ukasti yatichañataki, iwxt'añataki, chiqachañataki, q'uma jakañan sarnaqañ yatichañatak wali askiwa,

Hebreos 10:22

Ukat Diosarux chiqpach chuymampi, taqpach iyawsañampi, jan walinakat q'umachat chuymampi, janchinakasas q'uma umampi jariqat jak'achasipxañäni.