Sofonías 3:16 - Qullan Arunaka DC

¹⁶ Khä urux Jerusalén markarux sapxaniwa: “Sión marka, jan axsaramti, janirak amparamas jan ch'amanjam tukurakpanti” sasa.

Aymar Bibliia 1986

¹⁶ Qhä tiemponjja Jerusalén marcarojj: “Jan ajjsaramti Sión marca, janirac amparamas jan ch'amani, tucpanti” sataraquïniwa.

Qullan Arunaca

¹⁶ Qhä tiemponjja Jerusalén marcarojj: ‘Jan ajjsaramti Sión marca, janirac amparamas jan ch'amani, tucpanti’ sataraquïniwa.

Sofonías 3:16 Jak'a apnaqawi uñst'ayäwi

Job 4:3

Jumax waljaniruw nayrax yatichäyätaxa, pisi ch'amaniruw ch'amañchäyätaxa;

Isaías 25:9

Uka urunsti satarakïniwa: “Akapï jiwasan Tatitusaxa, juparuw iyawstan, juparakiw qhispiyistu, kusisipxañäni, k'uchirt'asipxañäni, jupaw qhispiyistu.”

Isaías 40:9

Jerusalén markan yatiyiripa, mä qullu patar makhatam, wali ch'amampirak art'asim, mä suma yatiyäwi yatiyañataki. Jerusalén marka, jan axsaras art'askakim, Judá uraqinkir markanakarusti yatiyarakim: “¡Jumanakan Diosamax akankiwa!” sasa.

Isaías 41:10

Jan axsaramti, nayaw jumampïskta, jan axsaramti, juman Diosamax nayäsktwa. Nayaw ch'amañchaskäma, nayarakiw yanapaskäma, atipjiri amparaxampiw uywaskäma.

Isaías 44:2

Nayätwa jumar irnuqir Tatitumaxa, janïra taykaman purakapat yurkta ukkhatpach jumarux sayt'aysma, ukatsti yanapt'araksma. Jacobun markapa, jan axsaramti, jumätaw nayan luqtirixaxa, nayan ajllisita markaxa,

Isaías 54:4

Jan axsaramti, janiw mä p'inqa uñjaskätati, janiw kuna jan wali arunaksa sapkätamti, janirakiw kunatsa p'inqaskxätati. Tawaqu kankañaman p'inqachatäkäyät uk armasxätawa, janirakiw mayampsa ijma warmirjam jisk'achapkäyätam uksa amtaskxätati.

Joel 2:21

Munat markaxa, walpun kusisim, janirak axsaramti, Tatitusti jach'a muspharkañ luräwinak lurani.

Zacarías 8:13

Judá markankirinaka, Israel markankirinaka, jumanakax yaqha markanak taypinxa taqinin ñanqhachat markäpxäyätawa, jichhax nayaw qhispiyapxäma, askiruw tukuyapxäma. ¡Jan axsarapxamti! ¡Ch'amañchasipxam!”

Zacarías 8:15

Jichhasti, Jerusalén markampiru, Judá markampirux aski lurañ amtta. Ukhamasti, jan axsarapxamti.

Juan 12:12

Walja jaqipuniw Pascua urutak Jerusalén markar sarapxäna. Qhipürusti, Jesusan uka markar puriniñap yatipxäna.

2 Corintios 4:1

Ukat nanakax jan qarjasipkti, Diosaw khuyapayasiñapan aka luräwi katuyapxitu.

Gálatas 6:9

Ukhamasti janiy aski lurañan qarjasiñäniti, luraskakiñäni ukaxa, Diosax wakisitaparuw waxt'äwip churistani.

Efesios 3:13

Ukat jumanakarux achikt'apxsma, jumanak layku t'aqhisitaxat jan ch'am laq'ayasipxamti, ukatsipana ukax jumanakatakix mä jach'añchäwiwa.

Hebreos 12:12

Ukhamasti, qarit amparanakama, aythaptat qunqurinakamsa ch'amañchas chiqaptayapxam,

Apocalipsis 2:3

Jumax llamp'u chuyma kankañanïtawa, sutix laykusti jan qarjasisaw wal t'aqhisiraktaxa.