Sofonías 2:11 - Qullan Arunaka DC

¹¹ Tatitusti jupanakampix wali axsarkañanak lurani. Markanakan diosanakapsa q'al t'unjani, taqi chiqan jakir jaqinakasa, quta wat'anakan jakir jaqinakas juparukiw yupaychapxarakini.

Aymar Bibliia 1986

¹¹ Diosasti jupanacampejj wali ajjsarcañäniwa. Take marcanacan diosanacaparusa t'unjaraquiniwa, jupaquiraquiw take chekansa yupaychatäni, uqhamaraqui islanacan jaquir jakenacansa.

Qullan Arunaca

¹¹ Diosasti jupanacampejj wali ajjsarcañäniwa. Take marcanacan diosanacaparusa t'unjaraquiniwa, jupaquiraquiw take chekansa yupaychatäni, uqhamaraqui islanacan jaquir jakenacansa.

Sofonías 2:11 Jak'a apnaqawi uñst'ayäwi

Génesis 10:5

Jafet chachan wawanakapaw jach'a quta thiyan jakapxäna, pachpa uraqipana, marka masinakaparjama, wila masinakaparjama, pachpa arupani.

Salmos 138:4

Tatay, arsutanakam ist'asinxa, akapachankir reyinakax jumaruw yuspagarapxätam.

Salmos 72:17

¡Reyin sutipax wiñayatakïpan; aytat kankañapasti intir uñtat utjapunpan! ¡Taqpach markanakax jupa tuq askinak katuqapxpan! ¡Taqpach markanakasti “kusisiñanïtawa” sapxpan!

Salmos 86:9

Tatay, jumaw taqpach markanak utjaytaxa, jupanakasti jumar yupaychiri, sutim jach'añchiriw jutapxani.

Isaías 2:18

taqi yaqha diosanakas q'ala tukjatäniwa.

Isaías 2:20

Uka urunsti jaqinakax diosanakapxa, apanukxapxaniwa, qurita, qullqit jupa pachpan lurasit diosanakxa, yupaychañatak lurasipkäna uka diosanakapxa, achakunakaru, chiñinakaruw churxapxani,

Isaías 42:10

Tatitur mä machaq q'uchu q'uchupxam, jayan utjapki uka markanakas juparux yupaychapxam, jach'a lamar qutasa, kunanakatix ukan utjki ukanakas yupaychapxam, quta iraman utjki uka markanakasa, uka markanakan jakirinakas yupaychapxam.

Isaías 42:4

Janiw samarkaniti, ch'amsa jiwt'ayaskaniti, aka uraqin chiqa kankaña utt'ayañapkama. Quta tuqinkir markanakasti, yatichäwinakap sum ist'apxani.”

Isaías 49:1

Jach'a quta tuqinkir markanaka, ist'apxita, jayankir markanaka, wal wal ist'apxita: Janïra nayax yurkta ukkhatpachaw Tatitux nayar jawsitu, nayax, taykaxan purakapankaskäyäta ukkhatpach sutix arsuraki.

Jeremías 10:11

(Jumanakasti, israelitanaka, Tatitur jan uñt'ir jaqinakarux sapxam: “Kawkïr diosanakatix alaxpachsa, akapachsa jan lurki ukanakax aka uraqit chhaqtayatäpxaniwa; janirakiw mayas ukanakat aka uraqin qhiparkaniti”).

Jeremías 46:25

Israelan taqi ch'amani Tatitupasti sarakiwa: “Tebas chiqankir Amón sat diosaparux mutuyarakïwa, Egiptorusa, diosanakaparusa, reyinakaparusa, faraonarusa, khitinakatix jupar alkatasipki taqi ukanakarus mutuyarakïwa.

Daniel (hebreo) 11:18

Uka qhipatsti quta thiyankir markanakaruw nuwantani, uka markanakatsti waljaniw amparapar jalt'apxani; ukampis ejerciton mä jilïripaw taqi ukanakan jan utjañapatak sayt'ani, amsta tuqinkir reyirusti mä p'inqa tukjani.

Oseas 2:17

17 (19) Lakapatsti Baal diosanakan sutinakap apaqä, janipuniw mayampsa ukanakax aytatäkxaniti.

Joel 2:11

Tatitusti, ejercitop nayraqatanxa, jach'a arup ist'asiyi. Ejercitopax waljanipuniwa, jupan arsutap phuqhirinakax jan jakt'kayawa. ¡Kunja jach'a axsarkañas Tatitun urupaxa! Janiw khitis juparux saykatkaspati.

Sofonías 1:4

“Judá markaruw mutuyä, Jerusalén markankirinakarux mutuyarakïwa. Nayaw, akawjan utjir jaqin lurata Baal diosat jilt'irinak q'al chhaqtayä, sacerdotenakapan sutinakapsa taqpach chhaqtayarakï.

Sofonías 3:9

“Kunapachatix uka urux purinini ukkhaxa, taqi markanakan parläwinakap q'umachä, taqinis nayar yupaychapxañapataki, taqinis nayar arkapxañapataki.

Zacarías 13:2

Taqi aka markansti nayax yaqha diosanakan sutinakapsa jan mayampi amtasiñatakiw t'unjä. Uka pachparakiw profetanaksa, taqi ñanqha ajayunaksa q'alpun tukjarakï. Naya, Tatituw uk arsta.

Zacarías 2:11

11 (15) Kunapachatix ukhamäni ukkhaxa, walja markanakaw Tatituru jaqkattapxani. Jupasti sarakiniwa: “Aka markanakasti nayan markaxarakïniwa. Nayasti ukkhax jumanak taypin jakarakï” sasa. Ukhamat jumanakax amuyapxäta taqi ch'amani Tatitun nayar khithanitapa.

Zacarías 8:20

Taqi ch'amani Tatitux siwa: “Yaqha markankir jaqinakasa, jach'a markanakan utjiri jaqinakas jutasipkakiniwa.

Zacarías 8:23

Khä urunxa, tunka yaqha markankir jan uñt'at jaqinakaw mä judío jaqirux isipat katuntasipxani, ukat sapxarakini: ‘¡Nanakax jumanakamp chikaw sarañ munapxta, Tatitun jumanakampïtap ist'apxta!’ ” sasa.

Malaquías 1:11

Taqi akapach uraqin nayarux jach'añchapxitu, taqi chiqanakan nayar jach'añchasax incienso q'aphiyapxi, ukatsti q'uma waxt'äwinakarak luqtapxitu.

Malaquías 1:14

Kawkïr jaqitix suma k'umar uywa nayar luqtañatak yaqhachkasina, mä usut uywaki luqtxitaspa ukax ñanqhachatäpan. Nayax ch'aman Reyïtwa, taqi markanakaw axsarapxitu.” Ukham siw taqi ch'aman Tatituxa.

Deuteronomio 32:38

¿Kawkinkarak waxt'anakam aparapipkäyäta, wilañchanakam luqtapkäyät uka diosanakamasti? ¡Sartasipxpanay jumanakar yanapt'iri! ¡Jutapxpanay jumanakar arxatiri!

1 Timoteo 2:8

Ukhamasti, chachanakan Tatitut taqi tuqin mayisiñap nayax munta, q'uma chuymampi amparanakap luqtasa; jan q'apisiñampi, jan ch'axwañampi.

Apocalipsis 11:15

Paqallqür angelasti trompetap phust'äna, ukatsti alaxpachan jach'at art'asir arunakaw ist'asïna: “Akapach markanakax Tatit Cristosaruw jaqkattxapxi, jichhax jupaw wiñayan wiñayapatak marka apnaqani” sasa.