Sofonías 2:10 - Qullan Arunaka DC

¹⁰ Ukäniw Moab markampina, Amón markampin mutuyäwipaxa, Tatitun markapar jisk'achapxatapata, uraqinakapsa jach'a ch'aman Tatitun markapan uraqinakapampi jach'aptayasipxatapata.

Aymar Bibliia 1986

¹⁰ “Ucäniwa Moab marcana Amón marcampina mutuyawïpajja. Diosan marcaparu jisc'achapjjatap laycu, uqhamaraqui orakenacapsa jach'aptayasipjjatapata jach'a ch'aman Diosan marcapan orakenacapampi.

Qullan Arunaca

¹⁰ “Ucäniwa Moab marcana Amón marcampina mutuyawïpajja. Diosan marcaparu jisc'achapjjatap laycu, uqhamaraqui orakenacapsa jach'aptayasipjjatapata jach'a ch'aman Diosan marcapan orakenacapampi.

Sofonías 2:10 Jak'a apnaqawi uñst'ayäwi

1 Crónicas 16:21

Diosax janiw khitin t'aqhisiyañapsa munkänti; reyinakarus akham sasaw iwxt'äna:

Éxodo 10:3

Moisesampi, Aaronampisti faraonan ukar sarasin jupar sapxäna: —Hebreonakan Tatit Diosapax akham siwa: “¿Kunapachkamarak nayatak jach'a jach'a tukuskakïtasti? Markaxar khithanukxam, nayar yupaychir sarañapataki,

Éxodo 9:17

Ukhamäkipansa, jumax markaxar jark'askaktawa, janiw sarxañapatak antutañsa munktati.

Isaías 16:6

Moab markankirinakasti jach'a jach'a tukur jaqinakäpxiwa: taqinitsa juk'amp jach'anakäpkaspas ukham amuyasipxi, mayninakarus jisk'achasiñampiw uñkatapxi. ¡Ukampis pantjatäpxiwa!

Jeremías 12:14

Tatitusti Israel marka jak'ankiri ñanqha markanakaruxa, kawkïr uraqtix jupax Israel markaparu mä tuti churki uka uraqi t'unjirinakarux akham siwa: “Nayaw uka markanakarux uraqinakapat jik'inukü, Judá markarusti jupanak taypitxa apsunxarakïwa.

Jeremías 48:14

“Moab markax jan siskpati: ‘Nanakax jan kuna axsarir jaqinakäpxtwa, nuwasïwin nuwasir ch'aman jaqinakäpxtwa’ sasa.

Jeremías 48:29

Moab markan jach'a jach'a tukurïtap yatipxtanwa, jach'a jach'a tukutapa, jisk'achirïtapa, jan axsartir chuymanïtapsa.

Lamentaciones 1:9

Isipasti q'ala q'añuchjatapuniwa; ukhamar puriñ janiw amuykänti. Aynacht'atapasti jan amuyt'kayapuniwa; janiw jichhax khiti chuymachiris utjkiti. ¡Tatay, nayan t'aqhisitax uñtanitaya, uñisirinakaxan jach'a jach'a tukutapsa uñtanimaya!

Ezequiel 25:6

“ ‘Naya, Tatituw sistxa: Juma amonita jaqinakax amparanakam t'axllisipxtaxa, kusisiñatsa sink'usipxtawa, Israel markarusti jisk'achapxaraktawa.

Daniel (hebreo) 4:37

37 (34) “Ukat jichhaxa, naya, Nabucodonosor reyix alaxpachankir Reyiru yupaychta, jach'añchta, waqaycharakta, jupan luräwinakapax chiqapapuniwa, jach'a jach'a tukurinakarusti jisk'achjarakiwa.”

Abdías 1:11

Kunapachatix uñisirinakax markan qamir yänakap q'ipsupkäna, yaqha markankir soldadonakax Jerusalén markan punkunakap t'unjapkäna ukapachaxa, ¡jumax jan kun yatiriw tuktaxa! Kunapachatix jilt'ir yänakapsa aljasipkäna, taqi imasit yänakapsa apasxapxän ukkhaxa, ¡jumax jupanakjamaw tuktaxa!

Abdías 1:3

Jach'a jach'a tukutamaw sallqjtamxa. ‘Janiw khitis liwiqkitaspati sistawa: Nayax qarqa p'iyanakan jakasta, alay qullunakan utjasirakta’ sasa.

Sofonías 2:8

Israel markan jach'a ch'aman Tatitu Diosapax akham siwa: “Nayax Moab markan jan wali parlatanakap ist'twa, Amón markan ñanqha arunakapsa ist'araktwa. Jupanakax markaxaruw jisk'achapxi, markaxan uraqinakap katuntasisax uraqinakapsa jach'aptayasipxarakiwa. Ukat naya jakkiri Tatitux arsta: Moab markasti Sodoma markjamaw tukuni, Amón markasti Gomorra markjamarakiw tukuni, uraqinakapansa ch'aphinakakiw jilxani, jayu uraqiruw tukuni, wiñayatakiw ch'usa wasar uraqir tukuni. Markaxat jilt'ir jaqinakaw uraqinakap aparasin katuntasipxarakini” sasa.

1 Pedro 5:5

Ukhamaraki, jumanakax waynanaka, Diosan markap irpirinakarux ist'apxam. Taqiniw maynit maynikam llamp'u chuymamp ist'asipxañama, qillqatan siwa: “Diosax jach'a jach'a tukurinakarux jisk'achiwa, llamp'u chuymaninakarusti munasiñapampiw yanapi.”