Sofonías 1:7 - Qullan Arunaka DC

⁷ ¡Tatit nayraqatan amukt'apxam, Tatitun mutuyañ urupaw jak'achasini! ¡Taqi kunas wakicht'atawa! ¡Jawsatanakax akankxapxiwa, ¡Markaxarux q'al jiwarayä!

Aymar Bibliia 1986

⁷ “¡Amuct'apjjam Dios nayrakatana, Tatitun urupawa jac'achasini! Ucatsti Diosaraquiwa mä sacrificio waquichi jupan arquirinacaparu.

Qullan Arunaca

⁷ “¡Amuct'apjjam Dios nayrakatana, Tatitun urupawa jac'achasini! Ucatsti Diosaraquiwa mä sacrificio waquichi jupan arquirinacaparu.

Sofonías 1:7 Jak'a apnaqawi uñst'ayäwi

Job 24:1

¿Kunatarak taqi ch'aman Diosasti juchañchañatak urunak jan wakt'aykpachasti, ukhamat jupar munasirinakan uñjapxañapatakisti?

Salmos 46:10

10 (11) “¡Amukt'xapxam! ¡Nayan Diosätax yatipxam! ¡Nayax markanakat juk'ampïtwa! ¡Uraqitsa juk'ampirakïtwa!”

Isaías 13:3

Jan axsarir jaqinakaxarux niyaw jawsayta, ch'axwan nuwasirinakaxarusti arux churarakta, khitinakatix atipjataxat kusisipki ukanakar mutuyapxañapataki.”

Isaías 13:6

Babiloniankirinaka, wararipxam, Tatitun taripañ urupax jak'ankiwa, taqi ch'aman Tatitux mä t'aqhisiyañampiw purini.

Isaías 2:12

Kunürutix taqi ch'aman Tatitux sartkani uka urux jak'achasisinkiwa, uka urun jach'a jach'a tukurinakasa, p'iqi waytat jaqinakasa jisk'achjatäpxaniwa,

Isaías 29:2

nayaw Jerusalenarux jan walt'añar uchaskä, warariñanakampi, ayquñanakampiw utjani. Markasti ninampi nakhantayatäniwa, kunjämtix uywa waxt'anakax altaran nakt'ayatax ukhama.

Isaías 34:5

Jïsa, Tatitun espadapax alaxpachan uñsti, Edom markxaruw purini, uka markasti jiwañar katuyatawa.

Isaías 34:6

Edom markan Bosrá sat markan qamapanxa, mä jach'a jiwarayäwiw utjani, wilas umjamaw jalarakini. Tatitun espadapasti wilampi, lik'impi jawikipatäniwa, kunjämatix ovejanakasa, cabritonakas waxt'äwitak kharsutax ukhama.

Isaías 6:5

Nayasti sarakïyätwa: “¡Ay, kunakïkan nayatakixa, jichhax jiwapunïwa! Nayraxampiw taqi ch'amani Tatitu Reyirux uñjta, nayasti jucharar jaqïtwa, jucharar jaqinak taypin jakarakta” sasa.

Jeremías 46:10

Aka urusti taqi ch'aman Tatitun urupawa, uñisirinakapat phuqsusiñ uruwa. Espadasti sist'asiñkamaw chhuxriñchjani, wilampis machjaskaspa ukhama. Tatitusti amsta tuqina, Éufrates jawira jak'an jaqinak jiwarayani.

Ezequiel 7:10

“¡Akax uka uruxa! ¡Purinxiwa! ¡T'unjatäñax purinxiwa! Taqi chiqansa ñanqha lurañanakakiw utjaski, jaqinakan ñanqha luratanakapasti sintipunïxarakiwa.

Ezequiel 7:7

Aka uraqin utjir jaqinaka, t'unjatäñ urux purinxiwa. Pachax purinxiwa, jan walt'añ uruw jak'ankxi. Qullunakan kusisiñax tukusxarakiniwa.

Joel 1:15

¡Ay kunakïkani, Tatitun urupaw jak'achasisinki! ¡Axsarkañ uruw jutaski, taqi ch'aman Tatitusti t'unjañanak apaniraki!

Joel 2:11

Tatitusti, ejercitop nayraqatanxa, jach'a arup ist'asiyi. Ejercitopax waljanipuniwa, jupan arsutap phuqhirinakax jan jakt'kayawa. ¡Kunja jach'a axsarkañas Tatitun urupaxa! Janiw khitis juparux saykatkaspati.

Joel 2:31

31 (4) Intix ch'amakt'aniwa, phaxsis wilaruw tukuni, Tatitun axsarkay jach'a urupa janïra purinkipana.”

Amós 6:10

Axsarañasti wali jach'apunïniwa, maynitix wila masipan jiwat janchipa waytas utat anqar apsuni ukkhaxa, utankiriruw jiskt'ani: “¿Khitimpich utjaski?” sasa. Utankiristi: “Janiw utjkiti” saniwa. Maynïristi sarakiniwa: “¡Amukt'am, Tatitun sutipraki akatjamat arsuskasma!” sasa.

Amós 8:3

Uka urux reyin jach'a utapan q'uchutanakax llakisiñaruw tukuni. Walja jaqinakaw jiwarapxani, jiwat janchinakapasti anqar jaqtatarakïniwa. Tatituw ukham arsu.

Habacuc 2:20

Ukampis Dios Tatitux qullan utapankaskiwa: “¡Jupa nayraqatan taqi akapachan jakir jaqinakax amukt'apxpan!”

Sofonías 1:14

¡Tatitun jach'a urupax jak'achasisinkiwa! ¡Jak'ankiwa, jank'akiw purinini! Tatitun jutäwip urusti wali jachañ urüniwa, jan axsarir ch'aman jaqinakas axsarañat wararipxaniwa.

Zacarías 14:1

Jerusalén marka, Tatitun urupax jutaskiwa, kunapachatix juma taypina, yänakam aparasax lakirpayatäkani uka uru.

Zacarías 2:13

13 (17) ¡Taqi akapachankir jaqinaka, Tatitun nayraqatapan amukt'apxam, jupasti qullan jakäwipatpach jiwasanak taypir jutaski!

Malaquías 4:1

1 (19) Taqi ch'aman Tatitux siwa: “Urux jak'achasisinkiwa, hornor uñtat parintata, uka urusti taqi jach'a jach'a tukurinakampi, ñanqha luririnakampix jichhur uñtataw nakhantani. Uka uru purinkani ukapachaw jupanakar saphitpach nakhantani, janirakiw kunas jupanakat jilt'kaniti.

Mateo 22:4

Yaqha uywatanakaparuw wasitat khithäna akham iwxt'asa: ‘Jawsayatanakar sapxam, manq'ax wakicht'atäxiwa. Suma vacanaka, lik'i uywanakas khariratäxiwa, taqi kunaw wakichatäxi; manq'äwir jutapxpan’ sasa.

Romanos 3:19

Kuntix kamachix siski uk yatipxtanwa, khitinakatix kamachirjama sarnaqapki ukanakaruw parli, taqin amukt'apxañapataki, taqi akapachankirinakax Diosan taripäwipar puriñapataki;

Romanos 9:20

Juma jaqisti, ¿khitirakïtasti Diosar jaychasiñamatakisti? ¿Ñiq'it lurat phukhux luriripar saspati: “Kunatsa ukham lurista sasaxa?”

Filipenses 4:5

Taqi jaqinakasti jumanakarux suma chuymanïpxatam uñt'apxpan. Tatitux niyaw jutaski.

Colosenses 1:12

Dios Awkir yuspagarapxäta, juparakiw jumanakar wakichapxtam uka waxt'asïwip qhanan katuqapxañamataki, uksti Diosax jupan qullan markaparuw churani.

1 Samuel 16:5

Samuelux sarakïnwa: —Jïsa, sumankañampiwa. Tatituru mä wilañcha luqtiriw jutta. Jichhax q'umachasipxam, ukatsti nayamp chika wilañcha luqtir sarapxam —sasa. Ukatsti Samuelux jank'akiw Jesé chachampiru, yuqanakapampirux q'umachäna, ukatsti wilañcha luqtir sarañatakiw jawsarakïna.

1 Samuel 20:26

Uka urusti Saúl reyix janiw kunsa kamskänti, amuyupansti sänwa “Kuna jan wali q'añuchasïwiruw purpacha, ukat jichhax q'umachasiskpacha” sasa.