Sofonías 1:6 - Qullan Arunaka DC

⁶ Ukatsti khitinakatix nayar arkkasin qhipar kuttapki ukanakarus tukjarakïwa, khitinakatix nayar jan thaqhapkitu, janirak nayar jiskt'asiris jutapki ukanakarus tukjäwa.”

Aymar Bibliia 1986

⁶ Ucatsti tucjaraquïwa take qhitinacatï nayar arccasina sarakapqui ucarojja, uqhamaraqui jan nayarusa thakapquitu ucarusa, ni nayaru jisct'asiris jutapqui ucanacarusa.”

Qullan Arunaca

⁶ Ucatsti tucjaraquïwa take qhitinacatï nayar arccasina sarakapqui ucarojja, uqhamaraqui jan nayarusa thakapquitu ucarusa, ni nayaru jisct'asiris jutapqui ucanacarusa.”

Sofonías 1:6 Jak'a apnaqawi uñst'ayäwi

2 Samuel 22:22

Nayax Tatitun thakhipanjam sarnaqta, ¡janipuniw Diosaxat saraqaskti!

2 Crónicas 15:13

Maynitix Israelan Tatitu Diosapar jan thaqkaspa, jisk'äpasa, jach'äpasa, chachäpasa warmïpasa ukax, jiwañapatak juchañchatäñapatakiw arsupxäna.

Salmos 10:4

Ñanqha lurir jaqix, nasa qhiwtasaw arsu: “Janiw Diosax utjkiti, janiw khitis lurataxat wayt'irix utjkiti” sasa. Ukak jupax lup'iski.

Salmos 125:5

jan wali thakhinjam saririnakarusti, ñanqha luririnakampi chik aynacht'ayam. ¡Israel markansti samarañax utjpan!

Salmos 36:3

3 (4) Q'añu arunak parlir k'ari jaqiwa, aski lurañanakxa, janipuniw amuykiti.

Isaías 1:4

¡Ay, jucharar jaqinaka, ñanqhampi phuqhantat marka, ñanqhanak lurir jaqinakat saraqirinaka, jan ist'asiri ñanqha wawanaka! Tatitut jayarst'atäpxtawa, Israelan Qullan Diosaparux apanukuwayapxtawa, qhiparuw kutt'awayxapxta.

Isaías 43:22

“Ukampis jumax, Israel, Jacobun markapa, janiw yupaychkistati, jan ukasti nayat qarjastawa.

Isaías 9:12

12 (11) Inti jalsu tuqitxa, sirio jaqinakaw nuwantapxi, inti jalanta tuqitsti filisteo jaqinakarakiw nuwantapxi. Israel markarux maypach uquntapxi. Ukampisa Tatitun phiñasiñapax janiw apaqtkiti, jichhas jupax mayamp ukham lurañ amtaskakiwa.

Isaías 9:13

13 (12) Ukampis jupanakar mutuyir Tatiturux janiw makhatapkiti; janirakiw taqi ch'amani Tatiturus thaqapkiti.

Jeremías 10:25

Jumaru jan uñt'ir markanakaru, jumaru jan art'asiri markanakarux q'apisiñamampi mutuyam, jupanakax q'alpun t'unjapxitu, markarus jan walt'añaruw puriyapxi.

Jeremías 15:6

Jumax nayar apanukuwayistawa, maysa uñtxaraktaxa. Naya, Tatituw arsta. Ukatpï nayax, llamp'uchasiñan qaritäxatax laykuw jumar mutuysma, q'al t'unjaraksma.

Jeremías 2:13

“Markaxax pä jach'a juchanak luri: Naya suma jakañ umarusti, apanukuwayapxituwa, ukatsti jupanakax pachpa phuch'unakap allisipxi, uka phuch'unakaparusti umax janiw sayt'karakiti.

Jeremías 2:17

Taqi akanakasti nayar apanukutam laykuw ukham t'aqhisiyapxaraktam, naya, Tatitu Diosamaru, jumar irpiriru apanukutamata.

Jeremías 3:10

Taqi ukanakïpansa, ukham jan wal lurir Judá markax janiw nayan ukarux taqi chuymapampi kuttankiti, jan ukasti nayarux sallqjituwa. Naya, Tatituw uk arsta.”

Ezequiel 3:20

Ukhamarakiw utjaspa, mä aski jaqix uka aski kankañap apanukxas jan walinak luraspa, nayas juparux jan walt'añar nukt'irista; ukampis jumatix uka jaqir jan amuyt'aykätaxa, uka jaqix jiwaniwa. Nayatakisti uka aski luratapax janiw kunäkanisa, jupax juchap laykuw jiwani, uka jaqin jiwatapatsti jumaruw wayt'äma.

Oseas 11:7

Ukhampachas markaxax nayat jayankañ munaskakiwa; diosanakarus art'asisipkakiwa, ukampis janiw khitis jupanakar yanapt'irix utjkiti.

Oseas 7:10

Jach'a jach'a tukutapaw Israelarux aynacht'ayaski, ukhamäkipansa, janiw Tatit Diosapar kuttanipkiti, janirakiw thaqtapkisa.

Oseas 7:7

Taqi jupanakax mä hornjamaw nakhapxi, marka apnaqirinakaparus nakhantasa. Reyinakapas aynacht'awayxapxiwa, janirakiw maynis nayar art'asinirix utjkiti.

Sofonías 3:2

Tatitun aruparux janiw ist'känti, chiqachäwi arunaksa janiw ist'añ munkänti, Diosaparus janiw katuyaskänti, juparus jak'achasiñ janiw munkarakïnti.

Romanos 3:11

Janiw khiti amuyt'asiris utjkiti; janirakiw Diosar thaqhirix khitis utjkiti.

Hebreos 2:3

¿Kunjämarak uka jach'a qhispiyasiñar jan yäqkañän ukasti mutuyatäñat jaltañänisti? Pachpa Tatituw uka qhispiyasiñat nayraqat yatiyäna, ukatsti khitinakatix uka qhispiyasiñat ist'apkän ukanakarakiw jiwas taypin qhanañchistäna.

Josué 23:12

Nayax jumanakan yatipxañam munta: jumanakatix Tatitut armasipxäta, ukatsti jumanak taypin qhiparki uka jaqinakampi chikachasipxäta, jupanakampis jaqichasipxarakïta ukaxa, Tatitu Diosamax janiw uka markanakarux jumanak nayraqatat jaqunukkaniti, jan ukasti Diosax qänar uñtata, sipitar uñtataw jupanakarux apnaqani, jikhaninakamatakix jawq'añar uñtata, nayranakamatakisti ch'aphir uñtata, jumanakat jan maynis kawkïr uraqtix Tatitux churapktam uka uraqin qhiparapxañamkama.

1 Samuel 15:11

—Saúl chachar reyit utt'ayataxat walpun amtasta, jupasti nayat jithiqtituwa, janirakiw arsutanakaxsa phuqkiti —sasa. Uk ist'asasti Samuelux wali mayjt'asïna, uka arum paqarirakiw Tatituru achikt'asïna.