Sofonías 1:5 - Qullan Arunaka DC

⁵ Uta patanakar mistusin warawaranakar yupaychirinakarux tukjäwa, Tatitun nayraqatapan killt'askasa, jaqin lurat Milcom sat diosan sutip layku juramento luririnakarux tukjarakïwa.

Aymar Bibliia 1986

⁵ Uqhamaraquiwa tucjaraquï cawquïri jakenacatï uta patanacar mistusina warawaranacar yupaychapqui ucanacarusa, ucatsti cawquïri jakenacatï quillt'asisina juramento lurapqui nayan sutejja aytasisina, uqhamarac Milcom sat diosan sutip aytasisasa, ucanacarojja.

Qullan Arunaca

⁵ Uqhamaraquiwa tucjaraquï cawquïri jakenacatï uta patanacar mistusina warawaranacar yupaychapqui ucanacarusa, ucatsti cawquïri jakenacatï quillt'asisina juramento lurapqui nayan sutejja aytasisina, uqhamarac Milcom sat diosan sutip aytasisasa, ucanacarojja.

Sofonías 1:5 Jak'a apnaqawi uñst'ayäwi

1 Reyes 11:33

Salomonax nayar apanukutuwa, sidonionakan Astarté sat diosaparuw yupaychxi; moabitanakan Quemós sat diosaparu; amonitanakan Milcom sat diosaparuw yupaycharaki. Jupan luratanakapasti nayan nayraqataxan janiw sumäkiti, janirakiw kamachinakaxsa, arsüwinakaxsa phuqkiti, kunjämtix David awkipax lurkän ukhama.

1 Reyes 11:5

Salomonax sidonionakan Astarté sat diosapampiru, amonitanakan Milcom sat axtkañ diosapampiruw yupaychäna.

1 Reyes 18:21

Ukatsti Eliasax taqpach markar jak'achasisaw säna: —¿Kunapachkamarak jumanakasti pä chuyma sarnaqapxätasti? Tatitutix chiqpach Diosächixa, juparuy arkapxam, jan ukax Baal diosatix chiqächixa, jupar arkapxarakim —sasa. Markachirinakax janiw kamsapkänsa.

2 Reyes 17:32

Ukhamarus, jupanakax Tatituruw yupaychapxäna, ukampis jupanak taypit sacerdotenak utt'ayasipxäna, qullu patanakan utjir yupaychañ chiqanakan luqtapxañapataki.

2 Reyes 17:33

Ukhamasti, jupanakax Tatitur yupaychapkchïna ukasa, jupanakan yaqha diosanakaparux yupaychasipkakïnwa, kawkha markanakattix apanitäpkatayna uka markanakan saranakaparjam lurasa.

2 Reyes 23:12

Ukhamarus kawkïr altaranaktix Judá marka apnaqir reyinakax Ahaz chachan utap patar lurapkatayna uka altaranak t'unjäna, ukhamaraki kawkïr altaranaktix Manasés chachax, Tatitun utap anqäxanakan lurkatayna ukanaksa; t'unjasasti t'unanakapxa Cedrón jawiraruw willtanïna.

Isaías 22:1

Unañchäwinak uñjañ qhirwataki profecía arunaka: ¿Kunas kamachi, taqinis uta patarkamakis mistupxixa?

Isaías 44:5

Maynisti: ‘Nayax Tatitunktwa’ saniwa, maynisti: ‘Jacobut saraqirïtwa’ sarakiniwa, maynïrix: ‘Tatitunktwa’ sasaw amparapar qillqt'asini, jupan sutipxarusti Israel sutimpiw yapt'asirakini.”

Isaías 45:23

Kuntix siskta ukax chiqapawa, uka arsutaxasti phuqhasipuniniwa. Naya nayraqatan taqi jaqinakax killt'asipxani, nayarukiw yupaychapxitani. Kuntix nayax arskta ukax ukhamapunïniwa.

Isaías 48:1

“Jacobun wila masipa, aka arunak ist'apxam, jumax Israel suti aptaxa, Judá chachat saraqirïtawa; Tatitun sutipxaruw juramento lurtaxa; Israelan Diosaparuw art'astaxa, ukampis janiw chiqa chuymamax utjkiti, janirakiw askïktasa;

Jeremías 12:16

Jupanakaw markaxarux Baal diosatak juramento lurañsa yatichapxäna, ukampis jichhax markax taypin utjnuqapxaspawa, ukampis jupanakax nayan yatichäwinakaxaruw jaysapxañapa, ukatsti nayan sutixar juramento lurañ yatiqapxañaparaki: ‘Tatitux jakaskiwa’ sasa.

Jeremías 19:13

Jerusalenankir utanakasa, Judá uraqinkir reyinakan utanakapasa, kawkhantix yaqha diosanakar inciensonak luqtasipkäna, vino waxt'äwinak warapkäna uka uta patanakasa, q'añu chiqanakat uñt'atäniwa, kunjämäkitix Tófet chiqax ukhama’ ” sasa.

Jeremías 32:29

Babilonio soldadonakax Jerusalén markaruw nuwantapxani, ukatsti kawkïr utanakantix Baal diosar incienso luqtasipxirïkäna, vinonaksa yaqha jan uñt'at diosanakar luqtapxirïkän taqi uka utanak phichhantapxani; ukham yaqha diosanakar yupaychapxatapampisti nayaruw q'apisiyapxitäna.

Jeremías 4:2

Kunapachatix nayan sutixar juramento luräta ukkhasti, nayampisa, taqinimpisa chiqa chuymampi luram. Ukhamat jumar munatax layku, taqi markanakarux askinakax churarakï, uka markanakasti nayaruw yupaychapxarakitani” sasa.

Jeremías 49:1

Tatitun arunakapa, Amón markataki: “¿Kawkinkis Israel markan wawanakapaxa? ¿Kawkinkis tuti katuqirinakapaxa? ¿Kunatsa jichhax Gad uraqix Milcom sat diosankxi? ¿Kunatsa amonitanakax Gad uraqin markanakapan jakapxi?

Jeremías 5:2

Yaqhipanakax Tatitun sutipxaruw juramento lurasipki, ukampis uka juramento luratanakaparux janiw phuqhapkiti” sasa.

Jeremías 5:7

Tatitux siwa: “¿Kunjämsa jichhax taqi ukanak pampachäma? Wawanakamax nayar apanukupxituwa, ukatsti jan chiqa diosäpki ukanakxaruw juramento lurapxi. Jupanakarux jilarkir manq'añ churta, ukampis taqpachaniw yaqha diosanakar yupaychapxaraki.

Jeremías 7:10

taqi ukanak lurasinsti, nayar luqtatäki uka utaxarux jutapxaraktawa, nayan nayraqataxar uñstiri. Aka utan suma uñjatäpkasmas ukham amuyasipxtaxa, ukatsti utaxat mistxasinxa taqi jan walinak lurasipkaktawa, uka luratanakamax axtasiyituwa.

Jeremías 7:9

Lunthatapxta, jaqi jiwayapxta, wachuqa juchan sarnaqapxta, k'ari juramentonak lurapxta, Baal diosar inciensonak luqtasipxta, ukatsti yaqha diosanakaruw yupaychapxaraktaxa, ukanakampix janiw kuna lurañanakamas utjkiti,

Jeremías 8:2

Uka ch'akhanaksti uraqiruw willitatapxani, intinsa, phaxsinsa, taqi warawaranakansa uñjkat willinukutäniwa, jupanakax ukanakaruw yupaychapxatayna, arkapxatayna, jiskt'asipxarakitayna. Janirakiw khitis uka ch'akhanak imt'xañatakix apthapkaniti. Jan ukasti pachpa uraqiruw qhiparani, q'añu t'unar uñtata.

Oseas 10:2

Israelan chuymapax payar jaljtatawa, jichhasti juchanakapat mutuyatarakïniwa. Tatitux uka altaranakap t'unthapiniwa, qullana qalanakapsa q'al tukjarakini.

Oseas 4:15

“Israel marka, jumax wachuqa jucha lurañan sarnaqtaxa, Judá markakisay uka juchxa jan lurkpati. ¡Jan jumanakax Guilgal chiqarux sarapxamti, janirak Bet-avén qullurus makhatapxamti, Tatit laykus janipun juramento lurapxamti!

Amós 5:26

Ukampis jichhax Sicut, Quiiún, jumanakan lurat uka diosanakam apasxapxañamäniwa.

Mateo 6:24

“Janiw khitis pani uywirir luqtkaspati, maynirux munasiniwa, maynirusti uñisiniwa, jan ukax maynirux alkataniwa, maynirusti jisk'achaniwa. Diosampiru, qamir yänakampirux janiw khitis luqtkaspati.

Hechos 10:9

Qhipürusti, soldadompi, uywatanakampix Jope markaruw jak'achasisipkäna, ukchañkamasti Pedrox uta pata qamañawjaruw Tatitut mayisir makhatäna. Ukasti niya chika urünwa.

Romanos 14:11

Qillqatan siwa: “Nayax chiqpachan jakasktwa, siw Tatituxa, naya nayraqatan taqi jaqinakaw killt'asipxani, taqinirakiw Diosarux yupaychapxani” sasa.

Deuteronomio 10:20

“Tatit Diosamar jach'añchapxam, jupa saparuk yupaychapxarakim; jupar jaysirïpxam, juramento lurapkäta ukkhasti Diosan sutipxar lurapxam.

Deuteronomio 4:19

Ukatsti alaxpach uñtasina, intiru, phaxsiru, warawaranakaru, taqpach warawaranakar uñtapkät ukapachaxa, jan ukanakar yupaychapxamti, ukanaksti Tatit Dios awkisaw taqi akapach uraqinkir markanakatak luri.

Josué 23:7

Jumanak taypin jakapki uka yaqha markankir jaqinakampix janipun chikachasipxamti, janiraki diosanakaparus yupaychapxamti, jaysapxamsa; sutinakapsa janipun aytasipxamti, jupanak laykus juramento lurapxamti.