Sofonías 1:4 - Qullan Arunaka DC

⁴ “Judá markaruw mutuyä, Jerusalén markankirinakarux mutuyarakïwa. Nayaw, akawjan utjir jaqin lurata Baal diosat jilt'irinak q'al chhaqtayä, sacerdotenakapan sutinakapsa taqpach chhaqtayarakï.

Aymar Bibliia 1986

⁴ “Amparajj aptä Judá marca contra, uqhamaraqui Jerusalén marcan jaquir jakenacaru mutuyañataqui. Ucatsti chhaktayaraquïwa take cunatejj Baal sat diosan utjqui ucanacjja, uqhamaraqui sacerdotenacapan sutinacapsa.

Qullan Arunaca

⁴ “Amparajj aptä Judá marca contra, uqhamaraqui Jerusalén marcan jaquir jakenacaru mutuyañataqui. Ucatsti chhaktayaraquïwa take cunatejj Baal sat diosan utjqui ucanacjja, uqhamaraqui sacerdotenacapan sutinacapsa.

Sofonías 1:4 Jak'a apnaqawi uñst'ayäwi

2 Reyes 21:13

Jerusalén markarux mutuyäwa, kamisatix Samaria markarusa, Ahab reyin saraqirinakaparus mutuykta ukhama. Uka markax ch'usaw tukuni, kamisatix mä chuwax aytirasin k'umpt'añäki ukhama.

2 Reyes 23:12

Ukhamarus kawkïr altaranaktix Judá marka apnaqir reyinakax Ahaz chachan utap patar lurapkatayna uka altaranak t'unjäna, ukhamaraki kawkïr altaranaktix Manasés chachax, Tatitun utap anqäxanakan lurkatayna ukanaksa; t'unjasasti t'unanakapxa Cedrón jawiraruw willtanïna.

2 Crónicas 34:4

jupan uñjkataw Baal diosan kunayman uñtasitanakapar lurat altaranakap tukjapxäna. Ukxarusti Josías reyix uka patxan utjiri, incienso nakhayañ altaranak t'unjayäna. Ukhamarak Astarté diosan uñtasitanakapsa, yaqha diosanaksa, ninamp umatatayas lurat diosanaksa jisk'a jisk'a tukjayäna; taqi ukanak laq'aruw tukuyäna, ukatsti khitinakatix wilañchanak luqtapkatayna ukanakan amay imäwipxaruw willxatapxäna.

Éxodo 15:12

¡Jumasti ch'amamampix uraqimpiw egipcionakar manq'antaytaxa!

Jeremías 15:6

Jumax nayar apanukuwayistawa, maysa uñtxaraktaxa. Naya, Tatituw arsta. Ukatpï nayax, llamp'uchasiñan qaritäxatax laykuw jumar mutuysma, q'al t'unjaraksma.

Jeremías 6:12

Utanakapasa, uraqinakapasa, warminakapasa yaqhankxaniwa. Nayaw amparax aytä, aka markan utjirinakar mutuyañataki. Naya, Tatituw uk arsta.

Ezequiel 25:7

Ukatpï jichhax jumanakarux mutuyapxämaxa, yaqha markanakaruw katuyapxäma, ukhamat jupanakan taqi yänakam aparañapataki. Jumanakarux q'al tukjapxäma, markanak taypitsa chhaqtayapxarakïmawa. Ukapachaw jumanakax nayan Tatitütax yatipxäta.’

Ezequiel 6:14

Mutuyäwixax jupanakatak sinti jach'apunïniwa. Uraqinakapsti alayat aynachkama, Riblá chiqat qalltasina, wasarkama, ch'usa laqaya wasararuw tukuyarakï. Ukapachaw yatipxani, nayan Tatitütaxa” sasa.

Oseas 10:5

Samariankir jaqinakax khathatipxiwa; Bet-avén chiqankir vaca qallu diosap chhaqhayasitapat jachapxi. Uka vaca qallutjamaw jaqinakasa, sacerdotenakas wararisipki, jach'a kankañapan chhaqtatapata.

Miqueas 5:13

13 (12) Yaqha diosanakamsa, axsarkañ qalanakamsa q'al t'unjä, kawkïr diosanaktix juma kipka luraskta ukanakarux jan mayampi yupaychxañamatakiw t'unjä.

Sofonías 2:11

Tatitusti jupanakampix wali axsarkañanak lurani. Markanakan diosanakapsa q'al t'unjani, taqi chiqan jakir jaqinakasa, quta wat'anakan jakir jaqinakas juparukiw yupaychapxarakini.

Sofonías 2:13

Tatitux alay tuqiruw amparap luqtani Asiria markar q'al t'unjañataki, Nínive markarusa jan jaqini ch'usa laqayaruw tukuyani, mä waña wasar uraqiruw tukuyarakini.