Sofonías 1:16 - Qullan Arunaka DC

¹⁶ uka urux trompet phust'añampi, warariñampiw ist'asini, suma uyuchrantat markanakaru, jach'a alaykam lurat pukaranakar t'unjañataki.

Aymar Bibliia 1986

¹⁶ Uca urojj trompetaw phust'asini, wararipjjaraquiniwa. Uca jach'a suma lurat utanacas, uqhamaraqui jach'a altocam lurata torrenacapas t'unjatäcani ucqhajja.

Qullan Arunaca

¹⁶ Uca urojj trompetaw phust'asini, wararipjjaraquiniwa. Uca jach'a suma lurat utanacas, uqhamaraqui jach'a altocam lurata torrenacapas t'unjatäcani ucqhajja.

Sofonías 1:16 Jak'a apnaqawi uñst'ayäwi

Isaías 27:13

Uka urunsti mä jach'a trompetaw phust'asini, khitinakatix Asiria markan katuntatäpkän ukanakaxa, Egiptor apayatäpkäna ukanakasa, Tatitur yupaychiriw Jerusalén qullana markar jutapxani.

Isaías 32:14

Reyin utapax apanukutäxaniwa; walja jaqin markasti jan jaqiniw tukuni; uka suma thuru pirqanakasti wiñayatak apanukutäniwa; ukansti monte asnonakax k'uchikiw jakasipxani, uywanakas ukan manq'asipxarakini.

Isaías 59:10

Mä juykhur uñtatakiw pirqar katt'asis sarnaqtanxa, janis nayranïksna ukhama; chika urunsti arumäkaspas ukham lanktasaw sarnaqtanxa; k'umaräkasinsa, jiwatäksnas ukhamätanwa.

Jeremías 6:1

¡Benjamín tuqin utjir jaqinaka! ¡Imantasiñ thaqtapxam, Jerusalenat jaltxapxam! Tecoa chiqan trompeta phust'apxam, Bet-haquerem chiqansti mä chimpu sayt'ayapxam, mä jach'a jan walt'añampi, mä jach'a aynacht'añampiw, amsta tuqit jutantaski.

Jeremías 8:16

¡Uñisirinakasax niyaw jutantapxi! ¡Dan siski uka chiqatsti niyaw caballonakapan samaqitapax ist'asi! Uka caballonakan qanchisitapatsti, taqi uraqpachaw khathatiraki. Taqi aka markaru, yänakapamppach t'unjiriw jutapxi, markanakarusa, ukan jakirinakarusa.”

Ezequiel 7:7

Aka uraqin utjir jaqinaka, t'unjatäñ urux purinxiwa. Pachax purinxiwa, jan walt'añ uruw jak'ankxi. Qullunakan kusisiñax tukusxarakiniwa.

Oseas 5:8

¡Guibeá chiqan nuwasiñatak putut phust'apxam, Ramá chiqansti trompet phust'apxarakim! ¡Bet-avén chiqansti p'arxtayapxam! ¡Benjamín ayllunkirinakarusti, amuyasipxpan sapxarakim!

Oseas 8:1

“¡Uñch'ukiri, Tatitun markapxarux trompetam phust'am! Markaxar t'unjirix mä pakar uñtataw jutaski. Markaxax jan ist'asiriwa; janiw arust'äwixarus phuqhkiti, janirakiw kamachinakaxarjamas arkkituti.

Joel 2:1

Jerusalén markan trompet phust'apxam; Tatitun utapan jach'at phust'apxam. Judá markan utjirinakas taqin khathatipxpan, Tatitun urupaw jak'achasisinki:

Amós 3:6

trompetan phust'asitap markan ist'aski ukkhaw jaqix wal sustjasi; Tatitux kuns apayanki ukkhaw jan walinakax markan utji.

Habacuc 3:6

Kunapachatix jupax sayt'ki ukkhax uraqis khathatiwa; uñtäwipampix markanakarus khathatiyiwa; nayrapach jach'a qullunakas allthaptiwa, jisk'a nayra qullunakas ina ch'usaruw tukupxaraki. Ukampis Tatitun thakhinakapax wiñayatakipuniwa.

Deuteronomio 28:52

“Uka jaqinakasti, Tatit Diosamax churapktam taqi uka markanakamar muyuntasaw t'unjapxani, jumanakan alkatasiñ jach'a thuru pirqanak tinkurayapxani.

Josué 6:20

Jaqinakax jach'at art'asipxäna, trompetanakan phust'atapas ist'asirakïnwa. Israelitanakax trompetanakan phust'atap ist'asasti, wali jach'at art'asipxäna, ukatsti Jericó markan uyu pirqanakapax mayak tinkxäna. Ukat taqiniw markar katuntañataki chiqak mantapxäna.