Sofonías 1:12 - Qullan Arunaka DC

¹² “Uka urunakanxa, Jerusalén markarux mä qhanampi qhant'ayasaw uñakipäxa. Kawkïr jaqinakatix jucha luratanakapat jan amthapisis qamasisipki ukanakarux mutuyäwa, chuymanakapansti sapxaraki: ‘¡Janiw Tatitux walsa jan walsa lurkaniti!’ sasa.

Aymar Bibliia 1986

¹² “Uca urunacanjja mä lamparampiw Jerusalén marcarojj uñaquiparaquï. Ucatsti mutuyaraquïwa cawquïri jakenacatï juchanacapan chhaktata inaqui kamasipqui, chuymanacapansti sapjjaraqui: ‘¡Janiw Diosajj walsa jan walsa lurcaniti!’ sasa.

Qullan Arunaca

¹² “Uca urunacanjja mä lamparampiw Jerusalén marcarojj uñaquiparaquï. Ucatsti mutuyaraquïwa cawquïri jakenacatï juchanacapan chhaktata inaqui kamasipqui, chuymanacapansti sapjjaraqui: ‘¡Janiw Diosajj walsa jan walsa lurcaniti!’ sasa.

Sofonías 1:12 Jak'a apnaqawi uñst'ayäwi

Job 21:15

¿Khitirak taqi ch'aman Diosasti jupar luqtaskañasatakisti? ¿Kuna askirak jikxattan jupa nayraqatan killisisasti?” sasa.

Salmos 10:4

Ñanqha lurir jaqix, nasa qhiwtasaw arsu: “Janiw Diosax utjkiti, janiw khitis lurataxat wayt'irix utjkiti” sasa. Ukak jupax lup'iski.

Salmos 14:1

Pisi chuyman jaqinakax siwa: “Janiw Diosax utjkiti” sasa. Taqiniw ñanqha lurir tukupxi; kunayman ñanqhanak lurapxi; ¡janiw khitis aski luririx utjkiti!

Salmos 94:7

Tatitux janis uñjkaspa ukham amuyapxi, Jacobun Diosapax janis amuykaspa ukham lup'ipxi.

Isaías 5:19

Jumanakasti sapxaraktawa: “Diosax jank'akiy uñjañasatak lurañanakap lurpan; Israelan Qullan Tatitupasti jank'akiraki amtäwinakap phuqpan, ukhamat uka amtäwinakap yatiñasataki” sasa.

Jeremías 10:5

Uka idolonakax melonanak yapuchat taypin, jamach'inakar sustjañatak jaqi t'ixitar uñtatäpxiwa; ukanakax janiw parlapkiti, janirakiw sarnaqapkisa, ukat ukanakarux q'ipnaqañax wakisi. Ukanakar jan axsarapxamti, janiw khitirus kuna ñanqhsa, asksa lurkiti.”

Jeremías 48:11

Moab markax sumakipuniw jakasiskäna, janipuniw kunapachas jaya markarux apayat uñjaskänti. Mä suma vinor uñtatänwa, mä chiqanakpun suman jakasiskäna. Ukatpï taqi kunas uka markatakix walikipunïskänxa, janirakiw saräwinakapsa chhaqhayaskänti.

Ezequiel 8:12

Ukatsti Tatitux sarakituwa: “Uñtam Israelan jilïrinakaparu. Sapa maynis diosanakaparuw jamasan yupaychasipki. Jupanakasti janis nayax ukanak uñjkirista ukham amuyapxi, aka markarux apanukkiristsa ukham amuyapxaraki” sasa.

Ezequiel 9:4

juparusti sarakïnwa: “Jerusalén marka muytam, ukatsti uka markan jan wali luräwinakap layku llakt'ata jikxatasir jaqinakan parapar mä chimpu uchäta” sasa.

Ezequiel 9:9

Tatitusti ukxarux sarakituwa: “Israel markampina, Judá markampin juchanakapax sinti jach'apuniwa. Uraqix jaqi jiwarayatanakampi phuqhantatawa; markax jan wali lurañanakampi phuqhantatawa. Nayas aka marka apanukkirista, janis ñanqha luratanakap uñjkirista ukham jupanakax amuyapxi.

Amós 6:1

“¡Ay kunakïkan Jerusalén markan samarat jakirinakatakixa! ¡Ay kunakïkan Samaria markar katuyasit jakirinakatakixa, wali aytat markan jach'a jilïrinakaparu khitinakarutix israelitanakax yanap mayipki ukanakataki!

Abdías 1:6

¡Jumarusti Esaú, yänakam q'ala apaqapxtamxa! ¡Qamir yänakamsa jan mayan q'alpun lunthatsupxtamxa!

Malaquías 2:17

Tatitux jumanakan arunakam isch'ukkäwix qaritäxiwa; jumanakasti jiskhisisipkaktawa: “¿Kunarak jiwasasti parltan jiwasar isch'ukkäwi qarjasiñapatakisti?” sasa. Jumanakasti sapxtawa: “Jan wali lurir jaqinakax Tatitutakix walikïskiwa, ukanakampix kusisikiwa” sasa; ukatsti arusipxaraktawa: “¿kawkinkarak chiqapar uñjir Diosasti?” sasa.

2 Pedro 3:4

akham jiskt'apxarakïtam: “¿Kawkirak Criston ‘jutäwa’ satapasti? Awkinakasas jiwarawayxiwa, aka uraqix utjki ukkhatpach taqi kunas pachpakïskarakisä” sasa.