Proverbios 9:3 - Qullan Arunaka DC

³ Ukatsti uywat tawaqunakaruw khiti, marka amsta chiqatpach art'apxañapataki:

Aymar Bibliia 1986

³ Ucatsti uywatanacaparuwa qhiti art'asa jawsanipjjañapataqui, marcana wali amsta chekata, aqham sasa:

Qullan Arunaca

³ Ucatsti uywatanacaparuwa qhiti art'asa jawsanipjjañapataqui, marcana wali amsta chekata, aqham sasa:

Proverbios 9:3 Jak'a apnaqawi uñst'ayäwi

Salmos 68:11

11 (12) Tatituw mä yatiyäw arsu; walja warminakaw ukxat yatiyapxäna:

Proverbios 9:14

Jupax uta punkuparuw qunt'asi, taqpach markax uñstkis ukawjana,

Proverbios 9:16

“¡Jan yatiñan waynanaka aka chiqar jutapxam!” sasa. Ukatsti jan amuyt'asirinakar sanipxañapatakiw khitharaki akham sasa:

Mateo 22:9

Ukhamasti, thakhinakar mistupxam, qawqhanirutix jikxatapkäta ukanakar jaqichasïwir jawsanipxam’ sasa.

Lucas 11:49

“Ukat Diosax yatiñapan sixa: ‘Profetanakampi, apostolunakampi jupanakan ukarux khithä, ukatsti jupanakat yaqhipanakarux jiwayapxaniwa, mayninakarusti t'aqhisiyapxarakiniwa’ sasa.

Lucas 14:17

Manq'añ wakichatäxipansti, uywataparuw jawsayatanakar yatiyir khithäna: ‘Jutapxam, manq'añax wakt'ayatawa’ sasa.

Juan 18:20

Jesusasti juparux sänwa: —Nayax taqinin uñjkataw parläyäta, sinagoganakana, Tatitun utapan yatichasa; janiw nayax kuns jamasat yatichkti.

Juan 7:37

Phunchhäwi tukuy urux juk'amp jach'a urünwa. Ukürusti, Jesusax sayt'asisin jach'at arsüna: —Khititix umat pharjatäskchi ukax nayar jutpan, nayar iyawsiristi, ukat umt'arakpan. Kamisatix Qillqatan siski: “Nayar iyawsirin chuymapatxa, jakaskir umani jawiranakaw jalsuni” —sasa.

Romanos 10:15

¿Kamisarak jan khithatäkasin suma arunak yatiyanipxanisti? Kamisatix Qillqatan siski: “¡Kunja sumas Diosan suma yatiyäwi arunakap apanirinakan purinitapaxa!” sasa.