Proverbios 9:1 - Qullan Arunaka DC

¹ Yatiñ kankañax utap utachasi, ukarusti paqallqu sayirinakampiw k'achacht'i;

Aymar Bibliia 1986

¹ Yatiñ cancañajj mä utwa lurasi, ucarusti pakallko pilaranacampiw c'achacht'i;

Qullan Arunaca

¹ Yatiñ cancañajj mä utwa lurasi, ucarusti pakallko pilaranacampiw c'achacht'i;

Proverbios 9:1 Jak'a apnaqawi uñst'ayäwi

1 Reyes 7:21

Hiram chachax uka pä sayirinakxa, Tatitun utapar mantañäkis ukaruw uchäna. Uchxasinsti, kupi tuqinkir sayirirux Jaquín sasaw sutichäna, ch'iqa tuqinkir sayirirusti Bóaz sasaw suticharakïna.

1 Reyes 7:6

Ukxarusti “Sayirinakani Uta” sat utachayarakïna, ukasti sayt'urux pä tunka payan metro chikatani, iranarusti tunka kimsan metro chikatanïnwa. Uka uñkatasinsti yaqha utaraki luräna, ukasti sayirinakanïnwa patat utachxatataraki.

Proverbios 1:20

Yatiñ kankañax anqanakan arnaqasiski; thakhinakan arup ist'asiyaski;

Proverbios 2:1

Munat wawaxay, jumatix arunakax katuqitäta; kamachi arunakaxsa imäta,

Proverbios 24:3

Utax yatiñ kankañampi luratawa, qallta qalapas ch'ikhi kankañampi uchatawa;

Proverbios 3:1

Munat wawaxay, janiy yatichäwinakaxat armasimti; kamachi arsutanakax chuymamarupun imam,

Proverbios 8:1

Yatiñ kankañax jach'at arnaqasiski, ch'ikhi kankañasti arup ist'asiyaraki.

Isaías 55:1

“Taqi khitinakatix umat pharjatäpkta ukanakax umt'ir jutapxam; jan qullqininakax jutapxam, manq'añatak trigo inak mayisipxam, vinompi, lechempi inak mayisipxam.

Mateo 16:18

Nayasti saraksmawa, jumax Pedro satätawa, nayasti aka qalxaruw iglesiax sayt'ayasï, ukarusti janirakiw jiwañan munañapas atipkaniti.

Gálatas 2:9

Santiagompi, Pedrompi, Juanampix iglesian aytat jilïrinakat uñt'atanakasti, Diosan nayar uka luräwi churatap uñt'apxi. Ukatsti mayachasiñ amtäwimpiw nayampiru, Bernabeampirux amparanakax q'aphirapxitu, jupanakasti jan judiöpkis uka taypir nanakan irnaqir sarapxañaxatakix “walikiw” sapxänwa, ukchañkamasti jupanakax judionak taypin irnaqapxañaparakïnwa.

1 Timoteo 3:15

ukat aka arunak qillqansma, kunjämsa maynix jakkir Diosan iglesiap taypin sarnaqañapa uka tuqita, uka iglesiaw chiqa kankañar thurxäsi, katxäsiraki.

Apocalipsis 3:12

Jan walt'äwinakar atipjirinakaru, nayar iyawsañ chuyma katxäsirinakarux, Diosaxan utapan katxäsir pirqanakapäkaspas ukham tukuyä, janipuniw mayampsa ukat mistkxapxaniti; ukanakaruw Diosaxan sutipsa qillqä, Diosaxan markapan sutipsa qillqarakï, ukasti alaxpachat saraqanir machaq Jerusalenawa; ukanakarusti machaq sutixsa qillqarakïwa.