Proverbios 6:12 - Qullan Arunaka DC

¹² Ñanqha jan wali jaqix, k'ari arunak parlasakiw sarnaqi;

Aymar Bibliia 1986

¹² Qhititejj ñankha, jan wali jakëqui ucajja, c'ari arunaca parlasaquiwa sarnake;

Qullan Arunaca

¹² Qhititejj ñankha, jan wali jakëqui ucajja, c'ari arunaca parlasaquiwa sarnake;

Proverbios 6:12 Jak'a apnaqawi uñst'ayäwi

Salmos 10:3

Ñanqha lurir jaqix munapayatapat jach'achasi; Tatiturusti ñanqhachji, jisk'achjarakiwa.

Salmos 10:7

Arunakapax chuyma ust'ayir arunakawa; suma arunïpkaspas ukhamäpxiwa, ukampis ñanqhachaña, t'aqhisiyañ amtanïpxiwa.

Salmos 101:3

ñanqha amtäwinakarux janipuniw uñtkäti. Diosat saraqtirinakarux uñisipuntwa; ¡janipuniw jupanakampix jak'achayaskäti!

Salmos 36:3

3 (4) Q'añu arunak parlir k'ari jaqiwa, aski lurañanakxa, janipuniw amuykiti.

Salmos 59:7

7 (8) Kuns arsusipkakiwa, arsutanakapampis chuym ust'ayapxi: “Janiw khitis ist'kistaniti” sasa.

Proverbios 10:32

Aski jaqix suma arunak arsu; qhuru jaqisti jan wali arunakak parli.

Proverbios 11:6

Chiqa sarnaqir jaqinakarux aski kankañaw qhispiyani, inampst'ir jaqinakarusti juk'amp munañaw katjaskani.

Proverbios 16:27

Ñanqha lurir jaqix jan wali lurañanakak lup'iski; ¡arunakapas nina lawrar uñtatawa!

Proverbios 16:30

Ñanqha lurañ amtir jaqix, nayrapampiw ch'irmt'i; jan walinak lurasasti, laka ispillupsa achurasiwa.

Proverbios 17:4

Ñanqha lurir jaqix, ñanqhachir jaqiruw ist'i, k'ari jaqisti, k'ari jaqiruw ist'araki.

Proverbios 2:12

Yatiñ kankañaw jan wali thakhit qhispiyätam, ñanqha arunak parlir jaqinakat jithiqtayätam;

Proverbios 3:32

Tatitux luqhi chuyman jaqirux uñisiwa, aski jaqinakampisti sumankiwa.

Proverbios 4:24

K'ari arsuñax lakamat jayankpan; k'ari parlañat jithiqtam.

Proverbios 6:14

amuyupasti ñanqha lurañamp chhaqtayatawa, chuymapan jan walinak lup'isakiw sarnaqi, ch'axwanak utjayañ lup'isakiw sarnaqaraki.

Proverbios 8:13

Tatitur axsartañaxa, jan walir uñisiñawa. Nayax, jach'a jach'a tukuñarusa, jan walin sarnaqañarusa, k'arisiñarus uñistwa.

Jeremías 24:2

Maynïr canastanxa wali suma higonakaw utjäna, nayrïr achuqir higonaka, maynïr canastansti, ñusantat higonakakiw utjäna, uka higonakasti ukham ñusantatätapatxa, janiw manq'añjamäkänti.

Mateo 12:34

¡Katari jaqinaka! ¿Kamisarak jan wali jaqïkasin suma arunak arsupxasmasti? Kunatix chuymanakaman phuqhantatäki, ukhamarjamaw arsupxtaxa.

Hechos 20:30

Jumanak taypinpach yaqhipanakax sartani, k'arinak yatichasa, chiqäkaspas ukhama, iyawsirinakampi arkayasiñ munasa.

1 Timoteo 5:13

Ukatsti, utat uta sarnaqasax jayraw tukupxi; janiw jayrakit tukupki, jan ukasti arunak apnaqapxi, taqi kun yatxatañ munapxi, jan wakiskir arunak arsupxi.

Santiago 1:21

Ukhamasti, jumanakax q'añu lurañanak apanukupxam, jan wali lurañax utjki ukanak apanukupxarakim, ukatsti kuna arunakatix chuymanakaman yapuchatäki uka arunak llamp'u chuymampi katuqapxam, uka yatiyäwi arusti jumanakar qhispiyañatakix ch'amaniwa.

Santiago 3:6

Kuna arunaktix laxrasamp arsktan ukax ninamp sasiwa. Laxrasax ñanqhanak lurañatak wali ch'amaniwa, jakañasarus janiw walt'aykistaspati, ukatsti manqhapachan nakharaksna.

1 Samuel 17:28

Ukampis Eliab sata Davidan jilïri jilapaxa, ukham jaqinakampi parlaskir ist'asax wal thithïna, ukat sarakïna: —¿Kunarus akar jutta? Wasarankki uka mä qawqha ovejanaksti ¿khitirus jaytaniwayta? Nayax juman jach'achasiñ munirïtamsa, jan wali amtäwinïtamsa uñt'smawa, jumax soldadonak nuwasiri uñjirikiw juttaxa —sasa.