Proverbios 5:12 - Qullan Arunaka DC

¹² Ukkhakiw jumax säta: “¡Janik yatichäwi arunakar jisk'achkpachänti! ¡Janik chiqachäwi arunakarus apanukkpachänti!

Aymar Bibliia 1986

¹² Ucatsti ucqhaquiwa jumajj sätajja: “¡Janiqui yatichäwi arunacar jisc'achcpachänti! ¡Janiqui chekachäwi arunacarus apanucpachänti!

Qullan Arunaca

¹² Ucatsti ucqhaquiwa jumajj sätajja: ‘¡Janiqui yatichäwi arunacar jisc'achcpachänti! ¡Janiqui chekachäwi arunacarus apanucpachänti!

Proverbios 5:12 Jak'a apnaqawi uñst'ayäwi

Génesis 19:9

Ukampis jupanakax sasipkakïnwa: —¡Sartam ukkhata! ¿Khitïtas jumax kuntix lurapxañaxäki uk sañatakixa? ¡Jumax yaqha markat jutir jaqikïtawa! ¡Jichhasti jumarux uka jaqinakat sipansa juk'ampi jan walinak lurapxäma! —sasa. Ukatsti Lot chacharux nuwjañ qalltapxäna, punku t'unsuñatakiw jak'achasipxarakïna,

2 Crónicas 25:16

Profetax uka arunak arskäna ukkhaxa, reyix juparux saskakïnwa: —¿Khitirak jumarusti reyin amuyt'ayiripat uchtamsti? ¡Jan ukanak parlkamti! Jan ukax ¿jiwayatäñcha muntaxa? —sasa. Profetasti ukxarux janiw juk'amp arskxänti, ukampis sänwa: —Diosax uk luratamata, iwxa arunakaxar jan ist'atamatsa t'unjätamwa —sasa.

2 Crónicas 36:16

Ukampis jupanakax Diosan khithanakapat larusipxänwa, yatiyäwinakapar janiw yäqapkänti, profetanakapatsa phiskasipxarakïnwa, Tatitun q'apisiñapasti markapatak ninjamaw aqtäna, ukat jupax mutuyañ amtäna.

Salmos 50:17

nayampi jan chiqachayasiñ munkasasa, arunakaxarus jan jayskasasa?

Salmos 73:22

nayax jan amuyt'asir jalta chuyma jaqïyätwa; ¡nayraqatamansti uywar uñtatäyätwa!

Proverbios 1:22

“Jan yatiñani, sawkasiri, pisi amuyt'an waynanaka, ¿kunapachkamarak pisi amuyt'añan sarnaqapxäta, sawkasiñanakaman kusisiñ jikxatasa, kunapachkamarak yatiñ kankañar jisk'achasipkakïtasti?

Proverbios 1:25

Jan ukasti, suma iwxa arunakaxarux janiw jaysapkistati, nayan chiqachäwinakax katuqañsa janiw munapktati.

Proverbios 1:7

Yatiñ kankañan qalltapax Tatitur axsartañawa; pisi amuyt'an jaqinakasti yatiñarusa, yatichäwirus jisk'achapxiwa.

Proverbios 10:17

Chiqachäwi arunak jaysir jaqix, jakañ thakhinjam saraski; jan jaysasiristi, chhaqhañ thakhiruw saraski.

Proverbios 12:1

Chiqachatäñaru munañax, yatiñ kankañar munañawa; chiqachatäñar uñisiñax, jan amuyt'asirïñawa.

Proverbios 13:18

Suma iwxa arunakar jisk'achir jaqix, jan kunani, jisk'achatakiw sarnaqani, chiqachäwi ist'ir jaqisti, wali jach'añchataw uñjasini.

Proverbios 15:5

Jan amuyt'an jaqix awkipan yatichäwiparux jisk'achiwa; awkipar ist'ir jaqisti yatiñanïtap uñacht'ayi.

Proverbios 5:11

Jan ukasti, qhiparux jachañakiw wakt'ätam, janchimax juk'at juk'at aynacht'xan ukapacha.

Proverbios 6:23

Chiqpachansa iwxa arunakampi, yatichäwinakampix qhanaskir lamparar uñtatawa; chiqachäwinakampi, suma iwxt'a arunakampix, jakañ thakhiwa.

Proverbios 8:36

ukampis nayar apanukurixa, jakañap aynacht'añaruw apaski; ¡nayar uñisiñax jiwar munasiñawa!”

Jeremías 44:4

Nayasti mayamp mayampi nayar luqtir profetanak khithanipxäyäsma, jumanakar uka axtañ luräwinak jan lurapxañamatak yatiyiri, nayasti uka luräwinakampix axtastwa.