Proverbios 4:18 - Qullan Arunaka DC

¹⁸ Aski jaqinakan sarnaqäwipax willjta qhanjamawa; urutatañkamaw juk'at juk'at qhanti.

Aymar Bibliia 1986

¹⁸ “Asqui jakenacan sarnakäwinacapasti willjta khanjamawa; phokhatpach khantañcamaw juc'at juc'at khanti.

Qullan Arunaca

¹⁸ “Asqui jakenacan sarnakäwinacapasti willjta khanjamawa; phokhatpach khantañcamaw juc'at juc'at khanti.

Proverbios 4:18 Jak'a apnaqawi uñst'ayäwi

2 Samuel 23:4

qhantati warawarar uñtatäniwa, jan qinayan urun, qhantkir intiru uñtatäniwa, quranaksa jallu purintipan inti qhanapampi jiltayki ukhamäniwa’ sasa.

Job 11:17

Jakañamax chika uru k'ajir intit sipan juk'ampiw k'ajani; wali ch'amaka urunakamasti willjta qhantatir uñtatäxaniwa.

Job 17:9

Jupanak pachpaw askit uñt'asipxi, jan kuna juch luririw tukupxaraki.

Job 23:10

Jupaw sarnaqäwixa yati; yant'atasti suma qurir uñtat q'umaw mistü.

Salmos 84:7

7 (8) ch'amanakapax jilxataniwa, Sión markansti Diosaruw uñjapxani.

Salmos 97:11

Qhanax aski jaqitakix k'ajtiwa; kusisiñasti chiqap chuyman jaqinakatakiwa.

Proverbios 13:9

Aski jaqinakax suma qhanar uñtataw k'ajapxi, ñanqha lurir jaqinakasti, micha qhanar uñtataw jiwarxapxi.

Proverbios 15:24

Jakañar irpir thakhix amstaruw sari, yatiñan jaqirusti jiwañar puriñat qhispiyaraki.

Proverbios 2:20

Jumasti suma thakhinjam sarnaqam, aski chiqa jaqinakan sarnaqäwiparjam sarnaqarakim.

Proverbios 2:9

Ukapachaw yatirakïta chiqäki, askïki uksa, ukat amuyt'arakïta taqi askin sarnaqañapun sumätapa.

Isaías 26:7

Aski jaqinakan sarnaqäwinakapax chiqapawa; Tatay, jupanakan thakhipsa jumaw khuskhachtaxa.

Daniel (hebreo) 12:3

Yatiñani jaqinakasti, waljaniru chiqa thakhinjam irpirinakasti, alaxpach qhanjamaw k'ajapxani; ¡warawaranakjamaw wiñayatak k'ajapxarakini!

Oseas 6:3

¡Tatitur uñt'añatak ch'amacht'asipxañäni! Jupaw jiwasanakan ukar jutani, kunjämtix intix jalsunki ukhama, kunjämtix nayraqat jallunakax uraqir purxatki ukhama.

Mateo 5:14

“Jumanakax akapach qhanäpxtawa. Mä qullu patankir markax janiw imantaskaspati.

Mateo 5:16

Uka pachpay jumanakan qhanamax jaqinak nayraqatan qhantpan, ukhamat aski luräwinakam uñjasin Dios Awkimar taqpachan yupaychañapataki.

Mateo 5:45

Ukhamat jumanakax alaxpachankir Awkiman wawanakapäpxäta; jupaw inti jalsuyani jan wali jaqinakatakisa, aski jaqinakatakisa, juparakiw jallu apayani, aski jaqinakatakisa, jan wali jaqinakatakisa.

Juan 8:12

Jesusax wasitampiw jaqinakar parläna: —Nayätwa akapach qhanaxa; khititix nayar arkitani ukax jakañ qhananïniwa, janirakiw mayampis ch'amakan sarnaqkxaniti —sasa.

2 Corintios 3:18

Ukatpï taqi jiwasanakax, ajanunakasan uka velompi jan imantatäxatap laykux, mä lirphur uñtatjamaw Tatitun qhapaq kankañapat k'ajtanxa, ukatsti jupar uñtataw tukupxaraktan, jupan qhanapax jiwasankatap layku, uksti Ajayükis uka Tatituw jiwasanakatak luri.

Filipenses 2:15

ukhamat jan khitis jumanakar mä kunatsa juchañchaskañapataki, jan ukasti Diosan wawanakapjam jan akch'as q'añuni uka jan wali jaqinak taypin jikxatasipxañamataki. Jumanakasti, ch'amak taypin k'ajir warawarjam jupanak taypin k'ajapxapunim,

2 Pedro 1:19

Ukhamat profetanakan yatiyäwipax juk'amp thurt'at uñjasi. Ukhamax uka arunakar ist'apxam, uka arunakaw Criston kuttaniñapkamax kunjämsa sarnaqapxäta ukanak yatichapxätam, jakañanakamsa sumaruw tukuyarakini.

2 Pedro 3:18

Ukampis Qhispiyiri Tatit Jesucristosar uñt'apxam, munasiñapan jiltapxarakim. ¡Jupasti jach'añchatäpan, jichhasa, wiñayataki! Ukhamäpan.

Apocalipsis 21:23

Uka markatakix janiw intisa, phaxsisa qhanañapatak munaskiti, Diosan k'ajatapa qhantayatap layku, qhaniripasti Corderowa.

Apocalipsis 22:5

Ukanxa janiw arumax utjkxaniti, ukan jakirinakasti janiw micha qhansa, intin qhanapsa munkxaniti, Dios Tatitukiw qhanani, jupanakasti wiñayatakiw ukan jakapxani.

Jueces 5:31

“¡Tatay, taqpach uñisirinakamax ukham tukjatäpxpan, jumar munirinakasti qhanapxpan, kunjämtix intix chika urun qhanki ukhama!” Uka qhipatsti uka uraqinxa, pusi tunka maraw samarañax utjäna.