Proverbios 3:7 - Qullan Arunaka DC

⁷ Janiy sinti yatiñanjam tukumti; Tatitur axsartam, taqi ñanqhat jithiqtam,

Aymar Bibliia 1986

⁷ Jan amuyasimti sinti yatiñanïtama; Tatitur ajjsartam, take ñankhatsa jithektam,

Qullan Arunaca

⁷ Jan amuyasimti sinti yatiñanïtama; Tatitur ajjsartam, take ñankhatsa jithektam,

Proverbios 3:7 Jak'a apnaqawi uñst'ayäwi

2 Samuel 12:20

Ukspachaw Davidax uraqit sartäna, jariqasisinsti, suma q'apkir qullampiw jawsusïna, yaqha isimpiw uchasirakïna. Ukatsti Tatitun utapar mantasin jupat mayisïna. Utapar kuttasinsti manq'a mayïna ukat manq'arakïna.

Nehemías 5:15

Ukampis nayat nayra marka apnaqirinakasti, jan wal markar lurapxäna, jupanakax sapüruw pusi tunk qullqi mayisipxirïna manq'añataki, vinotaki. Ukxarusti yanapirinakapax markachirinakarux t'aqhisiyapxirïnwa. Ukampis nayax janiw ukham lurkti Tatitur axsaratax layku.

Job 1:1

Uz sat chiqan mä chachaw utjäna Job sutini. Jupasti aski, chiqa jaqïnwa, Diosar axsartirïnwa; ñanqha lurañatsa jithiqtatarakïnwa.

Job 28:28

Jaqinakarusti Diosax sänwa: “Yatiñ kankañax: Tatitur taqi chuyma jaysañawa; ch'ikhi kankañax: ñanqhat jithiqtañawa” sasa.

Éxodo 20:20

Moisesasti israelitanakarux sarakïnwa: —Jan axsarapxamti. Diosax jumanakar yant'iriw juti, jupar axsartasapun sarnaqapxañamataki, ukhamat jucha jan lurapxañamataki —sasa.

Proverbios 14:16

Yatiñan jaqix ñanqharux axsariwa, jithiqtarakiwa, pisi chuyma jaqisti ch'amaparukiw alkati.

Proverbios 14:27

Tatitur jach'añchas sarnaqañanxa, jakañaw utji; jupaw jiwan sipitapat qhispiyi.

Proverbios 16:6

Munasiñampi, chiqa kankañampiw jucha luratarux pampachi; Tatitur axsaratap laykuw jaqix ñanqhat jithiqti.

Proverbios 23:4

Qamiriptañatak jan ch'amachasimti; jan ukxat llakisimti.

Proverbios 26:12

Yaqhip jaqix wali yatiñanïkaspas ukhamaw tuku, ukampis jan amuyt'asir jaqiw jupat sipan chiqachasispa.

Proverbios 26:5

Jan amuyt'an jaqirux jupatakjam arunakampi arusxatam, jan jupan amuyuparjama yatir tukuñapataki.

Proverbios 28:11

Qamir jaqix wali yatiñaniw tuku; jan kunan jaqisti ch'ikhi kankañapampiw qamirin jan amuyt'asirïtap yati.

Proverbios 28:26

Jupa pachpan amuyt'äwipar alkatasir jaqixa; jan amuyt'asir jaqiwa, yatiñ kankañamp sarnaqir jaqisti qhispitaw uñjasini.

Proverbios 8:13

Tatitur axsartañaxa, jan walir uñisiñawa. Nayax, jach'a jach'a tukuñarusa, jan walin sarnaqañarusa, k'arisiñarus uñistwa.

Eclesiastés 12:13

Parlañax tukusxiwa. Taqi kunaw satäxi. Diosar yupaycham, kamachi arunakapar phuqham, taqi ukanakan jaqitakïtap layku.

Isaías 5:21

¡Ay, kunakïkan jumanakatakixa, khitinakatix taqi kuns yatir yatiri tukupkta, wali ch'ikhïpkasmas ukham amuyasipkta ukanakatakixa!

Romanos 11:25

Jilatanaka, nayax Diosan jamasan imantatäki uk yatipxañam munta, ukhamat jan jumanakax yatiñaninakjam tukusipkañamataki: yaqhip israelitanakax chuymanakap qalarayasipxi, ukasti jan israelitanakäpki ukanakan mantañapkamakiwa.

Romanos 12:16

Jumanak taypin mä amtanik jakasipxam. Jan jach'a jach'a tukupxamti, jan ukasti, llamp'u chuymaninakjamäpxam. Janirak wali yatiñanjamas tukupxamti.