Proverbios 27:9 - Qullan Arunaka DC

⁹ Q'apkir qullanakax chuymaruw kusisiyi; jilat masinakan iwxa arupax, jakäwiruw kusisiyi.

Aymar Bibliia 1986

⁹ K'apquir perfumenacajja jaken chuymaparuw cusisiyi; ewjja arunacasti jaken jacäwiparuw cusisiyi.

Qullan Arunaca

⁹ K'apquir perfumenacajja jaken chuymaparuw cusisiyi; ewjja arunacasti jaken jacäwiparuw cusisiyi.

Proverbios 27:9 Jak'a apnaqawi uñst'ayäwi

1 Reyes 1:12

Jutam, may iwxt'äma, ukhamat jumax jakañamsa, Salomón yuqaman jakañapsa qhispiyañamataki.

Salmos 104:15

ch'amanchir t'ant'a jikxatañapataki, chuymapar kusisiyir vino apsusiñapataki, ajanupas aceitjam lliphipiñapataki.

Salmos 133:2

Ukax q'apkir qullar uñtatawa, sacerdotenakan p'iqipat llumiqasin sunkhap chiq saraqki, kunka isipkam purki ukhamawa.

Salmos 141:5

Aski jaqix mutuyitpan, suma jaqix tuqinuqitpan, ukanak katuqañatakix janiw jaltkäti; mutuykatpachas Tatitut mayisiskakïwa.

Salmos 23:5

Uñisirinakaxan uñjkañaw manq'añ wakicharapista; kusisiñampiw phuqhantista, wali sumpun uñjarakista.

Proverbios 15:23

¡Kunja askisa jiskt'aru wakiskir arunak arusxatañaxa, wakisitapar arusxatañasti juk'amp askiwa!

Proverbios 16:21

Yatiñ kankañampi amuyt'ir jaqix, ch'ikhi jaqit uñt'atawa; suma arumpi parlañasti sum amuyt'ayi.

Proverbios 7:17

ukatsti mirra, áloe, canela sat suma q'apkir qullanakampiw uchanirakta.

Cantar de los cantares 1:3

q'apkir qullaman q'aphipas mukt'atax wali sum q'apkatitu, sutimasti suma q'apkir qulla wartatjamaw q'aphiraki. ¡Ukat tawaqunakax wal munasipxtam!

Cantar de los cantares 3:6

¿Kunarak wasar tuqit jutki ukasti? Mä jach'a jiwq'ir uñtatawa, panqar q'aphinak taypinjama, incienso q'aphichata taypinjama, ukhamarak suma q'apkir qullanakan q'aphip taypinjam jutanti.

Cantar de los cantares 4:10

¡Kullakitay, nayan munasitaxay, kunja sumas juman munart'asiñamaxa! ¡Munart'asiñamax vinot sipan juk'amp muxsawa, q'aphir qullanakamas yaqha suma q'apkir qullanakat sipan juk'amp sumarakiwa!

Juan 12:3

María kullakapasti, nardo quqat apsut chikat litro q'apkir qulla apanïna, uka qullasti wali jila alanïnwa, ukampiw Jesusan kayupar warxatäna, ukatsti ñik'utapampiw phiskhurarakïna. Uka q'apkir qullasti utpacharuw q'aphipampix phuqhantäna.

Hechos 28:15

Romankir jilatanakasti nanakan puriñax yatipxarakïnwa; ukat jupanakax nanak katuqir thakhir jutapxäna, Foro de Apio satäkis ukakama. Jikisipkta ukawjasti “Tres Tabernas” satänwa. Jupanakar uñkatasinsti, Pablox Diosaruw yuspagaräna, ukatsti wal kusisirakïna.

Jueces 9:9

Ukampis olivo quqax janiw munkänti, jupax sänwa: ‘Quqanakan reyipäñaxatakix aceite utjayañ jaytxañaxäspawa, uka aceitex wali askiwa jaqinakampiru, Diosampir jach'añchañataki’ sasa.