Proverbios 27:8 - Qullan Arunaka DC

⁸ Yurïwipat jayan sarnaqir jaqix, tapapat jayan sarnaqir jamach'ir uñtatawa.

Aymar Bibliia 1986

⁸ Cunjämatï mä jamach'ejj tapapata jayana sarnakejja, uqhamawa qhititï nacïwipat jayana sarnakqui ucajja.

Qullan Arunaca

⁸ Cunjämatï mä jamach'ejj tapapata jayana sarnakejja, uqhamawa qhititï nacïwipat jayana sarnakqui ucajja.

Proverbios 27:8 Jak'a apnaqawi uñst'ayäwi

Génesis 21:14

Qhipärmanthi willjtasti, Abrahamax Agar warmirux t'ant'ampi, mä uman lip'ichi wayaqampi churäna, ukanak q'ipxaruyasasti, Ismael wawapar irpxaruyasaw khithanukxäna. Agarasti sarawayxänwa, Beerseba wasara tuqinarak khuy aka sarnaqäna.

Génesis 4:16

Ukatsti kawkhantix Caín chachax Tatitumpi parlaskäna uka chiqat mistuwayxänwa, ukat Nod sata chiqar jakiriw sarxäna, ukasti Edén chiqat inti jalsu tuqinkiwa.

1 Reyes 11:22

Faraonasti ukxaruw säna: —¿Kunatakirak uraqimar kutt'añ muntasti? ¿Kunarak naya jak'an pist'tamsti? —sasa. Hadad chachasti sänwa: —Janiw kunas pist'kituti, ukampis sarañpun munta —sasa.

1 Reyes 19:9

Purisinsti mä puturuw mantäna, ukan uka arumax qhantatirakïna. Ukampis Tatituw jupar wasitat parläna, ukat jiskt'arakïna: “¿Elías, kuns akan luraskta?” sasa.

Proverbios 21:16

Ch'ikhi kankañamp jan sarnaqir jaqixa, jiwatanak taypiruw purini.

Proverbios 26:2

Ina ch'usat ñanqhachäwix janiw khitirus wakt'kiti; chhaqhat jamach'ir uñtata, jan tapani golondrina sat jamach'ir uñtatakiwa.

Proverbios 27:7

Manq'amp sist'at jaqitakix, misk'is janiw sumäkxiti, manq'at awtjat jaqitakisti, k'allk'u manq'as muxsakiwa.

Isaías 16:2

Moab markan jakirinakaxa, Arnón jawir chiqnäma makhatasasti, tapat jaltiri mulljat jamach'inakjamäpxiwa.

Jonás 1:3

Jonás chachasti Tatitur ist'kpachaxa, nayraqatapat jayar jaltañ amtäna, ukatsti Jope puertor purisin Tarsis tuqir mistuskir mä barco jikxatäna; pasajep alasisinsti, uka barcoruw sarxatawayxäna.

1 Corintios 7:20

Sapa mayniw kunjämtix Diosax jawsapktam ukhamakïsipkañama.

Judas 1:13

P'inqaskañ luräwinakapax quta mathapinakan jupuqupar uñtatawa. Thakhipat saranukur chhaqhat warawaranakjamäpxiwa, wiñayatak ch'amakan jakapxañapatak juchañchatäpxiwa.

1 Samuel 22:5

Ukatsti Gad profetax Davidarux akham amuyt'ayarakïna: —Jan uka imantasiñarux qhiparkamti, jan ukasti Judá uraqir sarxam —sasa. Ukhamat Davidax sarawayxäna, ukatsti Héret uka ch'umiruw purïna.