Proverbios 26:2 - Qullan Arunaka DC

² Ina ch'usat ñanqhachäwix janiw khitirus wakt'kiti; chhaqhat jamach'ir uñtata, jan tapani golondrina sat jamach'ir uñtatakiwa.

Aymar Bibliia 1986

² Cunjämatejj chhakat jamach'isa, jan ucajj golondrina sat jamach'isa laka tokena maysar maysar jan tapani jalnakasquejja, uqhamawa maldicionajj ina ch'usatjja janiw wact'caraquispati.

Qullan Arunaca

² Cunjämatejj chhakat jamach'isa, jan ucajj golondrina sat jamach'isa laka tokena maysar maysar jan tapani jalnakasquejja, uqhamawa maldicionajj ina ch'usatjja janiw wact'caraquispati.

Proverbios 26:2 Jak'a apnaqawi uñst'ayäwi

2 Samuel 16:12

Inas Tatitux nayaru llakt'ata, t'aqhisiri uñjitani ukapachax, jichhür ñanqhachäwinak katuqataxat, askinak apayanchitani —sasa.

2 Samuel 16:8

¡Tatituw jumarux mutuyasktam Saúl reyin wila masinakapar jiwarayatamata, jupa lanti marka apnaqañ munatam layku! ¡Jichhasti Tatitux Absalón wawamaruw markar apnaqañam katuyxi, juman pachpa ñanqha luratamatjamaw t'aqhisiskaraktaxa, jaqi jiwayirïtam layku! —sasa.

Nehemías 13:2

Uka jaqinakasti mä kutix, janiw manq'añsa, umañsa israelitanakar churapkataynati, jan ukasti jupanakax Balaam chacharuw israelitanakar ñanqhachañ arunak arsuñapatak qullq churapxatayna. Ukampis Tatitusax uka ñanqhachañ arunak aski arunakaruw tukuyäna.

Salmos 109:28

Jupanakax ñanqhachapxitpasa, jumax askimay churita. Timanakaxax aynacht'apxpan, uywatamasti ukchañkamax kusispan.

Proverbios 27:8

Yurïwipat jayan sarnaqir jaqix, tapapat jayan sarnaqir jamach'ir uñtatawa.

Isaías 16:2

Moab markan jakirinakaxa, Arnón jawir chiqnäma makhatasasti, tapat jaltiri mulljat jamach'inakjamäpxiwa.

Números 23:8

¿Kamisarak nayasti, Diosax jan ñanqhachki ukar ñanqhachästi? ¿Kamisarak jan walir puriñapatak mayïsti, Tatitux jan lurki uksti?

1 Samuel 17:43

ukat säna: —¿Nayasti anütti juman lawampi nuwasiri jutañamatakixa? —sasa. Ukatsti ukspachaw uka filisteo jaqix diosapan sutipxaru Davidarux ñanqhachäna.