Proverbios 26:12 - Qullan Arunaka DC

¹² Yaqhip jaqix wali yatiñanïkaspas ukhamaw tuku, ukampis jan amuyt'asir jaqiw jupat sipan chiqachasispa.

Aymar Bibliia 1986

¹² Yakhep jakejj wali yatiñanïcaspasa uqhamaw tucu, ucampis jan amuyt'an jakewa jupat sipana chekachasispa.

Qullan Arunaca

¹² Yakhep jakejj wali yatiñanïcaspasa uqhamaw tucu, ucampis jan amuyt'an jakewa jupat sipana chekachasispa.

Proverbios 26:12 Jak'a apnaqawi uñst'ayäwi

Proverbios 12:15

Jan amuyt'an jaqitakix taqi kun luratapas walikïskiwa, yatiñan jaqisti, suma iwxa arunakarux ist'iwa.

Proverbios 22:29

Lurañap sum lurir jaqix, reyinakan luqtiripäniwa, janiw jan yäqat jaqinakan luqtiripäkaniti.

Proverbios 26:16

Jayra jaqix wali yatiñan jaqjamaw tuku jupjamax janis khitis utjkaspa ukham amuyasi.

Proverbios 26:5

Jan amuyt'an jaqirux jupatakjam arunakampi arusxatam, jan jupan amuyuparjama yatir tukuñapataki.

Proverbios 28:11

Qamir jaqix wali yatiñaniw tuku; jan kunan jaqisti ch'ikhi kankañapampiw qamirin jan amuyt'asirïtap yati.

Proverbios 28:26

Jupa pachpan amuyt'äwipar alkatasir jaqixa; jan amuyt'asir jaqiwa, yatiñ kankañamp sarnaqir jaqisti qhispitaw uñjasini.

Proverbios 29:20

Jan amuyt'asir jaqiw walïskaspa, jan amuyt'asis mäki parlir jaqit sipana.

Proverbios 3:7

Janiy sinti yatiñanjam tukumti; Tatitur axsartam, taqi ñanqhat jithiqtam,

Isaías 5:21

¡Ay, kunakïkan jumanakatakixa, khitinakatix taqi kuns yatir yatiri tukupkta, wali ch'ikhïpkasmas ukham amuyasipkta ukanakatakixa!

Mateo 21:31

Uka paninitxa, ¿kawkïris awkin munañap luränxa? —sasa. Jupanakasti sapxänwa: —Nayrïrïkis ukawa —sasa. Jesusasti jupanakarux sänwa: —Qhanak sapxsma, Romatak qullqi apthapirinakampi, walja chachanakampi sarnaqir warminakampiw jumanakat nayraqat Diosan qhapaq markapar mantapxani.

Lucas 18:11

Fariseox sayt'asisin Diosat mayisïna, akham sasa: ‘Diosaxay, yuspagarsmawa, nayax janiw yaqhanakjamäkti, lunthatasiri, jan wali jaqi, wachuq juchan sarnaqiri, janirakiw aka qullqi apthapir jaqjamäktsa.

Lucas 7:44

Ukatsti Jesusax warmir uñtasin Simonaruw säna: —¿Aka warmirux uñjtati? Nayax utamaruw mantanta, ukatsti janiw nayarux mä juk'a umsa kayunakax jariqasiñatak churkistati; ukampis aka warmix jachapampiw kayunakax jariqitu, ñik'utapampiw wañsuyaraki.

Juan 9:41

Jesusasti jupanakarux sarakïnwa: —Jumanakatix juykhüpxasmaxa, janiw juchanïpkasmati. Ukampis “Uñjapxtwa” sapxatam laykuw juchanïpxtaxa —sasa.

Romanos 12:16

Jumanak taypin mä amtanik jakasipxam. Jan jach'a jach'a tukupxamti, jan ukasti, llamp'u chuymaninakjamäpxam. Janirak wali yatiñanjamas tukupxamti.

Apocalipsis 3:17

Jumax sistawa: Nayax qamirïtwa, taqi kunas sumaruw misturapitu, taqi kunan phuqt'atätwa, janiw kunas pist'kituti, sasa. Ukampis janiw amuyasktati: juman aynacht'ata juykhütama, jan kusisiñani, mich'a, q'alalarakïtama.