Proverbios 24:9 - Qullan Arunaka DC

⁹ Jan amuyt'asir jaqin amuyupax jucha lurañakiwa; ¡jan yäqasir jaqix, taqinin uñisitawa!

Aymar Bibliia 1986

⁹ Jan amuyt'an jakesti jucha lurañacwa munasqui; ¡jan yäkasir jakesti, uñisitawa jakenacanjja!

Qullan Arunaca

⁹ Jan amuyt'an jakesti jucha lurañacwa munasqui; ¡jan yäkasir jakesti, uñisitawa jakenacanjja!

Proverbios 24:9 Jak'a apnaqawi uñst'ayäwi

Génesis 6:5

Tatitux jaqinakan sinti jan walinak lurapxatap uñjäna, jaqin ñanqha lurañakpuni amtaskatapa,

Génesis 8:21

Kunapachatix uka suma q'aphix Tatitun ukar purïna ukkhasti, Tatitux akham sänwa: “Janipuniw mayampsa aka uraqirux jaqin jucha luratap laykux ñanqhachkxäti, jaqix waynatpacha ñanqha lurañak amtaski. Janirakiw animalanakarus mayampsa tukjkxäti, kunjämtix jichhax lurktxa ukhama.

Salmos 119:113

Qhipäxat uñisisir jaqinakar uñistwa, yatichäwinakamarusti munastwa.

Proverbios 21:24

Jach'achasiñampi lurir jaqix, jan watxtasiri, jach'a jach'a tukuri, jan amuyt'asiri sutiniwa.

Proverbios 22:10

Pitusir jaqir jaqunukum, jachjayasiñanakasti tukusxaniwa, ch'axwañanakasa, chuym ust'ayasiñanakas sayt'xaniwa.

Proverbios 23:7

uka manq'anakax mallq'aman mä t'awrar uñtatäniwa. Uka jaqix manq'añampitaki, umt'añampitakiw jawsätam, ukampis janiw taqi chuyma siskätamti;

Proverbios 24:8

Jan walinak lup'ir jaqix “Jan wali amtir jaqit” uñt'atawa.

Proverbios 29:8

Ch'axwanak utjayir jaqinakax, markaruw uxtayi; yatiñan jaqinakasti sumankañ utjayi.

Proverbios 9:7

Jan ist'asir ñanqha jaqiru chiqachirixa, tuqimpi, chuyma usu arunakampik katuqasi.

Isaías 55:7

Qhuru jaqix sarnaqäwip apanukpan, ñanqha amtañan jaqisti uka amtañanakap apanukpan; ukatsti Tatitun ukar kuttanxapxam, jupasti jumanakat khuyapayasipxätamwa; Diosasar makhatxapxam, jupasti juchanak pampachañatakix jank'akiwa.

Jeremías 4:14

Jerusalén, ñanqhanakat chuymam q'umachasim, ukhamat jumax qhispit uñjasïta. ¿Kunapachkamas uka jan wali amtañanakampix apnaqayasïta?

Mateo 15:19

Chuyma manqhat mistu: jan wali amtañanaka, jaqi jiwayañanaka, wachuqa jucha lurañanaka, lunthatasiñanaka, k'arisiñanaka, jaqxat jan wali parlañanaka.

Mateo 5:28

Ukampis nayax sapxsmawa, khititix mä warmir munapayañatak uñtixa, niyaw chuymapan jupampix wachuq jucha lurxi.

Mateo 9:4

Ukampis Jesusax jupanakan lup'itap amuyänwa, ukat jupanakarux jiskt'äna: —¿Kunatarak jumanakasti jan wali amtañanïpxtasti?

Hechos 8:22

Uka ñanqha amtäwim apanukum, Diosar achikt'asirakim, chuymaman jan wali lup'itamat pampachañapataki.

2 Corintios 10:5

ukhamarak Diosan arunakapax jan uñt'atäñapatak jark'ir jach'achasiñ arunakarusa. Jaqin janchi amtatanakapsa Cristoruw katuyapxta, ukhamat jupar jaysapxañapataki,